يا بحر الحب
 

ليه ياقلبي ان قولت انسى
تدوب وترجع من نص همسه
وليه يا بحر الحب دايما
من غير مينا ولاحتى مرسى

لا مرسى ولا ترحم دموعي
ولا أنيني اللي بين ضلوعي
انا كل ماشوف نور في دنيتي
بتطفى على طول شموعي

شموعنا اللى نورناها سوى
في لحظة حلوة ونسمة هوا
كله ضاع في لحظة وداع
ودمعة حايرة ملهاش طب ولا دوا

لا طب ينفع ولا طبيب يداوي
مادمت انت على الهجر ناوي
دانا من كترشوقي وحبي ليك
قالو عليا يمكن يكون مخاوي

قولي ما شاء الله لا قوة إلا بالله
أحسن تحسديني ههههههههههههههه
بضحك اوعي تزعلي

حقيقة مرورك يكفي ويغني عن الرد أختي الكريمة
أشكرك على مرورك العطر أخيتي
ودامت أيامك عامرة بالسعادة والسرور
تحياتي ووافر احترامي

لا هحسدك بقا عشان انت فكرتني 😂😂😂
الله يديم ابداعك شكرا لذوفك اخي ربنا يسعدك

كلمات رومانسيه في قمه الجمال
بجد روعه واسلوبك جميل في الكتابه
تقبل تحياتي لك

ليه ياقلبي ان قولت انسى
تدوب وترجع من نص همسه
وليه يا بحر الحب دايما
من غير مينا ولاحتى مرسى

هو كدة القلب وقت ما يحب بجد
مش بيكون لينا عليه سلطان
و نفضل نتخبط بين امواجه
و نحلم يوم نلاقى المرسي


اول مرة اقرأ لك عامية أخى رضا
حقيقى كان لينا موعد هنا مع الابداع
دام قلمك ونبضك يصدح فى الاجواء
مودتى

كلمات ولا اجمل من صاحب قلم جميل
يتنوع في جميل كلماته
وياخذنا معه
احسنت رضا
تحياتي وتقديري لك

اعتقد اول مرة اقرالك عامية يا غالي
وفعلا حاجة جميلة ياريت تكتب عامية كتير
وخد بالك بقى احسن هيقولو عليك مجنون بعد كده
وتبقى مجنون......( دي النقط اللي انت بتحطها واحنا منعرفهاش) ههههه

الجمال والأناقة في مرورك العطر أخي الكريم
دمت بكل ما هو خير وأكثر
تحياتي وخالص مودتي