دعوه لاعضاء المنتدي والمشرفين السلام عليكم اعضاء منتدانا الجميل انا بكتب الموضوع ده دعوه للجميع طبعا المنتدي ده كلنا تعبنا فيه واتعلمنا كتير ولينا فيه ذكريات جميله مش ممكن تتنسي اكيد صعب انك تشوفه مهجور بالشكل ده فيه اعضاء كتير بيكونوا عاوزين يكتبوا بس مفيش تواجد يشجعهم انا مش هقدر ألوم حد لاني اول المقصريين وكل واحد فينا ليه اسبابه دي دعوه لكل الاعضاء وخصوصا والمشرفين ادخلوا حتي لو ساعه كل يوم واعتبروه جروب علي الفيس شوفوا لو فيه مواضيع عاوزه موافقه وردوا عليها بس كده ولو تقدروا تمسكوا قسم كمان مع القسم تبعكم اكتبوا هنا في الموضوع ده بس تتابعوا بجد فيه اعضاء كتير مبدعيين خساره يبطلوا كتابه او نحبطهم بتاخير الموافقه ساعه او نص ساعه مش هتقصر معاك في حاجه لكن مع الوقت هنشوف اثرها الطيب ان شاء الله ولو ناسيين الباسورد ممكن تسجلو عضويه جديده واعملو موضوع في الشكاوي او اكتب رد هنا وان شاء الله حد من الاداره يفتح ويحل كل المشاكل الفنيه دي انا مستنيه تسجلو دخول وتردوا على الموضوع نطمن عليكم |
ان شاء الله يكون في اعضاء موجدين دايما تسلمي يا دمعه |
اقتباس:
منور يامحمد |
قبل ده كله لزم حد يمسك الاداره ويكون لونه احمر علشان يشوف طلبات الاعضاء ويغير البنرات اللي بقالها سنه موجوده دي ويكون في مراقب موجود تقدري تتوصلي مع هيثم وتمسكي الاداره من تاني ده لو عوزه المنتدي يرجع |
اقتباس:
وفي الحقيقه هم عرضوا عليا ارجع بس انا اعتزرت لاني بدخل قليل ومبقتش اقدر |
اقتباس:
اعتزرتي يبقي خلاص مش تتعبي نفسك وتعملي حملات علشان مفيش حد هيرجع من الاعضاء زي ما بتقولي تدخلي ساعه بس في اليوم هيكون في استجابه لطلبات الاعضاء |
دايما شمس المكان سباقه بكل ماهو خير وماهو لصالح المكان واعضاءه الكرام.. نعم تعبنا جميعا في المكان دا... وحقيقي كلنا لنا ذكريات ولا اروع فيه وطبعا قضينا فيه سنين...وبقى جزء مننا وبقى لينا اسره ف المكان ...بكل معنى كلنا مقصرين فعلا... وان شاء الله معاكي وبضم صوتي لصوتك... وندعو الجميع للرجوع...بقدر استطاعتهم المكان له حق علينا...والناس اللي فيه لها حق علينا كوننا كنا في وقت ما اسرة جميله... دمت بكل خير وسعاده وصحه ودام الجميع بكل خير تحياااتي وتقديري واحترامي شاعر الإحساس |
كل واحد يقدر يعمل اللي عليه والمطلوب مش صعب اوي التواجد فكره ان في اعضاء متواجدين موش لازم ب صفه دايمه التواجد فقط قادرين نرجع تاني زي الاول بس فعلا لازم حد يتواجد من الاداره |
اقتباس:
ان شاء الله يرجعوا كلهم نورت المنتدي |
اقتباس:
شكرا اسلام لوجودك وردك نورتني |
الساعة الآن 06:16 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب