|
فتاه جميله احزنت قلوب ملايين فتاه جميله انيقه ومعاها شنطتها...... خرجت دايما كعادتها وزي بنات كتير خارجين ودعت باباها ومامتها وقالوا لها بالسلامه تروحي وتعودين وقفت والكاميرا رصدتها في حالها وناس كانوا شهدين اه يا بنيتي واخيتي لو كنتي تعلمين ماخرجتي سنين ولكن هو دا الإهمال ال بنحكي عنه من سنين .... شويه بلطجيه عليهم سوابق ومجرمين وليه يا أمن تتركوهم دول مجرمين ..... خطفوا شنطتها وهيا تشبثت بها والسياره مسرعه واتسحلت على الأرض وراحت تحت عجلات سياره الفاسدين دا قدرك يا بنيتي بس فيه إهمال من المسؤلين ياريت الجزاء يكون رادع ويصلبوا في الميادين هؤلاء قطاع طرق مجرمين وداعا يا بنيتي والقلب عليكي حزين..... ويارب انزل صبرك علي قلب محليها باباها ومامتها وإخوانها وأخواتها والشعب المصري كله دا اختنا وعزيزه فقدناها على ايد مجرمين..... يا رب اجعل قبرها نور وتقبلها شهيده والكل دعي ليها ويارب انتقامك من المجرمين وداعا غاليتنا وصبرا لقلوب كل المحبين |
حاجه تحزن والله حسبنا الله ونعم الوكيل المفروض يتعدموا عشان يبقوا عبره لغيرهم العنف والبلطجه والبجاحه زادت وفاضت تسلم دكتور |
الرد للمرور الجميل اقتباس:
يارب الصلب افضل من الإعدام الصلب لأنهم مفسدون في الأرض يصلبوا في ميدان عام حتي الموت حتى يكونوا عبره ربي يسعدك على مرورك دايما الراقي الجميل الذي يسعدني وأشرف به قلم مبدع وفكر راقي تحياتي الك ربي يسلمك ويسعدك |
والله حزين اوي عليها ولزم يكون في عقاب جامد لكل ده والاعدام يكون علني قدام الناس وحتي جرايم الخطف ظهرت جامد اوي ربنا ينتقم من الظلمه يارب |
والله العظيم المفروض يتعلقوا في ميدان عام ويتصلبوا احياء ...ويتسابوا لحد الموت يموتوا بالبطيء ..بالعذاب..بالالم ..بالمعاناه لحد مايتمنوا الموت ييجي ويريحهم من اللي هم فيه ويكونوا عبره لكل اشكالهم ال...... حسبي الله ونعم الوكيل... حاجه توجع القلب..تتعب الروح ... بنوته في حالها وكانت ف شغلها وراجعه... يابلد لمي كل البلطجيه والاشكال دي واحرقيهم حرام يعني كدا كتير بصراحه.... حسبنا الله وكفى.. موضوع تعبنا واتكرر كتير اوي ... ربنا يحفظنا واياكم والجميع من كل سوء |
الموضوع مؤلم جدا و صعب استيعابه و الاصعب ان ظهر بعض اشباه الرجال بيرموا اللوم على البنت و إن الشباب غصب عنه هيعمل ايه ماهى كانت لابسه ضيق ! ف اللهم اجرنا فى مصيبتنا فعلا كلمات معبرة رغم الحزن اخى دمت مبدعاً |
الرد للمرور الجميل اقتباس:
لو بيدي الأمر والحكم لجبتهم امس في ميدان عام وكل كاميرات التليفزيون تنقل واصلبهم واقطع ايديهم وارجلهم لازم يكون فيه رادع والا هتتكرر لسه من فتره كانت مدرسه لغه انجليزيه ومحترمه واثنين من سائقي الميكروباص اغتصبوها يا اخي الحبيب ابو إياد انا شفت سائقي الميكروباص تبع شركات في بلد أوربي رؤيا العين لابس أجمل لبس والسياره نفسك ما تنزل منها ولكن عندنا يشغل حمو بيكا بأعلى صوت ويدخن وهو سايق والمرور عادي جدا الأصول كشف عام عن المخدرات لكل ساائقي الاجره حتى كريم وزين تحياتي لمرورك الراقي دايما ربي يحفظك ومن تحب |
الرد للمرور الجميل اقتباس:
والله يا شاعرنا الحبيب دا تقصر واضح من الأمن اولا كنت مره بإحدى دول أوربا وكنت راكب ليموزين مع اخ جزائري اولا مش هقولك على اناقه السائق بدله ورائحه السياره وكأنك في محل عطور شي مذهل فسالته يا اخي احنا مشينا من المطار مسافه كبيره وين سيارات الشرطه زي عندنا كدا تلاقي سياره الشرطه وسيادته راكب وكأنه ملك وانت ال تنزله قال لو نزلت بس تجري في الشارع هتلاقي سيارات الشرطه تقابلك من كل اتجاه يعني الطريق مراقب بأحدث الكاميرات حكي لي وقال اقل شي هنا علشان تاخد رخصه ليموزين يكلفك فوق ٥٠الف ايو و شفت بقى الاهتمام لكن روح بس عندنا موقف الميكروباص هتلاقي اغلبهم أشكال تغم واول يا يطلع الاجره ويشغل اغاني على كيفه وحاجه مقرفه ويدخن اسعدني مرورك الراقي واسأل الله ان يرحمها وان ينتقم من كل المجرمين والفاسدين يارب اسعدني مرورك. ويشرفني دايما |
الرد للمرور الجميل اقتباس:
ال بيتكلم على لبسها دا مجرم أيضا حتي لو عاريه هل يحدث هذا الأمر ويصل لحد القتل شي محزن جدا والله الإهمال الأول على الأمن حقيقي ودي بتتكرر كتير ولابد من وقفه من السلطات المسؤله لو كان فيه ربي يحفظنا وإياكم وكل من نحب ويرحم ها الأخت ويصبر أهلها ومحبيها يارب تحياتي لمرورك الراقي دايما دمتي بخير |
اللي خلاه أفرج عن زعيم البلطجية نخنوخ المعروف بجبروته وبلطجته جات علي الصغيرين أمثال دول ماهى الدولة بتشجعهم علشان قايمين بالواجب بترهيب الناس وتروعيهم لو فكروا ينتفضوا زى ما حصل كدا في شهر 8العام الماضي يللا الله يرحمها ويغفر لها تسلم ايدك |
| الساعة الآن 02:45 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب