|
مسابقة دينية عامة المسابقة الدينية عبارة عن 3 حلقات هكتبهم فى موضوع مستقل فى منتدى المسابقات او المنتدى الدينى حسب رائيكم كل حلقة 30 سؤال هكتب الموضوع ثم يثبت و يغلق بدون ردود و الرد هتكون الاجابات عن طريق الرسائل الخاصة الجائزة لكل فائز فى المسابقة و الذى اجاب على الــ 90 سؤال صح 150 مشاركة لكل حلقة 50 مشاركة اذا اجاب عن 3 حلقات و كانت اجابة فى احدى الحلقات خاطئة تحسب له الحلقات الصحيحة فقط لا تحسب الحلقة الا اذا كانت صحيحة بالكامل الاسئلة حلقة كاملة منها هتكون من المواض يع اللى فى المنتدى الاسلامى حلقة معلومات عامة حلقة معلومات دينية و احاديث و قرآن من داخل و خارج المنتدى اخر ميعاد لتسليم الاجابات 20 شعبان ان شاء الله بحد اقصى 22 شعبان حتى يتم اعلان الفائزين قبل رمضان ان شاء الله و ادعو لى بدخول اى كليه عدلة |
فكوره حلوه يا طمطم و ان شاء الله الاداره توافق و ان شاء الله لو انتى كنتى علم علوم طب لو علم رياضه هندسه و لو ادبى صحافه و اعلام او سياسه و اقتصاد فى احلى من كده كليات |
السلام عليكم ازيك يا طمطم شوفي انا معنديش اي مانع للمسابقات الدينية وعلي الرغم من اني شايف ان الـ 90 سؤال كتير جدا جدا جدا لكن نتكلم في الاساس اولاا يا طمطم فكرة المعلومات العامة انتي عارفة ان اكتر 70% من المعلومات الدينية من علي النت بتكون مغلوطة وادخلي القسم الاسلامي وراجعي من مركز الازهر الشريف وانتي تتأكدي . تاني شيء الاحاديث لازم يكون مصدرك موثوق فية اللي الاعضاء هيطرحوا منة الاحاديث لأن الغالبية دلوقتي بيألف الحديث اللي يمشي علي هواة . دة حاجة تانية ولازم انتي كمان تراجعي علي حديث حديث او تفسيرهم من مصدر موثوق فية الموضوع مش اي مصدر في النت وخلاص . اما الحاجة التالتة القران دة افتكر ان الحمد لله حفظة الله من كل سوء وسهل انك تعرفي تسيطري علي الموضوع دة . 7 7 نيجي بئي لأهم حاجة سؤالي ليكي يا طمطم .... ومتفكريش انة احباط لكن اعتبرية تنبية تحذير خوف زي ما تعتبرية وافتكر لو اجابتك لأ دة مش تقليل منك اودام حد وانما تواضع لله . 7 انتي قد مسئولية ان لو حد نزل معلومات مغلوطة عن دينك انك تتحملي وزرهم كلهم وتحاسبي علية امام الله ؟؟؟؟ وافقتي يبقي انا عملت اللي عليا وخليت مسئوليتي اللهم بلغت اللهم فأشهد .... |
فكرة غاية فى الروعة ماشاء الله عليكى يا طمطم دايما مبدعة فى أفكارك وجزاكى الله خيرا ياريت الادارة توافق |
فكره روووووووووووووووووووووووووووووووعه يا طمطم تسلمى يا قمر على الفكره وجد جميله اوىوان شاء الله الإداره هتوافق |
اقتباس:
ازيك ضياءووو طبعا مش اد المسؤوليه دى اطلااااااقاااا هو الواحد هيقدر يشيل اوزاره لما يقدر يشيل اوزار غيره ................ اولا كل الاجابات هتيجى عندى فى رسائل خاصة و ممكن نخففهم ل 60 سؤال الحلقة الاولى 25 سؤال بــ 60 مشاركة الحلقة التانية 20 سؤال بـــ 50 مشاركة الحلقة التالتة 15 سؤال بــ 40 مشاركة و الاسئلة سؤال سؤال انا اللى هكتبهم يعنى عاملة لهم تجهيزات و لسه بكمل فيها و بعدين حلقة الاسئلة اللى من داخل المنتدى دى الاسئلة نفسها هكون متأكده منها ان شاء الله طب هتأكد منها ازاى عن طريق الكتب باذن الله و ايضا بسؤال الشيوخ و بالنسبة للاحاديث فاكيد مش هجيب الا الحديث اللى انا نفسى حفظاه مليون فى المية و القراءن افضل وسيلة للتاكد منه هو المصحف الشريف بالنسبة للناس اللى هتجاوب غلط >> مش عارفة اظن ان ده عادى:cv11: المهم انهم يعرفوا الصح و بدليل المسابقات اللى بتنزل سنويا كل رمضان من المشايخ كلنا بنجاوب و منها اللى بيطلع صح و منها اللى غلط و على كل حال لو شايف انها مش صح و لا يهمك اكنى مقلتش حاجة :680: سلااااامشمش |
كدة اللي عرفتة انة 3 اعضاء اللي هيشتركوا لكل عضو 60 سؤال كمجموع كلي . وزي ما قولتي قبل كدة ان المرحلة اللي هيتجاوب فيها غلط هي بس اللي هتتخصم منها المشاركات والباقي هيتحسب طيب هو مجموع الجوايز مش 150 مشاركة هتبقي لصاحب المركز الاول اللي هيحقق اكبر نسبة اجابة صح . طمطم انتي هتعمليها مراكز ولا اية :france-flag: ؟؟؟ ولاا الـ3 اعضاء كل واحد وحسب اجابتة علي المرحلة وياخد عليها مشاركات لو كسب ؟ انتي كاتبة فوق الجوايز 150 مشاركة ! وضحي يا طمطم .... 7 وموضوع انك هتراجعي من القران دة بالنسبة للقران . اما المعلومات العامة وخلافة فدة مجهودك واللي هتاخدي ثواب علية بأذن الله لما تصححية . شوفي وردي عليا .... |
اهلا ضياء ,, اولا انا مذكرتش عدد من الاعضاء للاشتراك الاشتراك مفتوح لكل الاعضاء >> بس المهم انهم يشتركواا لانى مش هتقيد بعدد من الاعضاء فى المسابقة دى و يبقى مصيرها الارشيف زى المسابقة اللى فاتت يعنى اى حد عايز يشترك فى اى وقت يشترك و العدد مفتوح من غير مراكز يعنى اللى هيجاوب حلقة كاملة صحيحة هتحسب له و اللى هيجاوب حلقة بس مش كلها صح مش هتحسب له اى درجة يعنى اللى هيجاوب حلقة ياخد جيزتها اللى يجاوب 2 حلقة برضو ليهم جيزتهم و اللى يجاوب ال 3 حلقة كاملة صحيحة له 150 مشاركة |
يا طمطم ركزي الله يكرمك ويجازيكي خير المسابقة اللي فاتت مش هقولك قولتلك حاجة . المهم ركزي بئي لو فتحتي العدد زي مبتقولي افرضي اتقدم 5 مثلاا هتحددي ميعاد للبدء وجية اعضاء تانية عاوزة تشترك هتقومي طارحلهم اول حاجة اللي هية المرحلة الاولي من الاسئلة تاني يعني هتتابعي الاعضاء اللي معاكي في الاسئلة والمواضيع ولا كل ما واحد يتقدم تقومي شايفة اجابتة علي الـ 25 سؤال وتراجعي علية كدة هتغرقي لو اتقدم لك عدد كبير ركزي بئي معايا . كدة هتتابعي اجابات المرحلة الاولي من اكتر من 3 اعضاء مثلاا واللي هما المفروض انك كدة هتراجعي لو افترضنا قبولك 3 اعضاء بس . مع انك فاتحاها عارفة المرحلة الاولي هتراجعي علي كام اجابة 3 * 25 = 75 اجابة دينية يا طمطم ومتنسيش انك هتطرحي بالموضوع اجابات الاسئلة كلها . اومال لو زادو بئي بقوا 5 هتبقي الاجابة اللي هتراجعي عليها 125 اجابة دة في اول مرحلة بس :147: هتراجعي 125 سؤال ديني سواء معلومات او تفسير بالعقل يا طمطم لو خلتيهم 3 اعضاء او حددتي العدد هيكون افضل طبعا ... ومتنسيش يا طمطم انك مطلوب منك بعد طرح الاسئلة والاعضاء تخلص اجابتها انك تطرحي75اجابة صح دة بالنسبة للمرحلة الاولي بس :Sh_075: وكمان انتي عاوزة تفتحيها لأي عضو في اي وقت احسبلك هتنزلي كام اجابة في الموضوع حاضر دة لو افترضنا انهم 3 اعضاء بس :Sh_075: 60 * 3 180 اجابة هتنزليها في الموضوع يا طمطم وكمان هتعملي عليهم بحث . اومال لو بقوا 5 بئي مثلاا وانتي كمان عاوزة تفتحيها 60 * 5 = :hayth1: اتكلم واجاوب واضرب العدد ولا اسكت 7 طمطم قللي الاسئلة يا طمطم واعملي عدد افتراضي للأشتراك في المسابقة وحاجة انتي تقدري تبذلي فيها مجهود من غير ما يبقي تحميل عليكي زيادة او خرافي ركزي كدة وخططي ليها صح الله يكرمك وربنا يوفق الجميع .. |
امممممممم ضياء او حددت عدد المشتركين الناس اللى بتشترك بصراحة مش اد المسئولية و بعدين انا مش هتعب و الاقى ان مفيش اشتراك يبقى من الاسهل انى متعبش نفسى و لا اعمل المسابقة اساسا شوف انت احسن حاجة ايه لو احسن حاجة انها تتلغى يبقى اووووووك و سلااااااااااموز |
| الساعة الآن 08:31 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب