خط الزمن خط الزمن قادر في يوم يجمعنا وفي نفس ذات اليوم لحظة أمل عارجة قادرة تفرقنا .. عكس الزمن آلة بدون معني جلاد وما بيرحمش فارغ مالوش ماسكة مالوش مالكة بٌعد في فضاء طاغي علي المعني بسحره يغوينا لدرجة النسيان أنه بأبعاده هندسته متوازية مع صموده جواه سواد قاتل قايم علي غموضه حكايته والإنسان مرتبطة بصعوده بأحلامه و الجنة وأنه ابعد نقطة لوجوده هيوصل فيها لمحطة و يستني وبعدها يرسم خطة وبسعادة يتآني بيترجي أنه ينول الفهم للمادة يجمع خيوط الزمن وبايده يملكها يوصل لضوء الشمس من غير ما يلمسها وفي لحظة ينسي القمر شريكه في أحلامه وأول أحبابه أول ما راح باعه وأشتري لجامها وبنورها ساجنته وبحلمه سجانها .. لحد ما بتحرقه شمسه وبتفكره أنه بسيط الفكرة والمعني ومهما وصل علمه مسيره في محطة يبقي و يستني ويرجع تاني لجيرانه تحتضنه أحلامه ويستأنس بأوهامه وأنه في حكم الكون نقطة من الذرة وانه بحكم البشر فارغ من المعني لكل حلم رجوع وأساسه فيه الموجوع دايما نعادي الزمن ونحمله المرجوع وكأنه هو الحالم واحنا احلامه وكأنه هو الفعل وأحنا عداده وكأنه ماسكين له عصا بندرسه المنهج ونحس بالضربة وكأنه هو الأمل بنسلمه الفرحة ونحس بالصدمة وكأننا ناكرين في دور عاتبين متنكرين خايبين بقينا احنا الزمن فارغين بدون قوانين |
الله عليك كلام في منتهى الجمال. مفهمتش حاجه هات الملخص |
والله يا ندوشة لو كلامك مش استخفاف بالمكتوب او مش هزار و محتاجة توضيح فعلا فانا مستعد اوضح الصورة اكتر لو انتي عندك استعداد لده ... |
قلم بارع يسعدنا التواجد |
موضوع حلوة تسلم ايدك على الكلام الحلو دة |
بحب الشعر الفلسفى اللى نقرا فيه البيت مرة و اتنين و ف كل مرة نوصل لمعنى جديد كلماتك عميقة تحتاج بعض التريث فى فهمها و تحتاج تركيز شديد لربط المقدمات بالنتائج و لكنها فى المجمل تصنع جو صوفى له قوانين سحرية اسعدنى مرورى بين سطورك الذهبية دمت مبدعا تحياتى |
جزاكم الله خيرا وجعلها لكم في ميزان حسناتكم |
موضوع حلوة اووى تحفه |
سلمت يداك اخي |
الساعة الآن 02:55 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب