منتديات بنات مصر - قصيدتي ودا حال الدنيا

بسم الله الرحمن الرحيم

[bودا حال الدنيا بتتعبنا 👎
وحكاوينا مين يسمعها 👂
ونناجي مين في تعبنا
ونندم لو مرة صارحنا 🤦‍♀️
بقينا نخاف من النور ونقلق لو مرة فرحنا
بنقابل ناس بالصدفة
والصدفة دي قدرت تجمعنا
بنواجه نفسنا بالتفكير
ويجي علينا وقت الليل 🌚
نحس بصراع ف يقلب بصداع
وكإن في خناقة بين اتنين ✌
بنتعب من كلمه تزعلنا
ونفرح لو حد فهمنا
والإهتمام بيقدر يسعدنا
ويرجعنا أطفال مجانين ❤
أيوا الدنيا دي بتعلمنا إننا نعيش دايما راضيين
بس نسيت تعودنا ع القساوة .. مش اللين
ال بيها تصبح قلوبنا حديد
مش هشه يأثر فيها الريح
وتِقلبنا شويه تفاصيل
نحزن ونفكر في الماضي
ونصحي أوجاع بقالها سنين
لازم نفكر فى بكرا ونعيش كدا متفائلين
وندور ع ال يشبهنا
ونشبعهم إهتمام وحنين
مش أي حد يسد خانة
دا هو ال هيكونلك سند وبيت
ومهما كتروا الناس حواليه
هتكوني انتي وبس ال ماليا عينيه 😍❤
][/b]