|
لازم حد يشوف حل يا ريت يا بيج بوص ماتنقلش الموضوع قسم الشكاوي وتخليه هنا في النقاش ... انا حاليا معرفش مين مسؤل عن المنتدي بس بأمانة حد لازم يشوف حل لموضوع ان كل موضوع نيجي ننزله محتاج موافقة حد ونقعد اكتر من حوالي 3 او 4 ايام علي ما ينزل بأمانة ده شئ مستفز في حد ذاته جدا ... المفروض الخاصية دي تتلغي ... دلوقتي انا فاهم وعارف ان كتير مش منشغل بالمنتديات زي الاول وعارف ان قليل اللي بيدخل ... وفاهم ان كتير من المشرفين مش بيدخلوا عشان ظروف اكيد حياتهم ... وربنا يعين الكل ... وفاهم برضه ان الموضوع ممكن مابقاش يهم الناس زي الاول بس اني كل مرة انزل موضوع تحت رحمة ان مشرف القسم ممكن يدخل يشوفه النهاردة او ممكن يقعد اسبوع لحد ما ظروفه تهيئله يدخل بقا شئ مش حلو .. وبيفقد حماسك للي بتكتبه .. وفي نفس الوقت انا مثلا كاتب موضوع من 3 ايام يخص حاجة حصلت في الوقت ده ... ييجي هو ينزل بعد كدا باربع ايام بعد ما اتهرس في السوشيال ميديا والناس زهقت منه ينزل ... فهو كدا مالوش لازمة انه يتقري اساسا يتمسح افضل .... واجي امبارح انزل موضوع تاني مرتبط بالأولاني ... وماينزلش برضه فالاتنين كدا بقوا مالوهمش لازمة اساسا ... وخلصت .. لا والاصعب بقا وانا طبعا ملتمس العذر للكل ... واكيد ماخدتش بالها وده شئ متأكد منه ... وهي شخصية محترمة اكيد لما تلاقي مشرف عام اللي هي فجر دخلت النهاردة الصبح وشوفت رد ليها علي موضوع وماخدتش بالها اصلا ان في موضوعين محتاجين موافقة ... وحصل برضه قبل كدا مع بيج بوص في الموضوع اللي فات وقال انه لما بيدخل من الموبايل مش بيشوف الاشعارات .. واكيد ليه عذره فالموضوع حتي ساعات مابينزلش بدخول المشرفين .. وهما اكيد يعني يشكروا علي جهودهم ... يكفي انهم متطوعين بوقتهم وانا مقدر ده .. وربنا يعلم اني مش بوجه ليهم اي لوم .. بس مش كل ما انزل موضوع هقعد ادور مين بيدخل ومش بيدخل واشوف انزل في قسم مين هنا عشان ينقله ولا ابعت رسايل لفلان وعلان .. صراحة كدا بقا امر ممل .. فهو اصلا معظم الناس فاقدة الشغف تجاه الكتابة فالواحد مثلا لما يكون فاضي ويحب يكتب حاجة وبينزلها هنا للتوثيق المفروض ما يلاقيش اللي ينرفزه .. و الموضوع مش مضايقني اني مستني ردود او التفاعل هيقل كدا كدا مافيش تفاعل اصلا ولا حتي نقاش غير كل سنة مرة واللي يلاحظ مواضيعي هيعرف اني بكتب ومش حاطط الموضوع في دماغي .. بكتب لاني بحب اكتب لما الوقت يتيح ليا ... الفكرة عندي ان الموضوع ينرفز وخلاص ... وفيه شئ كدا بيضايق .. وبيملل الواحد من المكان اكتر .. واكيد مش انا لوحدي فيا ريت المسؤل عن المنتدي هنا يتكرم ويلغي الخاصية دي .. فلو يعني المشكلة ان ممكن حد ينزل شئ فيه الاعلانات الهبلة دي او حاجة مش مظبوطة ... فأصلا اللي عاوز يعمل كدا ففيه اقسام تانية مش حصرية ممكن ينزلها من خلالها فمش مبرر اساسا .. وكل فترة بينزلوا عادي ... ولو كان الموضوع عشان يشوف انهي موضوع حصري او لا عشان يتقبل فلو يا اخي الموضوع منقول امسحه او وديه قسم المنقول بعد ما ينزل عادي والمشرف يدخل في وقت فراغه ... ايه اللي هيحصل يعني ... القيامة هتقوم حتي اللي هيفكر يكتب موضوع منقول او مش حصري هيفكر كتير قبل ما ينزله .. عشان مايتحرجش ... واكيد مش انا لوحدي الي الموضوع بينرفزه من زمان .. فرجاء الاهتمام .. |
مفيش مبررات للمشكله دى لانك سردت الاسباب و انا هضم صوتى لصوتك لالغى خاصية اعتماد المواضيع الحصريه انا عامتا حتى تحل المشكله دى ممكن تنزل الموضوع فى النقاش و تبعتلى رساله و انا هعتمدلك الموضوعه و انقله القسم المناسب و اى خدمه يا صديقى العزيز |
معاك جدا ف الموضوع ده لان فعلا انت محتاج تسهل للناس المواضيع وخصوصا ان التفاعل والمشاركه قالين جامد هتتحل اكيد 👍 |
عندك حق استاذ احمد دى مشكله فعلا وكتير ف مواضيع بتنزل وهى مش حصريه |
معاك طبعا ف كل كلمه وهو شئ اكتر من مستفز عارفه انا عن نفسي غصب عني وربنا عالم بحالي وبدخل علي اد ما اقدر واعتمد المواضيع بس انا مش بايدي حاجه ولا اقدر الغي الخاصيه دي وولاسف انا الوحيده اللي من الاداره هنا بس معنديش اي صلاحيه غير اني اعتمد المواضيع او احذفها ولو حد يعرف ناس من الاداره ياريت يكلمهم يدخلو يشوفو المكان تحياتي لحضرتك |
انا معاك من الالف للياء و خاصة فى التوقيت و اثره فى الحدث لقد عانيت مثلك كثيرا اتمنى من الادارة الاهتمام بحل هذه المشكلة بجدية سلمت استاذ احمد |
انا من زمان اوي لما اقترحت صندوق اخر المواضيع كان قصدي يبقا لاخرهم عموما في كل الاقسام مش الحصري بس لكن الفكره اتنفذت كده وكانت طريقه كويسه لاظهار الحصريات وتمييزها معاك حق اننا في فتره وجود الخاصيه دي بتقتل الحصريات وتشل حركه المنتدي لكن انت قدام كميه اعلانات بتنزل كل يوم لشيوخ ومواقع تانيه ممكن تبقا هي واجهه المنتدي كنت اقترحت ان الموضوع ينزل في اي قسم مشرفه موجود ويتم نقله لكن تقريبا ظروفهم صعبه اتمني حد من الاداره يدخل يحل المشكله دي او يتم تعيين مراقب كمان بساعد فجر |
هو غالبا كدا المنتدي ده مابقاش له صاحب ولا حد هيهتم بالحوار ده ههههههه بس بشكر حضوركم جميعا اللي شرفني اكيد .. كل التقدير لكم .. |
عليكم السلام قد يكون الموضوع مرتبط بمناسبة محددة فاذ تاخر فقد اهميته و الله اعلم |
| الساعة الآن 06:37 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب