|
مالك.. مليش مالك... مليش مالك.... مليش طيب مبوزه ليه.... مفيش مش مبوزه و لا حاجه طيب ساكته ليه... مفيش مليش نفس اتكلم طيب فيه حاجه مدايقاكى.... لا طيب الحمد الله... اروح اخرج انا بقا 😂 تخرج تروح فين و تسبنى انا كدا لا مهتم بيا و لا..... الخ معاناة الزوجات و العقل الصغير هههههه الحوار دا بيتكرر كتير فى البيوت المصريه بين الزوجين انها تكون مقموصه على حاجه تافه و تقلها الف مره مالك و متقلش برضو ليه يا جنس حواء كدا بتحبوا كدا؟ |
بص هو مش بس للزوجين والله. بقلب روحت شوفت موضوعك دا انا وحده من الناس افضل انزل ستوري نكد وزعل وكدا انا منكده ع صحابي بقالي يومين ومحدش عارف مالي عادي انا كلمة مالك دي بتعصبني اصلي مش هحكي يعني بالنسبه للراجل هي الواحده بتبقى عايزه بس يحس بيها يعني مالك.. ماليش.. طب متزعليش زعلك بالدنيا نينينيي هنعلمكم تتكلموا ازاي يامعشر الدقون 🙂 |
الحل بسيط ان لقيتها ضربه بوز اضرب لها بوزين هههههههههههه وهتشوف بقى هما محتاجين حنان وحنين وسلامات وفيكي ايه احكي وقولي ولا انا كدا هعيش حزين وتقوم ايه بقى كفايه بقى كمل انت هتلاقي النكد أصبح جميل وكل شي تغير في الحال دي الأنثى معجون حنان بس عاوز مين يتحمل مش كدا ولا ايه |
اقتباس:
|
اقتباس:
جبتنا الهستريا فى دماغنا يا معشر الفقر 😂 محدش فينا له مراره لطول صبركم و برودكم دا ورانا مسئواليات و مشاغل فى الحياه انتم عالم فاضيه |
اقتباس:
كتير من الشباب لعلمك بتزهق من الحوار دا مالك و متردش |
اقتباس:
|
خلينا ناخد الأمور بشكل جدي أو بشكل جدتي مش هتفرق 😀 هو سكوت المرأة غالبا بيخفي وراه حاجات كتير حاجات خايفة تقولها أو مينفعش تقولها لما تسألها مالك وتقول مليش كلمة مليش ومفيش بتبقى مدارية وراها كلام كتير كلام كبير كلام خطير لما تسألها مالك وتقول مليش قولها خلاص متقوليش أنا عارف مالك متقوليش وامشي وسيبها 👌👍 يسعد قلبك يارب نور ❤ |
غالبا بيكون رغبة فى الشعور بالاهتمام والاصرار على معرفة الامر دا بيشعر الواحدة منهم ان اصرار الرجل على معرفة سبب الضيق هو اهتمام كبير بها حتى لو كان الاسلوب منها مستفز البعض منهن مش بيقوا عايزين الافصاح عن السبب ولكن فى نفس الوقت تعجز عن السيطر على مشاعر الضيق داخلها بص هى عقليات عايزة حد عنده طولة بال هههه |
اقتباس:
طيب مش دا الصح ولا ايه ربي يسعد قلبك اااااااامين ومنوره دايما |
| الساعة الآن 07:30 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب