[FarEdah]

خلطات للوجه

طبعا كلنا بنسمع عن خلطات طبيعية 100%
بس هل هي ياترى خلطات فعلا طبيعية ؟ طبعا اه لانها من المنزل يعني من جوا مطبخك
كلمة بسمعها كتير اوي ( مفيش احسن من الحجات الطبيعية ) واكتر حاجة بينصحونا بيها في المجتمع النسائي ( العسل والزبادي والخيار والشاي )
طب احنا قبل منجرب فكرنا هيفيدنا في ايه ولا هيعمل ايه ولا عشان ماشين ع مبدا اسئل مجرب

هقولك حاجة مهمة اوي

انا مع العسل انو شفاء من كل داء بس انهي داء الي بيقصو يعني ممسكش عسل طبيعي مية بالمية احطو ع وشي خبطء لزق طب ميكن يكون عندي تحسس منو ويخلي وشي بدل مكان يتبص فيه مرة ميتبصش فيه ولا مرة

خلينا نفكر قبل منعمل حاجة

انا جربت قناع الزبادي بالعسل ( قالوا عنو عشان البشرة الجافة الي محتاجة تغذية وخاصة في الصيف ) والزبادي بيفتح البشرة والعسل بينقيها

قلت يلا بينا نجرب وفعلا جيبت المكونات وبدايت اظبط الموضوع

خدي عندك الطريقة المثلى الي محدش يمكن بيقولها لما يقولك استخدمي الخلطة الفلانية

او الكريم الفلاني

----

1- يكون عندك غسول خاص بوشك مناسب لبشرتك يعني مش اي غسول ولا صابون الصابون بينشف الجلد خلي بالك والغسول لو مش مناسب ليكي مش هيديكي نتيجة

2- تونك خاص بعد الغسول

3- الميلك للتنظيف الاعمق للبشرة

4- نشفي بمنشفة ناعمة خاصة للوجه

5- خلي بشرتك ترتاح شوية بس متعرضهاش للهوا

6- حركي صوابعك عليها بطريقة مساج خفيف

7- هنا بقا هاتي الخلطة بتاعتك

-

المهم في الموضوع عشان النتيجة هو التظيف للبشرة من الاتربة والاوساخ والعرق


طبعا الزبادي والعسل مغذي وبيطري البشرة ويخليها صافية وجميلة

جربية مرة كل اسبوع دا غير طبعا كريماتك اليومية
للصبح ولبليل

/

ونصيحة

متستخدميش حاجة سمعتي عنها لمجرد السمع استخدمي حاجة لنوع بشرتك
تقدري تروحي لدكتور مختص او اخصائية تجميل ( مع انهم يعني احيانا بيصدق كلامهم مش بيكون تجاري)

/

الفقرة الجاية هقولك تعملي ايه لوشك عشان نضارتو من غير اي خلطات