عرض مشاركة واحدة
قديم منذ /09-23-2010, 06:07 PM   #1

شريف القناوى

مشرف قسم القصص سابقا

 

 رقم العضوية : 6821
 تاريخ التسجيل : Sep 2008
 العمر : 46
 الجنس : ~ رجل
 المكان : مصر _ قنا
 المشاركات : 1,621
 النقاط : شريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond reputeشريف القناوى has a reputation beyond repute
 درجة التقييم : 3061
 قوة التقييم : 2

شريف القناوى غير متواجد حالياً

إرسال رسالة عبر Yahoo إلى شريف القناوى
أوسمة العضو
افتراضي حواديت كفر الغلابة الحدوتة السادسة راجعين


الحدوتة السادسة

راجعين
خلاص يا واد وانتى يا بت هنعاود على البلد
كفاية اللى شفناه فى المحروسة ولا يوم تانى
هنقعد فيها وكفاية عليها ناسها وزحمتها
هى ناقصة حد تانى فيها
ركبنا انا والعيال وامهم الميكروباص نروح
موقف عبود عشان نركب الاتوبيس وقلنا
كفاية وبلاش من اللى حصل فينا من القطورة
بيقولوا الاتوبيسات كويسة واحسن من القطر وعكه
وصلنا الموقف خلاص يا محروسة مبقتش فارقة
زحمة برضه تانى يعنى هو مخالف ميكونش زحمة
ده باين عليه لو مفيش زحمة يبقى فى حاجة غلط
روحت على الشباك والله يا بلدينا 4 تذاكر لكفر الغلابة
فى اول اتوبيس طالع بتقول بعد ساعة مش مهم احجز
بس ده غالية التذكرة ليه كده دى اغلى من القطر
اللى احنا جينا فيه وايه يعنى مكيف وفيه فيديو
بس غالى امال الناس الغلابة تعمل ايه علشان تروح
اكيد مفيش غيره القطر القشاش اللى فى كل محطة يرتاح
اقطع ياعم خلينا نروح ماهو على راى جدودنا قالوا زمان
اللى يعيش ياما يشوف واللى يشوف لازم يتعلم
واهينا بنشوف وبنتعلم لحد ما نشوف رايحين على فين
قطعت التذاكر وقعدت فى محطة الاتوبيس نستنى الساعة
لحد ما يجى الاتوبيس ونمشى قعدت اتفرج على الناس
وشوفت كتير اللى بيجرى وراء اتوبيس علشان يحصله
واللى بينزل من الاتوبيس وهو ماشى قلت فى عقل بالى
والله يا ود يا غلاباوى لو ركبت اتوبيس من دول
ده اذا عرفت انك تركب فى الاول مش هتعرف تنزل
منه ابدا الا لما يقف كنت بضحك عليك يابه لما تقول
عارف ياود لو ركبت اتوبيس فى مصر علبة السلمون
فيها مكان عليه والغريبة ان الكمسرى معندوهش غير
كلمة واحد فاضى جوه يا استاذ ادخل ياحاج اتحركى يا مدام
ابويا كان يقول كان نفسى اشوف جوه اللى فاضى ولو مرة
دلوقت صدقتك وعرفت انى كنت بضحك على الصح
وشوفت وانا قاعد فى امان الله واحد بيجرى وبيجرى وراه
اتنين بيقولوا حرامى امسك ...حرامى وعينك ما تشوف الا النور
الموقف كله بقى يجرى وراه امم قلت افضل حل ليه يسلم
نفسه احسن لو مسكته الناس مش عارف اذا كان حيبقى فيه
اللى يتسلم ولا لا الكل عايز يساعد وبقلب مليان
وشوفت وشوفت وشوفت وشوفت وقلت هى الساعة طولت
ليه والاتوبيس ماجش لحد دلوقك ليه واخيرا وصل
وركبنا وقاعدنا على الكراسى بس هى ضيقة ليه كده
ده رجلى مش قادر احركها امال ام العيال عاملة
ايه وهى بسم الله ما شاء الله تفصل اربعة من حريم مصر
يوم ما تجوزتها كانوا بيقولوا خد واحدة زى البوصة
رفيعة والعضم اكتر من اللحم ودلوقت بقت كوم لحم
من غير عضم شايفها جنب البت محشورة وبتبص
اكنها بتقول شورة مين نركب الاتوبيس
يا عم اتحرك امشى لحسن اولها ما يطمنش
والله قلبى مقبوض مش عارف ليه باين عليها
سفرية اوحش من اللى جينا فيها
يا رب استر ويطلع مفيش حاجة
واتحرك الاتوبيس اهو ابتدينا اول السكة
قلت اشيل الستارة علشان اتفرج على شوارع المحروسة
واودعها واقولها جيناكى واهينا راجعين
وانتى زى ما انتى زحمة بينا او من غيرنا
وكانت المصيبة شلت الستارة لقيت الشباك
فى كسر وفتحة صغيرة بتدخل هواء
وقلت امال ازاى مكيف والشباك مكسور
ندهت على الكمسرى يا اخينا الحق
الشباك اللى جنبى ده فى كسر وممكن يكمل
بقيته ويعورنا او يعور اى حد وازاى المكيف
هيشتغل والهواء مولع نار داخل من الشباك
ضحك الكمسرى واكنها مش غريبة عليه
اتكسر منينا امبارح احنا وجايين ياحج
وملحقناش نغيره ومتخافش مش هيكمل بقيته
وان كان على التكييف فهو عطلان ومش هيشتغل
رديت يا اخوى يا ريتك ما رديت
والتكييف كمان عطلان امال حسبينه على
التذكرة ليه وهو بيقطع التذكرة فى الموقف
يقولى ده مكيف يا حج ياجى يشوف
ده باين واخدين فلوس على الهواء بتاع ربنا
اللى بيدخل من الشباك ما هو برضه هواء
بصيت لام العيال كانت زى البطة
غرقانة فى الشوربة مسكت ورقة وبتهوى
الاتوبيس كتمة وزنقة ومفهوش مكان للحركة
يالا هى سفرية يعلم بيها ربنا فى القطر شوية
والزحمة كمان شوية والاتوبيس يعنى مخالف
ياخد كمان هو دوره بس ننتهى ونرجع
كنت خلاص ابتدت عينى تغفل والنوم فى
الحر ده يوصل لعنيا صحيت على زعيق
وخناق فى ايه تانى يا ترى استر يا رب
قال ايه واحد بلدينا بيقول السواق شغل الفيديو
وكان برضه عطلان زى التكييف فضل يزعق
ويزعق وفى الاخر استسلام ونام بعد ما صحانى
وخلى دماغى تجيب وتاخد ايه هو اللى شغال
فى الاتوبيس اللى احنا ركبنا فيه
وقبل ما افوق من اللى انا فيه لقيت الاتوبيس وقف
قلت فى عقل بالى كملت اهو كله وقف
لسه هتكلم لقيت الكمسرى بيقول راحة ربع ساعة
اللى عايز يشرب حاجة او ياكل او يدخل الحمام
نزلت العيال عايزين يدخلوا الحمام
كافتريا وسط الجبال الظاهر انى السواق والكمسرى
ليهم معاملة خاصة اكل نزل بسرعة وخدمة سوبر
واتضح انى الحاجة ام قرش بتباع هنا بعشرة قروش
قلت ادخل انا كمان الحمام والصراحة
دخلت بصيت وطلعت اجرى ومقدرش احكى بصراحة
وانا خارج بجرى بسرعة واحد واقف قال عايز 50 قرش
رسم دخول الحمام دفعتها وانا بقول فى سرى هو فين الحمام اصلا
القعدة طولت الربع ساعة عدت ولسه متحركش الاتوبيس
السواق والكمسرى بيشربوا الشاى بعد الاكل
بعد نص ساعة اتحركنا وكل الناس متضايقة
لكن هنعمل ايه
اتحركنا اخيرا وابتديت اشك انى احنا هنوصل
وانى السفرية دى هتخلص
قعدت صاحى وعينى على ام العيال نايمة
استسلمت للنوم هى ومعظم اللى راكبين الاتوبيس
وانا مش عارف طار النوم من عينى ليه
وبعد يجى ساعتين الاتوبيس وقف
قلت امال هنقضيها كافتريات الليلة دى ولا
ايه لكن اللى كنت خايف منه حصل
الاتوبيس عطل يا جماعة صوت السواق
بيزعق ويصحى الناس
نزلنا كلنا نشوف ايى اللى حصل
الاتوبيس عطل ودخان خارج منه
اكنى الاتوبيس بيعترض على اللى بيحصل فيه
قعدنا جنب الاتوبيس فى الجبل منتظرين الفرج
احنا بالليل فى وسط جبل لكن بارك الله فى السواق
طمنا قال انى الاتوبيس عطله جامد وانه مش هيتحرك من هنا
وانه اتصل بالشركة وهتبعد اتوبيس تانى ياخدنا
الله يطمنك يا شيخ طمنتنا انى احنا قاعدين الليلة
دى تحت النجوم الحلوة اللى فى السماء
والهواء الجميل الطلق ده المهم
وصل الاتوبيس التانى بسرعة جدا تانى يوم الضهر بس
بعد ليلة برد فى الجبل وشمس النهار الولعة
وركبنا الاتوبيس التانى والحالة اقول ايه
هى هى الشبابيك المكسورة والتكييف العطلان
والفيديو العطلان والوقوف على كافتريات بدون سبب
وصلنا فى نفس المعياد اللى
طلعنا فيه من مصر يوم كامل فى الاتوبيس
رحلة العجايب شفناها لكن المهم اننا رجعنا
ودندت وقولت
سالمة يا سلامة .....رحنا بالقطر ورجعنا بالاتوبيس
زرنا وشفنا العجب.....ولبيتنا كان الشوق
سالمة يا سلامة
غلباوى الغلبان







  رد مع اقتباس