[prinss]

موضوعي يهم كل عروسه وهو ترتيب اغراضها بطريقه فيها ابداع وتميز


تعالي معاي ..وبشويه أفكار نرتب أغراضك مع بعض ..


طبعا الأغراض تروح لبيت العروس قبل الزواج بأيام قليلة يعني من خمسة إلى ثلاثة أيام عادة ..


وفي بعض العائلات يسونها كإحتفال يجتمع اخوات العروسه وخالاتها وعماتها وينقلوا الجهاز لبيت الزوجيه

ويستقبلهم هناك اهل العريس لذا لازم كل شئ يكون مميز لان كل شئ بيكون تحت الانظار ...


وبعضهم يمشونها عادي ..



المهم .. حبيت أساعد الأخوات ..وأعطيهم بعض الأفكار في ترتيب الجهاز




نبدأ بسم الله ..



اولا


نروح محل الخياطة نشتري شوية ورود وشرايط وأكياس الأورجنزا الجاهزة بعدة أحجام




+ محلات ابوريالين نشتري منها ..شموع وعلب وسلال ..ورود مجففة




+ مكتبة(بطاقات وأشرطة وجلاد بنوعين الفاخر والعادي )...




ولا ترمين أي شيء من العلب اللي تشترين أغراضك فيها





نبدأسجاجيد الصلاه



نشتري سجادة صلاة وشرشفها أو شيلة الصلاة ..بلونين متناسقين 00 او تشتري اطقم سجاده الصلاه وشرشفها



بالنسبه للشرشف الي تستخدميه جمعيه مع السجاده وممكن كتاب الأذكار مع المسواك .ونجمعهم كلهم في

علبة ..ونغلف العلبة بالجلاد الفاخر لأنه بيستخدم لفترة طويلة بإذن الله ..مثل الصورة التالية






بالنسبه لسجاجيد وشراشف الضيوف

بامكانك وضعها في مثل هذه الصناديق





الملابس




ثاني شيء ..نروح للمحلات اللي فيها أدوات التخزين والعلاقات والعلب الخاصة بالدوليب




ونشتري طقم كامل من الأدوات ..مثل .


.


ونبددأ نعلق الملابس بأنواعها ..


وطبعا حلو لو نستخدم مثل هاذي العلاقات ..



ممكن نعلقها ومكن نطبقهاو نغلفها بأكياس شفافة علشان نحتفظ بترتيبها وريحتها المعطرة ..

وهاذي بأكياس الأورجنزا



للملابس الداخلية



طبعا بيكون عندنا نوعين ..


النوع الفخم والأطقم ...والنوع العادي اليومي


النوع الفخم حطيه بأكياس أورجنزا ...أو أكياس خاصة يبيعونها في محلات الملابس الداخلية ..


وشوفي معاي









قمصان النوم



طبعا حلو تغليفها للإبتعاد عن أعين الفضوليييين ..



ممكن نغلفها بكراتينها وممكن بأكياس أورجنزا وممكن بأكياس خاصة نخيطها



وبامكانك غسلها بداخل الكيس علشان تحافظي على قمصان النوم رقيقه وماتتشابك مع الغسيل






العباءات
من نفس الأكياس السابقة ..نشتري كم كيس أسود متوسط الحجم تراه متوفر في محلات الخياطة ..وممكن نزينها بالورود والكلف او أي شيء تحبينه ..

ونحفظ فيها العبايات ..ونحطها كلها في صندوق ونزين الصندوق إذا حبيتوا





والحين نوزع أكياس الورود المجففة في كل مكان

يعني في ادراج الملابس الداخلية ..وأدراج التسريحة والحمام أعزكم الله ..وخذوا الأنواع اللي تتعلق وعلقوها في علاقات الملابس وشوفوا هالأفكار من الأكياس






المكياج

طبعا أنا من النوع الي احب يكون المكياج في شنط صغيرة مثل المقلمة ..وسهلة النقل من الغرفة لأي

مكان أو شنطة السفر حتى ..







العطور
العطور العربية خذي لها الزجاجات اللي مثل الكريستال ..على فكرة هي رخيصة جدا في حدود الريالين أو ثلاث ..وفي منها كريستال عند محلات العطور




أفكار لتنسيق الأحذية كرمكم الله

شوفوا معاي الأفكار...

لو تحصلون مثل هذي العلب ..يكون عز الطلب




ترتيب الشباصات ( البكل وربطات الشعر والأكسسوارات )

وممكن تجمعينهم جميعا في علب متشابهة ..وتنسقينها بهذا الشكل ..على شكل طبقات






وطبعا يا عرايس ..خلو العلب قابلة للفتح ..يعني تغلفين العلبة بروحها والغطاء بروحة ..علشان تستخدمينه دايما وتكون الأغراض مرتبة ..على طول ..مش أول شهر وخلاص