وحشتنى
 

كل سنة وانتو طيبين وتقريبا كده برجع اكتب مع كل رمضان او اتنين
صدفة مش اكثر واتمنى وجودى معاكم
تحياتى للجميع


وحشتنى
زكرياتى اللى فى شارعنا
ولمة اخر النهار
كل صورة فى قلب بيتنا
رمضان ساعة الفطار
الصحبة واللمة ..
حضن امى والضمة
مكالمة حبيبتى لما
تكون بعد انتظار
وحشتنى
كل غنوة سمعتها
ولما بكيت
كل قهوة فى كل شارع
وكل بيت
وكتير بياخدنى حنين
يرجعنى لسنين
لو اسرح فيها واغمض
اعيشها تانى بالتفاصيل
ايام زمان وحشانى
لسه بحلم اعيشها تانى
ترجعلى ضحكة ولو ثوانى
فى صورة وكورنيش ونيل
وحشتنى
123/4/2019
ahmed adel

كل سنه وانت طيب بقى

الله كلمات جميله
فعلا كلها ذكريات بتوحشنا
ونفتكرها ونتمنى تعود من تانى
سلم نبضك الراقى
كل عام وانت بخير

كلمات رائعة كل سنه وانت طيب
وان شاء الله تفضل تكتب علي طول

منور اخى احمد
كلمات راقيه
عودة حميده