|
الحلقه السابعه من حلقات استضافه ومعانا مبدع المنتدي ( شاعر الاحساس ) السلام عليكم ورحمه الله وبركاته اعضاء المنتدي المبدعين زوار المنتدي المتفرجين اهلا ومرحبا بيكم في حلقه جديده من حلقات استضافه معانا شاروخ المنتدي مبدع المنتدي شاعر المنتدي الحلقه دي متميزه علشان اول مره نعرف كتير عن شاروخ المنتدي معانا المبدع شاعر الاحساس منتديات بنات مصر - مشاهدة الملف الشخصي: شاعر الإحساس اهلا بشاعر الاحساس او شارخان المنتدي اهلا وسهلا بيك في حلقات استضافه اهلا بيك يا ابو اياد السؤال المعتاد امته سجلت في المنتدي؟ فبراير 2011 وليه سجلت باسم ده بذات؟ الاسم دا عزيز عليا اوي, ومن قبل ما اسجل وهو معايا اي اللي شدك لمنتدي ده وخلاك تسجل فيه؟ اللي شدني ليه الروح اللي فيه وكم المبدعين وقتها اللي خلاني اسجل ..شخص عزيز كان موجود هنا وانشالله يرجع شاعر عضو قديم في المنتدي ليه قلة التواجد؟ كل فتره كانت بتحصل حاجه..مره جالي قطع ف الرباط الصليبي في ركبتي وانا بلعب كوره...وعملت عمليه وفضلت فتره كبيره...وبعدها تعبت على فترات طويله واخرها (حديثا) بسبب التعب دا عملت عمليه كبيره تانيه وفضلت فترات كبيره اوي من غير اكل ولا شرب بس محاليل..مستشفيات ودنيا بص بجد مش عايز افتكر والله بتعب بمجرد ماافتكر. انت مبدع في كتابت الشعر دي هوايه عندك؟ هوايه وموهبه من عند ربنا امته بدءت تكتب الشعر ومين اهتم بيك؟ من زمان , كنت بكتب حاجات بسيطه كدا بتقبل النقد علي موضيعك ولا لا؟ على مستوى العموم (مش بس المنتدى) ..الاسلوب هو اساس اي حاجه. مين اقرب الناس ليك هنا في المنتدي؟ مش عايز انسى حد, بس علاقتي بالجميع جميله. انت كنت مشرف علي قسم الابداعات انشالت ليه؟ عشان الفتره اللي حصلي فيها التعب وكدا فاضطريت اغيب. مش بتفكر ترجع القسم تاني وترجع النشاط فيه؟ مفكرتش ف كدا...بس انتوا مش مقصرين بصراحه. هنشوفك متوجد علطول في المنتدي ولا هتغيب تاني؟ ان شاء الله هتواجد. اي اقرب الاقسام لقلبك في المنتدي؟ الابداعات الادبيه ...بما فيها الشعر والخواطر...والعاميه لو قولتلك قول اسم واحد يتقال عليه مبدع المنتدي تقول مين؟ انا شايف ان كل واحد له اسلوب خاص بيه..تعرفه لو حتى مشوفتش اسمه... وفيه كتير مبدعين ف اسلوبهم الخاص . اي رايك في مسابقه شاعر المنتدي واي انتقادك ليها؟ المسابقه جميله ..مشجعه وبتطلع اقلام جميله بتبدع نقدي ليها...انا شايف الصح انك تختار موضوع معين للكتابه عنه....وتكون مرحلتين...يعني تصفيات..فكل واحد هيكمل هيكتب قصيدتين ...وبرضو محددين الموضوع..الاول قصيده فصحى...والمرحله التانيه قصيده عاميه. ودا عملناه ايام مسابقة امير الشعراء رغم الكم الهائل من المشتركين. شايف ان في مجاملات في الاقسام الأدبي؟ احنا ممكن منسمهاش مجاملات...نسميها تشجيع, القلم اللي بيلاقي تشجيع بيطلع روائع شاعر مظلوم في المنتدي ولا واخد حقه؟ انا عمري مابصيت للنقطه دي,لانه هتاخد ايه يعني اكتر من الحب المتبادل والاحترام. مين العضو اللي نفسك يرجع المنتدى؟ كتير بصراحه...بس لو هتخليني اختار اسم واحد فهو : السفيره عزيزه كلمه شكرا تقولها لمين في المنتدي؟ لكل واحد بيجتهد وهمه ان المكان يكمل..مش همه نفسه بس . لو قولتلك اختار اجمل 5 اعضاء بيكتبو شعر حلو تختار مين؟ هختار من المتواجدين مش الغايبين واللي بيكتب (شعر ) د/عبدالله...رضا التركي..دمعه حائره...فصيح...مهيب الركن..ياسر عبد الباقي..عاشق ولهان والاقلام المبدعه في انواع الكتابه التانيه فهي كتير ج مين انشط الاعضاء من وجه نظرك؟ واد حبيب...البيج بوص..دمعه..فداء..فجر ...حياه...سينا...شروق..ايمان وجه كلمه للاعضاء دي : لمار شخصيه راقيه جدا..صاحبة مجهود وتشجيع للجميع..وعلاقتها بالجميع ممتازه. فدااااء نسمة المكان...انسانه رقيقه وهاديه وذووق اوي..وشخصيتها قويه بحكمه... وطبعا قلم مبدع دمعه حائره شمس المكان اسما ومعنى...انسانه خلوقه طيبه صاحبة عطاء وبتحب المكان اوي.. وجودها لا غنى عنه اطلاقا فجر الاسلام طيبه اوي...نقيه..عندها طموح بالمجمل...وبتطور من نفسها دايما في الكتابه .. وقدرت تعمل كدا. ايلاانا انسانه طيبه وحساسه.. رقيقه..مثقفه...وروحها حلوه مع الجميع..... وطبعا قلم مبدع ولاشك..ربنا يسعدها دايما. البيج بوص دينامو المكان...مجتهد صاحب عطاء ومجهود عالي..طيب ومحترم... وطلع عنده مواهب متعدده سينا الذووق كله, انسان نضيف من جواه نقي, قلب طيب ومحب للجميع... وصاحب مجهود جدا عالي حياه السكره...هي مش متقلبه ولا حاجه...هي بس التعب مدايقها نفسيا مش اكتر, انما انسانه مرحه ..ذووق..وقلبها طيب...ولها من المجهود الكثير. واد حبيب طبعا انسان راقي..في شخصيته.. في اسلوبه ..في تعامله.. طيب ومحترم والجميع يحترمه..وصاحب مجهود جدا عالي واكثر. قول لينا اقتراح لتنشيط المنتدي مسابقات وافكار جدييده تجمع الاعضاء ف نفس الوقت..زي مسابقة ايه وشروق سهرات ومبارزات شعريه بالارتجال...عشان تجمع الاعضاء نفس الوقت برضو زيادة التفاعل مع كل المواضيع...وحاجات تانيه كتير من اي فكره جديده.. كده خلصنا من المنتدي شاعر غامض اوي في المنتدي دي ليه؟ انا احب اشارك الجانب المشرق بس, انما ألم تعب شكوى غيره فلا... وان قصدت ع الجانب التاني ...فيمكن هي جات كدا ( باين اني بكدب صح🙄 قولنا شاعر خريج ايه : خريج ليسانس اداب انجلش... وبالمناسبه حاجه متناقضه, شغلي وكل اللي معايا ف الشغل كله انجلش...هواياتي من اللي بتفرج عليه من افلام ومسلسلات برضو انجلش ..مش بتابع عربي ..يعني كل حياتي بره المنتدى ملهاش دعوه بالشعر واللغه العربيه...الا حين حضوري المكان هنا..عشان كدا ممتن للمكان هنا. وعايش فين: عايش في دبي اجوز ولا لسه بيدور: لأ لسه لا جواز ولا خطوبه حتى 🤔 لو مش مجوز اشوفلك عروسه هنا وربنا يقدرنا علي فعل الخير متأكد انه فعل خير يعني 🤔 شاعر شخصيه اجتماعيه ولا بتحب الوحده اكتر؟ اجتماعي جدا, مبقعدش ف البيت والله اصلا..بره مع صحابي على طول يوميا. سمعت انك عايش في الامارات دي مع الاهل ولا لوحدك؟ ليا ناس من اهلي هنا... بس مش الكل طبعا..والدتي متوفيه (الله يرحمها يارب)..ووالدي ف مصر الغربه احلي ولا مصر احلي في الوقت الحالي؟ اي مكان انت عايش فيه من سنين معتقدش يبقى اسمه غربه... Home is not a place, it's a feeling. اي الفرق بين العيشه في الامارات ومصر؟ دا محتاج وقت طويل للاجابه عنه..الناس هتزهق مني اي الشي اللي نفسك يتغير فيك؟ ابطل القلق .... اي الحلم اللي بتحلم بيه ونفسك تحققو؟ الحمد لله على مانحن فيه....اتعلمت انه مش كل الاحلام لازم تتحقق.. حكمة ربنا وسنة الحياه...القناعه هي الراحه. بس انا والله ومش بدعي المثاليه, كل همي اسعد اللي حوليا... دا بيسعدني اوي وقمة انبساطي والله..وحتى مبرضاش اشارك تعب او ابين . شاعر شخصيه قويه ولا ليك نقطه ضعف؟ الحمد لله شخصيتي قويه...وبقود فريق ف شغلي لكن كلنا بشر واكيد كل واحد له نقطة ضعف حتى لو مش واخد باله منها.... بس نقطة الضعف لا تعني ضعف لكن هي محور القوه. هل راضي علي حياتك العامه والخاص؟ الحمد لله راضي. اي اللي بتفتقدو في حياتك؟ أمي ...الله يرحمها غلطه غلطها وبتندم عليها احد دلوقتي؟ في كل مرحله بنغلط وبنتعلم...الاهم هو التصليح والمواصله . اي الموقف اللي يخليك تتعصب بسرعه؟ الاستفزاز....وان حد يشوف نفسه. وبالمجمل انا لو اتعصبت وزعلت...بيبقى وقتي وف الموقف ..بعد كدا بنسى ومبحبش ازعل حد مني, ولو حصل بفضل الوم في نفسي دايما. اي الميزه اللي فيك ومش موجوده في حد؟ انا هقول عيب مش ميزه, معتقدش عند حد..مبحبش النوم ولا الأكل والله بنام بصعوبه ومن غير شغف..و باخد وقت طويل..وبصحى على اقل صوت ومستحيل اعرف ارجع انام...عشان كدا بعاني ف النقطه دي.. والاكل مبيجليش شهيه اصلا...باكل مره وحده يوميا كدا اداء واجب. اي القرار اللي نفسك تاخدو دلوقتي؟ الاستقرار بمفهومه العام في حد في قلب شارخان المنتدي ولا لسه فاضي؟ انا حاليا في المنطقه الرماديه... تفضل الجواز عن حب ولا تقليدي؟ عن حب حب وتفاهم... اي مميزات شريكه حياتك؟ تكون بتجمع المعادله الصعبه 🤨 المال هوه السعاده ولا السعاده بحاجه تانيه؟ ابدا عمره ماكان السعاده...مش هنكدب ونقول انه غير ضروري لا ضروري جدا وعجلة الحياه...بس ملوش دخل بالسعاده اطلاقا السعاده في حاجتين : قناعه وراحة البال. وجه كلمه لاعضاء المنتدى؟ الحاضرين يكملوا..والغايبين يرجعوا واهتموا بالمكان... دا بيتنا التاني..متجمعين فيه على خير يارب تقبل تحياتي لك ياغالي |
شاعرنا الجميل منور جداا ❤️❤️ الله يرحمها والدتك ويسكنها فسيح جناته ويوفقك ف حياتك اللهم امين تسلم عالاختيار الجميل ابو إياد السعاده لقلوبكم ❤️ |
شاعر عظيم و شخصيه مبجله كل الاحترام له مجهود عظيم يا ابو اياد اوعى تتجوز يا شاعر الاحساس 😂 اوعى تتجوز يا شاعر اللهم بلغت اللهم فأشهد |
شاعرنا شاروخ 🤭وامير الشعراء كلها اسماء لانسان خلوق ومبدع ومحبوب من الجميع انا فاكره لقب امير الشعراء لقب اخده جايزه في مسابقه كانت كبيره وفتره اشرافه كانت مميزه جدا ربنا يرحم والدتك ويحفظك ويحميك من اي تعب شكرا لكلمتك عني اعتز بيها جدا نورت وربنا يرزقك الزوجه والزريه الصالحه تسلم يامحمد حوار جميل وخلاص هنقوله ياشاروخ 😊 |
حقيقي استمتعت جدا بالحوار الاسئله مميزه من رجل مميز والاجوبه صادقه من رجل محترم ربنا يوهبكم كل الخير |
شاعرنا مجهول الهوية اللهو الخفي 😁 عرفنا هنا عنك الكثير الف سلامه عليك شاعرنا وربنا يديك الصحة والعافية والزوجة الصالحة والله يرحم والدتك حوار راقي جدا مع شخصية راقية شكرا محمد على استضافتها |
استضافة راقيه عرفتنا على شخصية فعلا مميزة ربنا يرحم والدتك و يوفقك فى حياتك و يحقق اللى بتتمناه و اتفق معاك ديما ف حبى الكينج شاروخان 😁 تسلم ي محمد ع الاستضافة القيمة |
ماشاء الله حلقة قوية عفوية نارية روووووووعه بجد شاعرنا الغالي ليسنص انكلش ياعين عليك حلو كتير بدبي مطلوبة الانكليزية ربي يرحم والدتك ويسكنها فسيح جنانه يارب لكن ياشاعر مابينفع كدة لازم تغذي حالك وتوكل ياصديقي ما الك الا عروس دمشق وهارديز وبعدها روح حلي ب نبيل نفسية حلويات رح تعجبك بكورنيش الشارقة يدوم الاستضافات الرائعة الحلوة حقيقي امتعوتونا وربي يعلي مراتبك بشغلك بدبي ياصديقي ابو اياد ارفع لك القبعة على هذه الاستضافة الفخمة |
لقاء جميل مع شاعر لاحساس اجوبته مميزه وبرنامج جميل جدا تسلم ايدك يامحمد |
لقاء ممتع ومميز مع شاعر صاحب قلم راقي سعدنا بردوده المميزه تحياتى وتقديرى |
حلقه جميله جدا مع شخصيه مميزه جدا شاعر الاحساس امير الشعراء بجد شخصيه وقلم تستحق كل تقدير شعر وردود ماشاء الله ربى يديم علية الابداع ربنا يرحم والدتك شاعرنا ويرزقك بالزوجه الصالحه اتمنالك التوفيق فى حياتك تسلم محمد على الحوار الرائع والحلقه المميزه |
ابو اياد ...الجميل الغالي يعني سعدت وتشرفت بهذه الاستضافه الرائعه والاسئله الجميله ....والمجهود العالي كل الشكر لرقي شخضك الكريم دام تواجدك بيننا بكل خير ودمت بكل سعاده وصحه.. |
اقتباس:
النور نورك والله...نورتني الاستضافه وشكرا كتير على حضورك ودعواتك اللهم امين ..ربنا يتقبل... ويوفقك لكل خير وسعاده ... تسلمي من كل شر لمرورك العطر دمت بكل خير |
اقتباس:
تسلم يارب على كلامك ...نورتني والله ونورت الاستضافه والدنيا كلها متأكد من كلامك ونصيحتك دي ههههههههه يعني اصرف نظر 😅 حبيبي يانوررر |
اقتباس:
ههههههههههههه وفيه اجمل من شارووووووخ يعني من اجمل المداخلات صدقا واسعدتيني والله كلماتك عزيزه....تسلمي يارب من كل شر فكرتيني والله بالمسابقه دي...كان فيها كم مشتركين رهيب وكانت بين اقلام والله كلمة مبدعه قليله في حقهم.. يارب يرجعوا ينورونا تاني ... وكانت مراحل وتصفيات...بقيادة المايسترو الرحال.. اجمل ايااااام...ربنا يرجع كل غايب تسلمي على كلامك في حقي وعلى حضورك المميز المبهج ...شمس المكان شكرا جدا |
اقتباس:
طبعا اشكرك كل الشكر على كلماتك وسعيد جدا اني كنت ضيف خفيف وعجبك الحوار تسلم كلك ذووق دايما منور ومتواجد بكل خير |
اقتباس:
اكلم شوشو يجي يعني ههههههه منوره يا ايمان جدا ...واوي 😃 تسلمي بجد على كلامك ودعواتك الجميله وعلى حضورك الراقي المميز المبهج وطبعا سعيد اوي ان الحوار كان خفيف وعجبك بجد كل الشكر سيدتي ومنتحرمش دام تواجدك ودمتي بكل خير |
اقتباس:
نورتيني بجد واسعدني حضورك وان الحوار كان خفيف عليكم... وتسلمي على الدعوات الجميله ولك بالمثل بتحبي شارووخ برضو ههههههههه الكينج شاروووخ دا حاله خاصه لوحدو من اوقات فير زارا وشوفت كل اي حاجه عملها شكرا يا ايه ودمت بكل خير |
اقتباس:
يعني خلصت كل الكلام بذوقك العالي وكلامك اللي بجد اسعدني اوي اوي... سامر تسلم من كل سوء ياصديقي ودايما منورني وشكرا جدا على دعواتك الجميله ❤ بالنسبه للاماكن اللي ذكرتها... طبعا اهل الخبره انت...مانت كنت هنا ودايس ف الاماكن نجررررب ياصديقي ليه لأ هههههههه حبيبي يا سامر منتحرمش من تواجدك تسلم من كل شر |
اقتباس:
شكرا جدا على كلامك وعلى حضورك الجميل دام تواجدك الطيب .. ودمت بكل بخير وسعاده |
اقتباس:
تسلم جدا على كلامك وحضورك وان الحوار عجبك دا يسعدني طبعا... دام تواجدك ودمت بكل خير وسعاده تحياااتي اليك |
اقتباس:
تسلمي ياشروووق على كلامك الجميل وعلى دعواتك الاجمل .... يعني ميرسي جدا لذوووقك بجد وكل كلامك دا نورتيني بجد بطلتك الرقيقه ودايما منوره المكان شكرا جدا دمت بكل خير وسعاده |
اهلا ومرحبا بالخلوق المحترم اهلا بشاعر الاحساس وصاحبة نحبك في الله لك طلة تختلف عن الاخرين ودائما مشجع لك التقدير اجابات وردود مميزة ربنا يحقق لك ما تتمناه ورحم الله والدتك لشكر محمد على الحوار ممتع لك تحياتي |
اقتباس:
الجميل صاحب القلم الممتع اشكرك ياصديقي على كلماتك في حقي ... واعتز بها جدا ...بل واسعدتني واشكرك على دعواتك....ربنا يعزك دايما منورنا بتواجدك الطيب شكرا ليك ودمت بكل خير |
| الساعة الآن 12:21 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب