|
كابوس الثانويه العامه السلام عليكم ورحمه الله وبركاته كابوس كل عام العنوان كما هو واضح كابوس الثانويه العامه وخصوصاً ثانويه الكورونا وحذف اجزاء كثيره من المنهج ولكن هذا لا يغير شيء نفس كل عام من خوف وترقب سوء من الآباء الذين ينزفون كل شهر نقود وجهد وإرهاق وعناءوالابناء من ضغط عصبي ونفسي فالكل يريد ويبحثون عن الحلم والوصول للعالميه بالحصول علي مجموع يؤهلهم للدخول الي كليات القمة التي لم يتعدي عددها اصابع كف اليد الواحده والباقي موزع علي باقي الجامعات اتذكر الثانويه العامه يوم أن كان من يدخل الطب يحصل علي ثمانين في المئه وليس مثل اليوم تسعة وتسعون ومن يحصل علي سته وتسعون لا يصل الي معهد صحي أو كليه تمريض مع سوق عمل لا يتسع لإعداد الخريجين فكل طالب يطمح في آن يلتحق بما يريد يريد أن يفرح ويدخل الفرح علي أهله بنجاحه وفي نفس الوقت يريد أن يلتحق بكليه عمليه تحقق له وظيفه بدخل شهري ثابت بعيد عن سوق العمل الخاص المتقلب مع الإحتفال مع اغنيه المطرب عبدالحليم حافظ الناجح يرفع أيده مع العوده أيام ما كانت لتلك الاغنيه شنه ورنه كبيره كنا ننتظرها كل عام مثل العيد ومن يأتي رقم جلوسه علي الراديو فهو قد نجح وبعدها يوزع الشربات بعكس اليوم برقم الجلوس يظهر المجموع والدرجات والنسبه المئويه وبعدها ينطق التنسيق كلمته من يريد العلا فعليه بالسهر ومع دخول الجامعات الخاصه أصبح من لم يستطع الحصول علي المجموع ومعه نقود أن يدخل طب وهندسه وما يشاء طالما هو يستطيع أن يفعل هذا بالنسبه لطريقه من يستطيع ويقدر ومن لم يستطع عليه تقبل مجموعه والسعي في آن يجتهد أن يكون ناجحا في جامعته التي إن لم يستطع هو اختبارها فقد اختارها له مكتب التنسيق بعد الخروج من فخ كابوس الثانويه العامه تحياتي وتقديري للجميع |
يااه ونروح بعيد ليه انا فاكره ايام دفعتي سوري يعني الدفعه كانت جايبه مقاسات جزم مش نسب ماشاءالله النسب علت اوي السنادي حسيت ان دفعة السنادي مرفهه وكلها مجاميع عاليه ماشاءالله نصيب بقى وكل وقت ليه زمن كل حاجه زمان كانت احلى |
الله عليك يا امجد كلماتك اثلجت صدورنا ولامست قلوبنا بمواضيعك تلامس الواقع برفق تحياتي وتقديري وامتناني |
باختصار احنا اللى عملنا الكابوس بالسعى وراء كليات القمة وعقدة الطبيب و المهندس مع ان فيه طبيب فاشل مثلا و محاسب ناجح جدا للاسف سيبقى الحال كما هو عليه لحد ما عقليتنا احنا تتغير الناس بتموت نفسها و تضغط على ولادها عشان الحلم دة قليل اللى سأل ابنه او بنته انت بتحب ايه وحاسس انك هتقدر تنجح فيه فالاهل هما السبب الاول لدة واتمنى مع الوقت كل انسان يحدد اختياراته بناءا على امكانياته وشغفه مش عشان يرضى حد كل الشكر للموضوع القيم تحياتى وتقبل مرورى |
عاوز اقول لكل طالب فاشل ماتيأسش يا بني من ملكات الزمن انه هييجي يوم وهتكبر وهتدخل حاطط رجل فوق ايد في اي برنامج تليفزيون بعد ما تبقي عضو مجلس شعب منتفع اد الدنيا او يبقي ليك حساب عالفيس بوك بشوية متابعين وممكن ربنا يفتحها عليك وتبقي انفلونسر اد الدنيا ويا سلام بقا لو بقيت من اللي بيعملوا تحديات عاليوتيوب بتاع عزمت حماتي عالغدا ورمت الاكل في وشي فتدخل بقا تنقد بقا نظام الثانوية العامة باللي بيدخلوها ومعاك منصة ما شاء الله ومعجبين وتشتم في اساتذتك اللي عقدتك في الحياة واحد واحد ومش بعيد لما ربنا يكرمك كدا وتاخد ليسانس حقوق ولا تجارة ويا سلام لو تضرب جمبيهم كلمة السربون وتعلي حظوظك فيختاروك تبقي وزير تربية وتعليم اد الدنيا ولا وزير تعليم عالي وتبقي متسشار في لجنة كورونا الجاية سنة 2060 ويكون من اهم وظايفك كاستشاري انك تنتقم من بتوع طب العالم الدحيحة اللي احتكروا التنسيق بمجموعهم العالي وتخلص عليهم واحد واحد بس بالطريقة وبمعلمة الحياة علمتها ليك بصياعة عشان توصل للمنصب ده أو بقا تطلع عقدك عالعالم فتخترع نظام انقح من الموجود حاليا و الناس بقا يشوفوا الويل اللي انت شوفته وتطلع اجيال كدا زي الفل علي طريقتك هي كدا الحياة لها طرقها ومنحنياتها .. بتلف تلف ومايضربكش في ضهرك غير اللي داق ذلك .. |
هوه فعلا كابوس للناس اللي عوزه تكون في طب بنتي عمي بقالها اسبوع بتعيط علشان بنتها مش عارفه تدخل طب مجموعها 92 في الميه علي الرغم ان مجموع كويس الي حد ما لكن كليات القمه عمله هوس لبعض الناس |
هيفضل نظام الثانوية فاشل وسبب في تأخرنا نظام يعتمد على الحفظ والمجموع والتنسيق والرغبة في كليات القمة دون مراعاة لسوق العمل ولا ميول الطالب ومؤهلاته ولا اختبارات قبول الكل عايز طب او هندسة. ما هو لو مش حابب الطب مش هتكون دكتور شاطر بعكس لو دخلت مجال بتحبه هتبدع فيه وتبقى احسن من الدكتور والمهندس |
انا شايفه أنه السعى دلوقتى من الوزارة أن المجاميع ماتكونش عاليه اوى و مش اى حد هيقدر يدخل كليه اصلا وعند احساس أن السنة الجاية هتكون كارثه كبيرة جدا للطلبه اللى هتمتحن بالنظام الجديد محتاجين نتعامل مع الثانوية العامه زيها زى اى سنه اه ممكن تكون اهم من ناحية تحديد المصير لكن فى النهاية هى سنة دراسيه و بتعدى لكن الاهل ديما بيصوروا لأولادهم انه لو مادخلش طب أو هندسه أو صيدلة يبقى كده حياته وقفت فى حين أنه فى طلبه دى مش طموحاتهم اصلا الغريب أن بسبب الرعب ده كل سنه وقت النتيجه بتوتر جدا كأنها نتيجتى هتظهر و لحد قريب كنت بحلم بانى ف ثانوية عامه ومش عارفه حاجه و الامتحان قرب 😂 موضوع مهم ي امجد تسلم ايدك |
اقتباس:
وقتها انما خلي بالك طول ما مؤشر الدرجات عالي فهو لا يبشر بالخير أسعدني تواجدك هاجر دمت بخير |
اقتباس:
اسعد بجميل تواجدك دمت بخير وسعاده |
| الساعة الآن 01:56 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب