[الراية]

مسعد أبو السعد......يقدس الحياه الزوجيه و يشارك فى الاثاث.....هادىء جدا ...
يمكن وضعه فى اى مكان بالمنزل
لا يحدث ضوضاء ولا يستهلك كثيرا من الكهربااء كما انه من النوع الموفر للطاقة
يتوافر منه جميع الأنواع والألوان والمقاسات ويوجد لدينا بفيونكة ومزركش
ويوجد بسوستة ويوجد من غير سوستة
البيع بسعر المصنع ..وبادر بالحجز والشراء قبل نفاذ الكمية






...............
الحلقـــة الأولى

فى طريقى ذاهبا إلى صديقى العتيد عماد مررت على كورنيش النيل وكعادته كان مليئا بالكابلز من كل مزز وصوب وفى كل ركن جلس شاب وفتاة يتهامسان وانا اطالعهم بشغف وانا لا افوت كابلز واحدا
احيانا بعضهم يكتفى بأن يتحدث أكثر وبعضهم يتمادى فيما هو أكثر
وبداخلى راح ذلك الشعور الخافت يتعااظم
وهو انا ليه معنديش حتة طرية فى حياااتى
يعنى هى جت عليا انااا ؟ اشمعنا دول
وطوال السكة استرخيت وعقلى ينطلق عنانه :
" باااابااا جه..بابا جهه......
انطلقت هذه الهتافات الثورجية من حناجر أبنائى العشر وهم يستقبلونى على الباب ويتزاحمون حولى وأنا أخرج علبة الشيكولاتة من جيبى واوزع محتوياتها علييييهم قائلا:
خدوااا يا حباايبى خدووو.....اومال ماما فييين ؟
خرجت من غرفة جانبية زوجتى الحبيبة التى تجمع ما بين جمال الاساطير الأفلاطونية وشطارة ابلة نظيرة فى الطبخ وتدين نساء الصحابة وذكاء أرشميدس
أسرعت نحو والابتساامة تملأا وجهها
- اسم الله علييك يا حبيبى ربنا يخلييك ليااااااا وميحرمنى من دخلتك عليييييا
يا مشخلعنى يا مدلعنى يا مظقططنى يا مبقططنى
فى ألاطة قلت : أيوة أيوة..كمان كمااان...كملى كملى
أخرجت من جيبها قصيدة عصماء 103 بيت نظمتها فى مدحى وجمالى ومحاسنى وانى ذو كفاءة محصلتش ولا هحصل وانى احــ......"
- انت يا استااذ الأجرة فييييييييييييييييين؟
افقت من احلامى البنفسجية على كوع التباع يخترق بطنى وصاحبه يسألنى عن الأجرة
فنقدته الربع جنيه مبتسما وأنا أعود إلى سابق تفكيراتى العاتفية الرقيقة
طب وليييييييييه لا
بعييدا عن ان كل واحد فى اركان المحروسة شايف نفسوو تانى احسن اختراعات القرن العشرين بعد الكهربااء
الا انى بنظرة بانورامية لحالى فكرت ولقيت انى
بشتغل شغلانة لا بأس بها
الشقة بتاعتى موجودة ولا بأس بها أينعم الوالدة هتفضل عايشة معانااا لكن مش مشكلة كبيرة يعنى الوالدة مش هتاخد حيز كبير من الفراااغ
وشكلى حلو لا بأس به
إن لم اكن أتمتع بوسامة تفوق وسامة توم كروز
بقى بعد كل هذه المميزات الرهيبة يبقى حرااام بقى متجوزش
واحرم بنااات مصر من عريس لقطة زيييى
انا خلاااص عقدت النية بس لازم اخد راى الوالدة بردوو فى الموضوع المصيرى دااا
فى حماس هتفت للسوااق : أنا راجع معااك تانى يا أسطىىى
فى حماس هتف السوااق : يبقى هتدفع ربع جنيه تاانى يا افندى