|
شوارع النسيان شوارع النسيان ياما مشيت فيها ولا مرة قدرت أنسى أيامها ولياليها كل إشاراتها بالأحمر قصاد الذكرى فضلت واقف ما بين الماضي وبكرا من زمان وانا بستناها تبقى خضرا ف شوارع النسيان داست خطاهم وخطاويها إزاي أنساهم وانا شايفهم في كل مكان فيها النسيان نعمة للي يقدر ينسى ونقمة للي بيحب بإخلاص لسه في شوارع النسيان بتبدا القصة تصحى الذكريات تجيب اللي فات تاخدك حواريها ف الوحدة تحببك تخلي عقلك وقلبك دايما حواليها ما تفكرش تنسى انسى من غير ما تفكر احسن ما تنسى نفسك وف ماضيك تفكر ش . ح |
النسيان نعمه ربنا مااكرمش الكل بيها ممكن نعمل نفسنا نسينا او بنوهم نفسنا اننا نقدر ونحاول ننسى بس مع اقل زكرى بتكتشف انك متقدرش تنسى حاجه ربنا يسعدك |
اقتباس:
ما هو النسيان نعمة للي بيقدر ينسى ممكن نتجاهل ناس بس ما بننساش حد عندك حق يا نجاة مش الكل بيقدر ينسى ولا كل شيء نقدر ننساه اسعدتيني بحضورك الطيب وروعة تفاعلك ربي يوفقك ويسعدك يارب |
الذكريات بكل مافيها جزء مننا صعب نسيانه تسلم خالد كلمات جميله |
اقتباس:
فيه ذكريات نحب ننساها ومنقدرش وكتير مواقف تحصل بتفكرنا باللي فات الله يسلم نبض قلبك اسعدتيني بحضورك الطيب منة ربي يوفقك ويسعدك |
مش كل حاجة يتتنسى حتى لو تظاهرنا بالنسيان حاجات بتعلم بالقلب زى الوشم مايتمحى حتى بالموت ربنا يقدرنا ونحاول ننسى |
اقتباس:
مش بالساهل يتنسي الماضي الجميل اللي مبقاش ملكنا في الحاضر .. ربي يقدرك على نسيان كل ما تتمني نسيانه جميل ردك جميل تفاعلك وأجمل حضورك حنين ربي يوفقك ويسعدك يارب |
الله يسلم نبض قلبك ربي يوفقك ويسعدك يارب |
| الساعة الآن 05:22 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب