|
النفسيه السلام عليكم ازيكم اما حسيت انى كنت متضايقه شويه قلت ادخل الفضفضه اتكلم شويه يعنى هى حياتنا لا تسير على وتيره واحده اكيد فيها احزان وبرده فيها افراح ولكن انا حبيت اكتب هنا علشان اذكر نفسى انى مش اكتب حاجه وانا زعلانه لانه اكيد هينعكس على اسلوبى بمعنى مثلا اما نيجى نرد ف موضوع ما المفروض النفسيه تبقى كويسه جدااااا لانه بعد تحسن النفسيه نيجى نقرأ ما كتبناه نلاقى كان ممكن الرد يكون احسن من كدا ونظل ف حيره وقلق ونكون مش راضيين بالنهايه من الافضل اننا مش نكتب او نرد الا اما نكون فى حاله جيده حتى لا نندم |
عندك حق يا شروق فضفضة جت في وقتها بأيدك في الرأي جدا يا شروق ما ناخدش قرارات واحنا غاضبين ومنئذيش حد بكلامنا لو النفسية تعبانة ربي يعطيكي العافية يا شروق فضفضة قيمة جدا شكري وتقديري وامتناني |
دايما عكس الناس فى الحته ديه انا بحس ان الوقت ده اكتر وقت الواحد مبيجاملش بيقول اللى نفسه يقولوا بيقول اللى على لسانه من غير اى تجميل للكلام |
النفسيه مش بس بيكون لها تأثير علي ما نكتب او نرد بيه بيكون لها تأثير علي مجريات حياتنا وبكل المحيطين بينا احسنتي التعبير وتوظيف فكرتك باحترافيه تحياتي لكي |
معاكي طبعا الناس مش ليها ذنب تتحمل الضيقة والخنقة تسلمي |
كلامك صح وربنا عالم بحال كل واحد فينا بس الناس ملهاش ذنب ربنا يسعدك |
النفسية محتاجة على طول تضبيط عشان نعرف نعيش مع البشر اللي حوالينا أو حتى مع نفسنا |
| الساعة الآن 12:19 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب