محدش بيفضل اى شيئ عن ربنا وكلام ربنا
دى حاجه بصرف النظر عن تامر او غيره
لو خيرونى ما بين كلام ربنا وتامر حسنى آكيد ربنا وكلامه هيبقى آفضل من آى شيئ تانى
وزى ما آنا بحب تامر حسنى برضه بحب مشارى راشد
هتحشر مع الآتنين آنا كدة؟
وزى ما آنا بسمع آغانى وبحط جيل
برضه بسمع قرآن وبتوضى وبصلى
مش كل حاجة فى الدنيا حلال ومش كل حاجة فى الدنيا حرام
ومش معنى آن فيه ناس معجبة بالشخصيه تبقى الشخصيه قدوة ليها آو تبقى بعيدة عن ربنا وكلامة
هو غلط مقولناش حاجة والمفروض نكون آحسن من كدة بكتير والكلام من نحية التدين صح
بس برضه مبنساش ربنا
مثال
طب ما فيه منتديات آسلاميه كلها بتتكلم عن الدين؟ وفيه منتديات بتجمع بين الدين والترفيه والحياة الآجتماعيه والشخصيه
ودى فيها بنات وولاد
ودى فيها بنات وولاد
ومع ذلك
آنت دلوقت فى بنات مصر؟
مش فى منتدى آسلامى يقول ما تقوله الشريعه ويتكلم بالعلم والدين معظم الوقت
يعنى آختارت منتدى بآسم بنات مصر تكون عضو فيه مخترتش منتدى يكون آسمه ( العلم والايمان ) وسجلت فيه
مجرد مثال بس
يبقى آنت هنا داخل بنات مصر عشان مثلا تعاكس بنات؟ ولا عشان تتكلم فى كل حاجة وتعيش اللى عايشة الشباب؟
ولا داخل تتكلم فى الدين بس؟
ما آنت لو داخل تتكلم فى الدين بس مش هتختار بنات مصر غير لسبب آنك تغير فكر الآعضاء كلها
وتخليهم ميطلعوش من القسم الاسلامى
آنما لو داخل عشان تتكلم فى كل حاجة وتعيش اللى عايشة الشباب يبقى هتبقى بتتكلم شوية فى الدين وشوية فى الحياة والمشاعر وشوية فى الضحك والفرفشة
يبقى هنقول دى زى دى؟
برضه بنصلى وبنسمع اغانى
زى ما آنت هنا بتكتب فى القسم الاسلامى وبتمر على قصيدة شعر فيها حب وغزل؟
مجرد آمثلة بس بدهالك
والآختلاف فى الرآى لا يسفد للود آى قضيه طبعاً
جزاك الله خيراً
وربنا يهديك ويهدينا