حكايتي مع بنات مصر الحلقه الاولي
 

بسم الله الرحمن الرحيم
حكايتي مع بنات مصر
يمكن انا هنا في بنات مصر بقالي عشر سنين وشهرين ويوم والحكايه إني كنت مغترب في المملكه الاردنيه وكنت بعمل في فندق في مدينه البتراء السياحيه في وادي موسي تبع معان فصديقي عرض عليه اشترك معاه في منتدى اردني فشاركت والصراحه اني ما كان عندي ميول كتابيه أو شعريه بالمره كنت أبيض يا ورد دخلت المنتدي هناك كنت حاسس نفسي تايه وما اعرف شيء داخل الاقسام وفضلت اخبط شويه يمين وشويه شمال ارد علي الموضوع ده او ده لحد لما بدائت أتقلم هناك وكلمه حق الناس هناك رحبو بي معاهم من صاحب المنتدي لحد اجدد الاعضاء،!!
وشاركت وتجاوبت معاهم وتجاوبم معايه ومسكت الاشراف وبعدها المراقبه وكنت بدور على منتدي مصري أتعرف عليه وانا ببحث لقيت بنات مصر؟في طريقي وكان وقتها احمد ماتريكس منزل موضوع في سجل الاعضاء مواساه وعزاء لعضوه الله يرحمها إسمها (أمه الله) وأنا بقرا الموضوع تأثرت جامد وشدني المنتدي معاه وسجلت اسمي من عشر سنين وشهرين ويوم ونزلت أول موضوع وهو ليس في يدي غير قلمي!!
وصراحه تم التجاوب معايه في الموضوع من ترحيب ومشاركه من الإخوة والأخوات الأفاضل الأعضاء اول ما شاركت وده أعطاني انطباع جيد عن المنتدي وكان وقتها الاداره طارق وحنون وميشو واحمد تكتال والداعم الفني هيثم ومحمود كمال وحتي طارق كان في وقتها في الامتحانات ولكن الشباب الحاضر كان قايم بالمهمة يمكن أنا حذكر اسماء ناس قابلتهم في المنتدي وفاكر الاسماء لحد الان وفيه ناس غيرت اسمها فمعذره ما حعرفهم
ومن سقط اسمه سهوا فهو غير مقصود
وابتديت الكتابه في بنات مصر في قسم قلم الأعضاء بموضوع
غربتي بيني وبين من حولي)
وتم اعتماد الموضوع في قسم قلم الاعضاء وتم الرد عليه من قبل رحيق الجنه ودمعه حأئره وقلم وسما ود اسماء
ودول كانوا بمثابه المختصين للكتابه والتشجيع داخل قسم الاقلام وبعد اول موضوع تم الانتشار في أقسام المنتدي ومقابلة الاعضاء أما بالموضوعات أو الردود احمد ماتريكس واد حبيب سيد الشرقاوي جراح المشاعر كبرياء رجل
عاشقه الهدوء همسه الجوارح
د فارما ونور وطائر الشرق ونونا
يمكن للجميع داخل المنتدي والمسابقات إلي كان بيعملها الواد احمد مرشو أو سيلفر كانت مسابقات ناريه جدآ والي يشارك يكون علي اهبه الاستعداد
وكان ده يعتبر جو غريب عليه داخل المنتدي من روح التحدي والمنافسه والتشجيع داخل المنتدي
اشوفكم في الحلقه القادمه
تحياتي لكم

ساحر الاحزان

امجد كلنا فخورين بوجودك معنا لا ننسى ابدا تشجيعك ودعمك

رحلة مليئة بأجواء الابداع والصداقة شكرا لانك مضيت لنا هذا الوقت الكبير

ربي يسعدك وتبقى لنا ذخر من اعمدة المنتدى الراسخ

انت بتتكلم هنا عن العصر الذهبى للمنتدى
حرفيا الفترة دى كانت من اروع الفترات و فيها روح تفاعلية ونشاط جميل جدا
انا فاكرة المسابقات و الأفكار و الفاعليات اللى كانت يومية ومتجدده
و كل الاسماء اللى ذكرتها كان ليهم بصمة لا تنسى هنا
فكرتنى بذكريات جميلة ي امجد
حبيت الفكرة جدا
ف انتظار الحلقه الجاية

ياااالي جمال تلك الأيام
نشاط وتفاعل من الكثير
لنا هنا إخوة أحببناهم منهم من رحلوا ومنهم من ظل
وتظل القلوب تحمل الحب والدعاء لكليهما

ومن ذكرت من الشخصيات التي لا تنسى ندعوا الله ان يسعدهم ويحفظهم
حلقة جميلة من شخص راقي منك أخي
تحياتي وتقديري واحترامي
دمت في حفظ الله دومًا
إيلانا

اكيد كان في روح مختلفه جدا
زي روح المنتدى ايامك انت ومنه ياخساره جداا فعلا المكان كان رائع
ممتنين للصدف ال كسبتنا شخص زيك والله ❤️❤️

كانت ايام حلوه لحقت اخرها بس
بس ايامك كانت المنتديات عليها اقبال عشان ماكنش فيه مواقع تواصل منتشره كتيره زي الايام دي والناس دلوقتي بقا الاسهل ليها المواقع المهم ان الجميع بخير ربنا يبارك فيكم

تسلم يا شاعر وانت ليك دور في الأحداث القادمه
انت والناس المحترمين أصحاب التواجد
بشكرك شاعر
علي جميل مداخلتك المثمرة
دمت بخير وسعاده

.
شكراً لك سينا
وانت من الاعضاء أصحاب العطاء والتواجد الجميل
تحياتي وتقديري لك