|
علي بالي علي بالي أعيش الدور ويحلالي واجيب كاميرا واثبتها علي عينك وكل الكون بدون رحمة يحسد ما رأت عيني في نور عينك . فبتاخد وادوب في المشهد الثابت بدون فاقد . فاجيلك في السما مطرة وأعيش اللحظة بالفينتاج بدون الوان وبحق الأسود الفاتح اغنيلك يا محلي الكحل لما انساب من عينك مسيره يصون خدود وردي من الحساد . يا محلي الدنيا في سماكي بتضحك قوس قزح نادي يغيث عشاق . ولما تنتهي الصورة ونطبعها تكون زينة علي حيطك علي بالي اكون كونك وجوا ضلوعي هتكوني ولمرة ناخد الصورة وأكون المشهد الكامل جوا النن في عيونك |
يا ما احلي الكلام بس اي الفنتاج ده 🤔 يدوم ابداعك جميله اوي |
يا جمالوا بسعد بجميل كلماتك أحمد قلت واحسنت تحياتي لك |
أهي دي مفهومة بالنسبة لي يا ابواحميد هههه وفعلا حاجة حلوة عاش يا كبير وانا كمان عايز اعرف ايه الفنتاج ده. |
الله الله علي رقة حروفك يا أحمد رومانسيه حالمه لامست قلوبنا راقت لي كثيرا ً أسجل إعجابي وتحياتي |
اقتباس:
الفنتاج .. من معانيها .. كلاسيك تعبير بيوحي بجودة اللحظة نفسها ودايما هتلاقيها مربوطة بالحاجات القديمة يعني حاجة ابيض واسود كدا من اللي بتدوم دي ... شكرا لطيب جضورك يا فجر كل التقدير |
كلمات رنانة وجذابة أخي الكريم أحسنت وزيادة بس يعني ايه الفنتاج ده ولا المونتاج ولا ايه ههههههه تحياتي ووافر احترامي |
لا انت كده تعيش الدور برحتك عوزين نشوف المشهد كامل بجد كلمات جميله واحساس راقي منك |
وكم تمنينا أن نمتلك قبعة أخفاء كي نرتديها و نختفي كل نزور أماكنهم ....نراقبهم ... نحميهم من اي خطر قد يتعرضوا لهم كي نرأهم دومًا جميلة كلماتك وإحساس جميل الي صورته لنا استمتعت بها تحياتي وتقديري ودعواتي أسعدك الله وحفظك إيلانا |
علي بالي اكون كونك وجوا ضلوعي هتكوني معتقدش اى واحدة هتحتاج اكتر من كدة انه يكون لها حياة و امان بصراحة عجبتنى القصيدة جدا يدوم الابداع اخى مودتى |
| الساعة الآن 12:25 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب