بنت عربيه زيكم.... مسابقه احساسك في صوره
 

https://h.top4top.io/p_17284tb3s0.jpg



. تحيه طيبه للجميع
طفله جميله عشت انا.... العب والهو مع اقراني.... وارجع لحضن ماما وبابا وكلنا عايشين في سعاده
وفرحه وهنا..... ومرت الايام وكبرت انا..... لقيت ماما بتقولي بكره فيه مدرسه يا هنا.... ومع دعاء الكروان
وزقزقه العصافير صحيت.... وماما لبستني وجهزت شنطه مدرستي والفرحه في قلبي... ومشيت مع اقراني
وعرفت طعم الهنا...... وكبرت َفي يوم عودتي لقيت هتفات وكتير ناس مجمعه سألت.... قالوا دي ثوره خلاص
يا هنا..... ومرت الايام والناس بتهتف وتقول مالنا غيرك يا الله.... ثوره سلميه... تدعوا الي الحريه شباب وبنات
وشيوخ ونساء... مجمعين وبينهم انا..... وودرات الايام َلقبت خراب ودمار ونار من كل فج... وهرج ومرج ومات
كتير من الثوار.... وعصابه من الاشرار تقتل وتنتهك اعراض اقراني انا..... ودعب الرعب في قلبي وقلت...
وقلت مالنا غيرك يا ربنا.... نادت ماما عليا وجريت الب الندا...... قالت يا هنا الزمي البيت يا روحي وقلبي انا...
وروحت غرفتي ولاانسي الرعب والخوف على وجه بابا وماما.... فتحت باب غرفتي لقيت الجيران مجمعين
عندنا.... ومرت ساعات َجسمي بيرتجف من الخوف... لقيت نفسي في ظلام... وتحت الركام.... وسمعت
صوت بيقول فيه احياء هنا.... خرجوني وعلى المشفى َودخلوني.... وفقت لقيت الشاش معصوب على
دماغي... ونطقت وقلت فين بابا وماما قالوا صبرا ياهنا..... وعرفت ال حصل وكان قنبله وفجرت المكان وراحت
ايام الفرحه والهنا..... وكان القرار لازم الهجره خارج الأوطان.... وخرجت ودموعي كالانهار........وركبت موج
البحر في عز البرد.... والكل بيبكي وخايف والمركب طالعه ونازله مع الموج وربك سامع دعانا كلنا..... ووصلنا
واستقبولنا ناس بالورد وقالوا انتم ضيوف مكرمين عندنا..... وابتدي قلبي يعيد عليا الذكريات وانا طفله وفرحه
ماما وبابا بيا والدموع تسيل على خدي..... لقيت شرطي اخذني من يدي.... وركبت أتوبيس مسافات طويله
والذكريات اليمه.... ونمت وشوفت ماما بتودعني وتقول في حفظ الله ياهنا.... ابتسمت وفرحت قلت دي
ماما... لقيت بيصحوني ويقولوا خلاص المحطه هنا..... عشت ايامي بعيد عن اوطاني.... وذكريات اليمه
لابتفارق خيالي ودايما للخلف شداني.... وفي يقظتي ومنامي ايد سوده مرعبه احس خنقاني.... وبتضيع
معاها أحلامي...... ماضي اليم تركته ورائي... ولكن بشوفه من خلفي وامامي.... يارب دي قصتي وعاوزه
يارب افرح بما تبقى من ايامي.... إنا هنا طفله نشات في وسط اهلي واحبابي واقراني... وتفرقنا ودارت الايام
وتغربت عن اوطاني.... يارب رحمتك عليا ومن بقى من احبابي وخلاني..... وامحي يا رب ذاكره السواد ال
دايما تهب عليا رياحها من الخلف وتعصف بأحلامي.... عاوزه اعيش وانسى كل ال حصل.... وابدا عمر جديد
فيه بسمه من تاني..... يااااااااااااااااااارب ونعود للاوطان ونروح عند الاطلال ونقول يارب ارحمهم ماتوا غدرا
وسلاما يارب على اوطاني... إنا بنت عربيه زيكم جميله دعواتكم ليا يا كل بلاد العرب ومن بقى من
اوطاني.... مالي غيركم اصل ودين وكلنا عرب

... وكل بلاد العرب اوطاني

كل الاوطان اوطاني ولاكن الوطن الام يلا يعلي عليه
مفيش اجمل من الذكريات الجميل وسط احبابك
قصه جميله منك يا غالي
بتوفيق لك

احسنت السرد اخى حازم
وربنا يحفظ اوطانا ويرجع كل من اغترب عن وطنه جبرا اليه من ثانى
ربنا يصلح الحال لجميع الاوطان العربية
سلمت اخى وبالتوفيق

معبره ومؤثرة جدا
مش عارفه ايه الجمال دا بجد
تسلم ايدك دكتورنا

كلمات رائعة ومؤثرة تسلم اخي
وربنا يحفظ اوطانا جميعا

رؤية جميله ومختلفه للصورة
اجدت التعبير عنها بالفعل
تحياتي

الرد للمرور الجميل
 

اهلين اهلين بالجميل اخي محمد نورت وانرت والله واسعدني مرورك وردك الراقي الأجمل مرورك دايما والله ويسعدني ذلك تحياتي الك ربي يسعدك

الرد للمرور الجميل
 

اهلين اهلين اهلين عبير الحروف واشكرك من القلب أخيتي الراقيه على المجهود في التعديل ومعذره والله لان الموبايل لايسعادني ربي يسعدك ويحفظك... وفي الأمر صورت انا حاله الألم والحزن من الماضي الذي وقع في وطنها والذي يجعلها غير قابله للحاضر الجديد ... أمين يارب اللهم أصلح حال الامه جميعا نورتي وانرتي ربي يحفظك واسعدني مرورك الجميل

الرد للمرور الجميل
 

اهلين اهلين وهلا ومرحبا نورتي وانرتي هاجر والله... والأجمل هو مرورك وردك الراقي الجميل حقيقي اسعدني ربي يسعدك ولا يحرمني مرورك الراقي دايما تحياتي الك