[نـــواف]

صباحكْ دفا وجمّل عطرك ريحة ثيابك صباح ابتساماتك ولمعة سكّر شفاتك كلّي يكتبك وصل و يحبّك في صفاتك ** ** يا دموعي الحيارى في غلاته أبكي وإن حاول يختفي نوحي أكثر وأبكي بس لا يطوّل في جفاه ومن حياتي ينتهي !! ** ** كيف ما كنت ( أقبلك ) , أعاهدك ما احزنك , ما اجرحك قلّي كيف اجرحك واجرحه قلبي !! أنتَ قلبي أنتَ كلّ كلّي ... بـ حلوك بـ بمرّك أبيك وإشارة وحدة منك أجيك وكلّي يجيك. ** ** فيكْ شوقي وحنيني , مدري ليه أفكرني مثلك اشبهك يمكن لأني فعلاً انتمي لكْ !! يمكن لأنك بلسم سنيني اللي مضت واللي حضرت ... ** ** أمنتك الله في صباحك الجديد وادعي الله لك من جديد حارسك ربي حبيبي وقلبي حارسك , وكلّنا داخلي نحرسك. في عتمة الليل الحالك مرّني طيفك الغالي واضوى ظلامي , كلّ الزوايا تشبهكْ مدري كلنا نشبهك عجزت اصوّرك !! وإلا أنت "صوّرك" لي يمكن بعدها اعرف كيف اكتبكْ !! ** ** ليلتي وكلّ الليالي تعشقك , حالفه ما تعدّي إلا وتذكرك , ما قلت لك حبيبي كلّنا نشبهك !! لا تسألني أنا وش فيني أنا ما فيني إلا الحبّ. كذا مدري !! مدري ليه قلبي يحملك !! ** ** ( أحبّك ) كثر ما تعجبت فيكْ واحترت , كثر ما سألت وحلمت, كثر هالكون , كثر صمتي ولوعتي , كثر ما وجعتهم رقتي وطيبتي , كثر حسّادك , كثر ما هزّهم فيني اخلاصك ودلالك , كثر ما تهجيت حرف اسمك وتخيلتك ملاك , كثر الورد والزهر كثر البشر كثرهم كلّهم في فضاك. سوالف كلّ هالدنيا سوالف , ضاعت كلّ السوالف لحظة سمعتك !! دايم وطاريك على بالي ما غاب , يمرني يذكرني فيك , يحبّ يتطمن عليك بداخلي , يفكر إنه بذكراك يعذّبني وهو أكثر من الجرح يقتلني. ** ** احترت فيني ما عادني على خبري من بعدك !! يمكن لأني صورتني حياة بألوان رسمتها على خدّك !! , رحلت وماتت كلّ ألواني واسودّت الدنيا بصدّك. أنتْ مثل حلمٍ بداخلي خالد , عيّا يموت حلمي ورفضت من داخلي احرقكْ , فال الله ولا فالي كيف أنا حبيبك احرقكْ !! ** ** ما تخيلت وقتي يمر دون ما تشاركه دقّات الثواني , ويا هي طويلة غيبتك. انتظرتك كلّ الزمن , و كلّ عمري في الحبّ يعزفكْ , لو حسّبته عمري في غلاك تتعب ما تحسبكْ. أنتَ صعب أحد يحسبك, وإن بغيت تعرف وفضولك ازعجك خذ دمّي من أقصى الحنايا , اجمعه كلّه بعدها ( نقّطه ) في يدي نقطة نقطة وفي كلّ نقطة تخيلني اصرخ بحبك وإنك الوحيد اموت لأجلكْ , وإن انتهيت اذكر كم نقطة من دمّي تعشقك. وهذا أنا اللي عجزت أفهّمكْ ما اصعبكْ !! وسلامه احساسكم