احدث صيحات تجميل الاسنان اسعد الله اوقاتكم بكل خير الى كل اعضاء المنتدى وبالاخص بنات حواء , مش عارف كلكم عارفنى هنا ولا لا , عامة انا اسمى فارس طبيب اسنان واخصائى تعويضات سنيه من جامعة نيوكاسل بأنجلترا واعمل حاليا بأحدى دول الخليج يسعدنى من خلال هذه الصفحات تقديم لكم احدث صيحات تجميل الاسنان والعناية بها , مثل تقويم الاسنان والتبييض وتركيب ماسات تحميليه ..... الخ ,وذلك لما لاحظته من قلة معرفة واهتمام من الشعب العربى لاسنانه , كما يسعدنى انى استقبل اى استفسارات لكم وسأقوم بالرد عليها بشكل مبسط وليس بشكل طبى زذلك لسهولة الفهم , تحياتى لكم , وارجو تثبيت هذا الموضوع لاهميته فارس |
ببتدى معاكم اول حلقه تقــــويم الاسنان كتير من الناس بيشوفوا اشخاص حاطين التقويم على اسنانهم ومش بيعرفوا ايه ده او فايدته ايه , التقويم ياجماعه ببساطه ما هو الا سلك بيتربط على الاسنان من نهاية الفكرين وبيكون بينه وبين الاسنان فواصل مطاطيه , وبيقعد على الاسنان فتره لا تقل عن 6 شهور ولا تزيد عن سنتين تقريباً كمان يفضل تركيبه قبل ما الشخص يعدى عمر الـ 25 عام , وفايدته انه بيعدل شكل الاسنان والفكين , فمثلا فى ناس اسنانها بتكون بارزه للامام وفى ناس اسنانها بتكون راكبه على بعض وفى ناس بيكون طالع لها اسنان زايده .. الخ فالتقويم بيعدل الحالات دى كلها وبيأثر كتير فى الشكل وخاصة بالنسبه للبنت وانا شفت بنفسى حالات كتير النتايج طلعت اكثر من رائعه , التقويم بيكون اكيد متعب فى اول تركيبه كمان بيصعب عملية مضغ الاكل , بالاضافه لانى تنظيفه مش سهل بس مع الوقت الشخص بيتعود عليه كمان لما يتفك وتشوفوا النتيجه , النتايج بتكون مبهره بس فى حالة انى يكون الطبيب متمكن , لان ياجماعه علاج التقويم مش سهل نهائى لانى لو الطبيب مش متمكن ( وده بيحصل كتير فى مصر ) الاسنان بدل ما بيكون عاوزه تروح يمين بتروح شمال:shiny01: لذلك انصح الاخوه فى مصر انى لو حابيين يركبوه يشوفوا طبيب يكون اخصائى تقويم بمعنى انى يكون معاه ماجستير فى التقويم بمعى اخر انه يكون درس 3 سنين فى الجامعه تقويم اسنان مش مجرد انه عمل دبلومه سنه او حضر دوره يبقى خلاص بقى اخصائى تقويم , وهو سعره بيكون فى مصر حوالى 6000 جنيه تقريبا بس مش متأكد لانى مجتش مصر بقالى فتره كبيره انواعه : فى التقويم العادى وفى تقويم شفاف وتقويم ملون وتقويم لامرئى ودلوقتى حوريكم الصور التقويم اللامرئى http://tbn2.google.com/images?q=tbn:...cheltenhamorth توضيح للفرق بين التقويم المعدنى والشفاف http://www.albertvillesmiles.com/New...sidebyside.jpg التقويم الملون http://www.allstar-brisbane-orthodon...red_braces.jpg http://www.villaparksmiles.com/image...red_braces.jpg التقويم الشفاف http://vermadental.in/DrVermaDental/...ic20braces.jpg |
بجد يا د.فارس الموضوع اكثر من رائع والشرح بسيط وجميييييييييل جدا والموضوع يستحق التثبيت الف شكر ولو عندى اى سؤال اكيد هابئى ارجعلك فى انتظار بقية الحلقات وان شاء الله انا متابعة |
شكرا لتفاعلك ومنتظر استفساراتك تحياتى فارس |
شكرا يا د. فارس الموضوع جميل اوووووى |
بجد يا دكتور فارس احنا بنشكر من كل قلبنا على وجودك معنا بجد هيفيدنا كتير اوي وانا هكون اول المستفسرين لان سناني عايز لها تفجير هههههههههههههههههههههههههههههههههههههههههههههههههه ههههه بس يعني الحمدلله شغالة فيهم فهحتاج استشارتك اكيد قبل ما اقوم باي خطوة كمان |
شكرا دبدوبه لو محتاجه حاجه لاسنانك انا تحت امرك اخوكى فارس |
السلاااااااااااااااااام عليكم يا دكتور فارس جالك اول زبون ههههههههههههههههههههههههههههههههههه عايزة اسألك سؤال ملهوش علاقة بالتقويم بس ليه علاقة بالتجميل :005: انا اختي ركبت تلبيسة في اسنانها بس مش فينير ولا سيراميك اسمه زركون وقبل مايركبوها طبعا بردوا السنان كلها خلوها زي الابر تقريبا وركبوا عليها التلبيسة دي بس دلوقتي لثتها واسنانها من اللي جوا الاساسية يعني بتألمها بشكل فظيييييييييييييييييع هي بتسأل ده طبيعي وللا فيه حاجة غلط في الموضوع وتسلم ياقمر لسة هجيلك في سؤال عن التقويم بس بعد ماتجاوبني ان شاااااااااااااااااااااء الله :051: |
الساعة الآن 03:43 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب