|
لماذا عند العرب فقط ..... موضوع للنقاش الراقي مسابقه النقاش . تحيه طيبه لأعضاء منتدى بنات مصر..... يقول الله تعالى... ولقد كرمنا بني آدم..... اذا فالانسان مخلوق مكرم عند الله.... والله سبحانه سمي نفسه الرحمن الرحيم... الرحمن بجميع خلقه.... الرحيم بالمؤمنين فقط.... فالانسانيه لابد أن تكون لها كرامه وحريه وحفظ...... ونأتي الي خير الخلق وخاتم الأنبياء سيدنا محمد صلى الله عليه وسلم عاني من اهل مكه ما عاني من ظلم واضطهاد وحتى اخرجوه من مكه َهو غير راض.... وحينما عاد إليها منتصرا فاتحا قال لهم اذهبوا فأنتم الطلقاء.. عفي عنهم... وهنا يظهر فكر ورحمه القائد وهو قائد الامه ونبيها.... صلى الله عليه وسلم.... وحينا رأه رجل فارتعد الرجل وخاف قال له هون على نفسك ما انا الا ابن امراه كانت تاكل القديد بمكه..فيما معنى الحديث.... اذا الدين ضمن للمسلم الحريه والكرامه..... ولكن عشنا حياتنا كلها... نرى ان الحاكم هو كل شي هو المفكر هو الأمر الناهي هو من بيده كل شي وغني المطربين لهم وكأنهم هم فقط ولا رائ فوق رأيهم ولايكون البلد بخير الا في وجودهم ولانري ذلك ابدا في الدول المتقدمه ما الحاكم الا موظف عند الشعب اذا أخطأ حوسب ولا يكون له الحق ابدا في مصادره الحريات وغير ذلك مما نراه عندنا.... عندنا الحاكم هو البلد والمحافظه عليه حفاظ على البلد واي قرار له الحق فيه وبدون نقاش... وتكتب عنه الأساطير في صحفنا ومجلاتنا وكل من له علاقه به مقدس وأولاده وأقاربه الاولويه في اللعب بمقدرات البلد..... ياترى هل هذا حق له ويجب أن يكون كذلك.... ولماذا نحن فقط ... البعض يقول انه رمز للبلد ويجب أن يكون له كل الصلاحيات ويامر ويطاع لانه الممثل الأعلى للبلد ويجب أن ننصت له ونعلم انه له خبره في القياده.... ولا ايه.... موضوع للنقاش بكل حريه وتحياتي للجميع |
اعطني دوله بلا اعلام اجعل لك شعب كالاغنام المعنى واضح وصريح بس الاهم من كده طول الناس ما هم بعيد عن ربنا كل شيئ هيلاقوه غلط ربنا يستر تحياتي لحضرتك |
العيب في الشعوب بتمجد الحاكم وتخلق منه فرعون الفساد منا وفينا وفي كل مجال بتلاقي فساد ومفيش ضمير من اصغر موظف لأكبرهم زي مايكون موروث وطبع مش هيتغير للاسف لازم التغيير من جوانا الاول تسلم وبالتوفيق |
كما قالت منة هناك شعب يدرك حقوقه وواجباته شعب يؤمن بحريته ولا يقبل الخنوع والمذلة شعب يقرأ ويتعلم ويفهم شعب يعلم ان الحاكم ماهو الا رجل وضع لخدمتهم لا لاستعبادهم عندما يتحول شعبا ويصل لهذا المستوى سيردع كل فرعون سلمت اخى |
لان الدول العربيه كلها تحكم عن طريق وكلاء ما زلنا نخضع للاحتلال ولكن من بني جلدتنا و اي متتبع لاي دوله لو نظام عربي و نشوء الدول دي بعد الحرب العالمية هيلاقي كدا ومش بس الدول العربيه وان كان في تركيز عليها لخيراتها لكن نفس الوضع في افريقيا و بعض دول أمريكا الجنوبيه |
لاننا اعتدنا ان لا رايي لنا و ان نساق و ان نتنازل عن حقوقنا ان نخاف و لا نملك الشجاعه ان نستكفى بالاكل و الشرب فقط دون طموح للمستقبل بالتوفيق يا حازم |
اسوأ مرحلة ممكن يوصل ليها شعب هي تراكمات تخليه الهة تناقضات توصله انه يشوف الحاكم بمثابة ارادة إله غير قابل للتبديد او التغيير .. مع ايمانه في نفس الوقت بإن ربنا عمره ما هيظلمه او يتخلي عنه لو عمل الصح ... بس عشان مانكونش جلادين اوي لنفسنا اعتقد ان الدنيا بتتغير والافكار بتتغير وطبيعي بتكون ببطئ .. احنا في مرحلة الاستيعاب حاليا ليس اكتر مش هنمحي افكار متأصلة سنين طويلة بمجرد ثورة او اتنين حصلت في بلادنا الوضع محتاج انه يتغير جيلين او علي الأقل جيل .. التغيير مش كلمة بتتقال .. التغيير وضع لازم تعيشه وتعاني في فهمه عشان تحس بقيمته .. |
والله ياصديقي ربنا يصلح الحال يعني بقينا بنشوف حاجات كتير في زمنا دا الله المستعان... موضوع واقعي ...معاش تسلم على الطرح يا حازم .. وتسلم على اسلوب الطرح الجميل...بالتوفيق دمت بكل خير |
الشعوب هي المشكله الكبيره لاسف وكل لاسف ممكن ينصحك علينا بسهوله يورونا قد ايه هو يعمل ويخاف علي الوطن وانه حاسين من غيره التالي إحنا بقي نكبره ويتفرعن التالي محدش يقدر يقول بم ويفضلون طول الوقت يفكرون علي فات عشان يقول إحنا كنا فين وبقينا فين ووقت الجد يبان علي حقيقته الدول لاخرا فيها حريه ورئيس كل فتره ينتخحب ويتغير علي حسب لأصوات وفيه شفافية ورئيس السابق ويعيش حياته واكتر مما كان عليه أما إحنا لا ممكن الحريه تودي ولا الشمس موضوع في مهم لغاية واشكرك علي المشاركه تسلم ايدك |
احنا المشكله الشعب لو عارف مصلحته فين وحقوقه فين مكنش دا كله حصل تعظيم ولي الأمر مشكلتنا التطبيل بالعربي يعني والله المستعان |
| الساعة الآن 02:59 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب