السلام عليكم ورحمه الله وبركاته
::
::
ازيكم يا كماعه >> عاملين ايه ؟؟؟
سنه اولى نت !!!
الحلقه اللى فاتت عدت بسلام تام
وكان معانا البشمهندس محمد علاء الشهير ب عيلااااااااااااااء
وطبعا محدش عرفه خالص مالص
مع انه كان باين جداا وواضح زى الشمس
ما علينا المهم المره دى >> والله العضو سهل جدااا
كاشف نفسه يعنى على الاخر
النهاردة معانا عضو ومش هقول اكتر من كدة
كفايا اللى هتشوفوه >> كاتب مقال عشان يقولنا عن احتكاكه بالنت هع
ولما سألناه عن اول احتكاك له بالنت قال
اول احتكاكي مع النت كنت في الكلية وابن عمي مسافـر بعت ليا رسالة عليها ايميله
بيقولي هاكلمك يوم الجمعة ما تنساش علشان لو نسيت هازعل لاني بجد عايز اكلمك
اخدت ايميله ودخلت على النت كانت اول مرة ادخل فيها سيبر دخلت واخدت ايميل ابن عمي
واديته للراجل اللي واقف في المحل بقوله عايز افتح الايميل ده قالي هات الباس ورد
قولت لا هو بيقولي على الياهو عايز افتحه الراجل مصمم ع الباس ورد وانا مصمم انه يفتحه ليا
المهم انا كنت دفعت ساعة وقاعد قمت جاي فاتح صفحة النت ودخلت اشوف اي موقع علشان يفتح الايميل .
كنت شايفه بيدخل على موقع كده ويكتب اليوزر فيه ويقعد يكتب عليه وانا مفكر انه ده الميل
لما دخلت ادور على الموقع اللي هو فاتحه مش عارف
روحت للراجل ثاني ومصمم انه يا يفتح الميل يا يشوف ليا حل قالي هات كلمة السر علشان افتحهولك يا بني
اتصلت على ابن عمي بيرد عليا قولتله يا عم انت فين مش عارف افتح الميل قاعد قالي شوية حاجات ما فهمتش منه ولا كلمة
في الاخر قولتله اوك ها حاول وافتح واشوف
ما عرفتش قعدت اكتب شوية حاجات ع النت طلع ليا شوية اجابات وقعدت قريت شويه في الاخبار ما
كنتش اعرف مواقع بصراحه بس لما شوفت النت دخل دماغي
المهم بعدها باسبووع الدكتور في الكلية قالنا عايز بحث عن المادة الفلانية والعدد اللي معاها علشان
تشتغل المهم انتم تكتبوا على جوجل كذا وكذا وها تلاقوه
انا قولت بس هو جوجل ده اكيد عليه حاجات كتير
دخلت على الجهاز اكتب جوجل مفيش جوجل لما طلع عيني
كل اما ادور الاقي نتايج اتاري ابن الايه بتاع السايبر عامل محرك البحث على الياهو
وانا ادور على جوجل مفيش اتصلنا على جماعة زمايلنا عرفونا نكتب ايه فوق وملونا الرابط بتاع
المهم جينا بقى في الشغل
عايزين نطلع البحث علشان نكتبه مش عارفين العيال قالولنا نزله على الورد واحفظه عليه واعمله على
سي دي او اطبعه في السايبر
من هنا لهنا مش عارفين نعمل ايه
قولنا لصاحب السايبر بص ما تتعبش قلبك احنا مش عارفين ها تتعمل ازاي ولا ها نعمل ايه
اطبع لينا الورق ده وخلاص زي ما هو كده
وطبعه لينا ومشينا
من يومها
ما شوفت النت الا بعد سنة وشويه ولقيت عيال مساخيط عندهم 8 سنين وشغالين ع النت الله ينور
(اتكسفت ومشيت) قولت يا اااه احنا اتأخرنا كل ده على كده احنا جهلة بقى
اخدت دورة ويندوز ومشيت فيها وخلصتها بس اندمجت فيها وقعدت اشتغل عليها واللي يكلمني اتنصح
عليه واقوله ده كده وده كده لغاية اما جيت في يوم لقيت النسخه ضربت كلمت زميلي يعملها ليا وبعدها
بشهر ضربت قولتله يا عم انت مش كل مرة ها تروح وتيجي علمني تنزيل النسخه اول نسخة نزلتها نزلتها بباس ورد في تسطيب النسخه ما فتحتش معايا :cv40:قولت يوووووه هيا ناقصة نزلتها من جديد وبدأت بقى ادور على برامج هنا وهنا وجبت احسن البرامج ودلوقتي بقيت نوعيا عن زمان ..
وانا معاكم اهوه :vb17:
ههههههههههههههه
ها هو الرد
مطلوب منكم يا اعضاء انكم تخمنوا مين دة
واللى هيعرف هياخد بنبونايه منه
:france-flag:
منتظره تخميناتكم