بسم الله الرحمن الرحيم معانا برنامجنا النهارده ( إحراج فى إحراج ) 
هنستضيف عضو وهنحرجه بأسئلتنا .. هنعرف عضونا من اجاباته خجول .. جرئ .. شجاع .. ام مهزوم وبينا ووبينه الاسئله وف الاخر كل عضو هيقول رأيه ف اجابات العضو المستضاف ومعانا اول شخصيه شخصيه يبدو من مظهرها انها تتسم بالجرأه والعناد ولكن لنرى ما ستكشفه الاجابات ومعانــــــــــــــــــــــــــــا طارق المعروف بسلفر ^_^ *ايه الى عملته ف حياتك تخجل تقوله وانت واقف قدام ربنا ؟؟
أكيد أي منظر خارج تشوفه
* (لو لقيت بنوته جميله كده ف الشارع وزى القمر لا تعرفها ولا تعرفك وندهت عليك ووقفت وفجأه لقيتها بتبص لعيونك ومركزه اوى وفجأه فوقت من الصدمه على قلم على وشك ولقتها جريت قدامك وما لحقتهاش وده كله حصل قدام شله من اصحابك ) هيكون ايه شعورك او تصرفك ؟؟
اسمه و نصيب هنعمل ايه يعني
ممكن هجري وراها لحاد ما اجيبها تاني
عشان اردلها القلم قلمين (اصلها باقيت مسألة كرامه )
*انت انسان خجول ف تصرفاتك ؟؟ ام من ذوات الوجه الجامد (كما هو معروف عن ...........................)؟؟
مش فاهم يعني ايه من ذوات الوجه الجامد
بس عامة خجول
و الخجل حلو بس مش الخجل الزايد
الخجل بيخليك محترم مش مندفع زي العبيط كدا
و توزن تصرفاتك كويس
دا بدون خجل زايد لو خجل زايد بيقلب انعدام ثقة
*(تخيل لو واحد كده عضلات ف شارعكم وجامد اوى وجيم وحركات
ولقيته بيضرب ف واحد صاحبك وصاحبك خلاص خلصان وهيموت ف ايده )اختار من التالى
ـــ هتعمل نفسك مش واخد بالك
ـــ هتعمل شجيع السيما وتنضرب
ـــ هتضرب صاحبك كمان قلم عشان تاخده وتمشى ف امان الله
^_^
هضرب و هجري(هههههههههه)
مافيش خيار من دا ليه
عامة انت مش لازم تدخل تضرب
ما ممكن يكون صاحبك غلطان
انت بتخش تفك الخناقه الأول و صلوا عالنبي يا جماعه
و بتبقى تتكلم بالعقل معاهم و تشوف المشكلة
* بنت معاك ف السكشن طلبت منك الشنطه بتاعتك الى هى اسمها تقريبا شنطه اسنان قالتلك معلش اصل ورايا سكشن وكلمتين حنيه كده
؟؟ هل يا ترى هتضعف وتديها للغلبانه تقضى بيها السكشن ولا هتقولها اجرى العبى بعيد يا بت انتى
اه هضعف و هديهالها
بس لو من النوع الي بيستهبل و كل مره تعملها
مش هديها بعد كدا الا لو في مقابل
اصل أنا شخص مادي هههههههه
*( عصبيتك ) انت شايفها ممكن توديك لحد فين ................؟؟
لحاد الكوبري الحديد كدا
بس أنا في الحقيقة مش عصبي
بنفعل اه من مواقف جامد بس بهدا بسرعه
*(الكدب ملوش رجلين...............) احكى موقف كدبت فيه ؟؟
وكان ازاى نهايتك او عقابك ؟؟
مش في دماغي و الله موقف
أكيد في طبعا مافيش انسان بيعيش حياته بدون كذب
بس مش في دماغي حاجه تتحكي
(كده انت بتفلسع من السؤال )
ودى كانت اجابات طارق عباس
ياترى ايه رأى الاعضاء معانا فيه !!
خجول .. جرئ .. ام .......