[SiLver Spectra]

طيب ما كنت تكمل بحثك و تعرف ايه هي الRSS
شوف يا سيدي
دا نظام نقل آلي..بيستخدم بكثرة في نقل الأخبار من مواقع الأخبار المشهورة
في البعض بيركب الخاصية في اقسام لمنتديات أخرى
و بيتم نقل كل الموضوعات بشكل آلي حسب المهام المجدولة لقاعدة بيانات الموقع
و الهدف هو أرشفة المواضيع في جوجل و كسب كلمات بحث بدون اي تعب
تقدر تعملك مليون موضوع في اليوم و كلها بشكل آلي تنقل من مواقع و منتديات أخرى
بس طبعا بتضعف النشاط الحقيقي لأعضاء المنتدى
يعني صاحب المنتدى زي ما تقول بايعها و مش عايز اعضاء عايز زوار بس عشان ترتيب موقعه

و الخاصية دي هيثم أحيانا بيفعلها عندنا في اقسام معينة زي كاس العالم




و دا هدف هاك الحقوق
بتشوف انت في آخر الموضوع كاتب الموضوع فلان المصدر منتديات بنات مصر
الهدف منها هو حفظ الحقوق من النقل الآلي
الهاك تم تفعيله بعد تعطيل بسبب هاك حجب الروابط من الزوار كان بيحجب المصدر و كاتب الموضوع لأنها كانت لينكات

ممكن تمنع خاصية الRSS من موقعك و بالتالي تمنع أي موقع ياخد منك أي مواضيع بشكل آلي
بس دا هيأثر عليك سلبيا لأن عناكب جوجل و غيرها من مواقع السيرش بتارشف المواضيع تقريبا بنفس الخاصية إلي هي الRSS
و بالتالي هتخسر أرشفة موضوعاتك في محركات البحث