[دلع بنوتة مصرية]

(الحلقة الاولى)
الساعة3بعد الظهر.أحمد لسة صاحي من النوم عينه نص مغمضة..وشعره منكوش..فتح البلكونة وهو بيتمطع وبيتاوب بصوت زي النهيق ويهرش في دماغه..وبعدين لقى في البلكونة اللي قصاده بنت زي القمر
احمد:ازيك يا بت انت واحدة جديدة
البنت مردتش ولفت وشها
احمد:ايه يا جميل انت زعلت ولا ايه
البنت تقوله:اتلم يالا
احمد:يالا ماشي ماشي مقبولة منك
ييجي احمد يخش ياخد شاور ويطلع بقى متأنك وشياكة آخر حاجة ييجي يلاقي البنت اللي كانت واقفة في البلاكونة قدامه هي وصاحبتها فهو حابب يغيظ البنت اللي كانت واقفة في البلكونة فييجي يسلم على صحبتها
احمد:هاي اسمك ايه
البنت:اسمي ليلى ودي صاحبتي نورة
احمد:لا بصراحة صحبتك محترمة جدا
نورة:غصب عنك انا محترمة عجبك مش عجبك اخبط راسك في الحيط
ليلى:اتلمي شوية يا نورة
نورة:ليه انتي شايفاني متبعترة
احمد:طيب استأذن يا آنسة ليلى استأذن يا آنسة نورة:vb34:
وفي اليوم اللي بعده نورة وليلى يروحو السينما
أحمد:آنسة ليلى آنسة نورة
ليلى تبص وراها تلاقيه احمد
نورة:انت اللي في البالكونة اللي جنبنا انت بتراقبنا
احمد:والله صدفة ومحاسن الصدف كمان
نورة:قصدك مساوئ الصدف
ليلى:عيب كده يا نورة
احمد:يالله نتفرج على الفيلم
وبالصدفة بردوا احمد يقعد جمب نورة لان هو الكرسي اللي الوحيد اللي كان فاضي
نورة:ايه ده انت اللي جابك جمبي يا جزمة
احمد:اولا انا مش جزمة ثانيا هو ده الكرسي الوحيد اللي كان فااضي
ليلى:هشششششششششششششششش
نورة:قولي للأستاذ مش ليه
ليلى:بس بقى
بعدين يكستوا بعدها بساعتين الفيلم يخلص وكلهم يمشوا
ليلى:اما حتة يوم يا نورة والواد احمد ده عسل يا بت عسل
نورة:عسل ايه ده بصل يا عبيطة هو الواد كل عقلك
ليلى:اتلمي يا بت
نورة:طب لميني من على الارض
ليلى:يلا نروح البيت
في نفس اليوم الساعة 11 بليل
نورة تبص من البلكونة
وبعدين احمد يشوفها من بعيد ييجي يطله هو كمان للبلكونة
احمد:اهلا ازيك يا نورة
نورة:اهلا انت كل ماتشوفني تطلع
احمد:نورة انا عندي كلام عايز اقولهوك ممكن
نورة:اولا لا مش ممكن ثانيا حتى لو كان ممكن نيجي نتكلم في البلكونة
احمد:خلاص بكرة نحدد ميعاد واكلمك
نورة:انت بتحلم
احمد:وعايزة يجيلك عريس ازاي
نورة:امشي يا جزمة:hayth1:
احمد:حاضر حاضر
في اليوم اللي بعده
نورة تبص من البلكونة واحمد ميكنش موجود
نورة استغربت بس فرحت
بعدين بليل كانت قاعدة على اللاب توب بتاعها فأحمد شافها فصفرلها فطلعت
نورة:عايز ايه
احمد:عايز اتكلم معاكي
نورة:انت بتعاكس يا جزمة
احمد:لالا والله مبعاكس خالص بس انا عندي كلام عايز اقولوا ليكي ممكن
نورة:والله لا مش ممكن لأني مبقعدش مع اولاد
احمد:طب ممكس اسألك سؤال
نورة:اتفضل
احمد:مامتك وباباكي او امي وابويا اتجوزا ازاي مش قعدوا مع بعض
نورة:قول كده بقى انت معجب بيا ياض
احمد:مرتبك حاجة زي كده بصراحة لأنك زي القمر ما شاء الله
نورة:شوف يا احمد مشكلة الشباب والبنات انهم بيحكموا بالشكل المفروض بالأخلاق طيب هنروح بعيد ليه بصراحة انت واد حليوة شوية مش كتير لكن انا مش معجبة بيكي نهاااااائي علشان باين اخلائقك وحشة
احمد:والله متشكر على النصيحة لكن اهو انتي مش عايزاني اقعد معاكي يبقى انتي كده اخلاقي وحشة
نورة:مرتبكة عن اذنك



عايزين تعرفوا ايه اللي هيحصل بعد كده اشوف الجزء اللي كتبته حلو ولا لأ لو كان حلو اكمل وحش يبقى للأسف مش حكمل