مــــــــــــــــــــــــــســــــــــــــــــــــ ا الــــــــــــــــــــــخــــــــــــــــيــــــــ ــر عـــــــــــــــلــــــــــــيـــــــــــــكــــــ ـــــم
ازيكم يا احلي اعضاء في العالم انا النهارده والله يوم بالنسبه ليه صعب جداا قضيته في اني اموت الفار
ندخل في القصه عالطووال علشان معطلكمش
بس علي فكره القصه دي والله قصه حقيقه وحصله معايه النهارده
النهارده صحيت الصبح زي عوايدي انا واصحابي رن المنبه الساعه 6 ونص الصبح انا متعود قبل ما حتي اغسل وشي
افنح الكمبيوتر وافتح علي المنتدي واشوف اخر الاخبار النهارده فتحت الكمبيوتر لقيت الانترنت فاصل مدفعناش الشهر
الانترنت روحت قفلت الكمبيوتر وغسلت وشي ولبست وجهزت الفطار وبقي كله تمام مش ناقص غير انا واصحابي ننزل
الشغل فتحنا الباب ويدوب فتحنا الباب كده ولقيت فار مستني بره الباب والله راح المعلم جري لجوه عالطووال علي غرفتي
انا وانا جني وجن الفار اخاف من الفئران مووت اه والله مكرهش في الدنيا كلها غير الفيران طبعا قوالت لااصحابي تعالي
نموته دلووقتي قالو لالالا ده يدووب ننزل نلحق الشغل ابقي نموته لما نرجع من الشغل الظهر طبعا روحنا الشغل وبعد
مرجعنا من الشغل دخلت انا علي المطبخ علشان كان عليا الطبيخ النهارده طبخت وقعدنا نتغداء قوالت لااصحابي ايه رايكم
يا خالد انتا وسيد داخدووو 100 درهم وتموتو الفار انتو قالوالي لالالا لانعيش احنا الكل يا نموت احنا الكل
علي اساس الفار هيقطعنا هما عرفني بخاف من الفيران موت اه والله طبعا خلصنا اكل وغسلنا الاطباق وجهزنا المعدات
البحث علي الفار دخلنا غرفتي وقلبنا الغرفه كلها ملقناش الفار اصحابي قالوالي اكيد الفار خرج يا ابني متخفشي انا طبعا
اطمنت وبعدين كل واحد دخل ينام في اوضه ساعتين الظهر قبل ما نروح الشغل تاني طبعا كلهم ناموو
وانا دخلات نمت ونسيت الفار خالص والله وفجئه اصحي الساعه 3 ونص العص وحسيت بحاجه بتاكل في شعر
اه والله مش بكذب وافتح عنيا والاقي الفار فوق راسي والله زي ما بكلمك والله العظيم زي ما اكون شفت عفريت قومت فطيط
من علي السرير وكانت هتجيلي ساكته قلبيه اه والله طبعا اصحابي قامو من النوم وجو عندي قالو في ايه يا ابني قوالتلهم
الفار كان بياكل في شعري طبعا قعدنا ندور علي الفار تاني برضوه مقدرناش نموته ومازال الفار في الغرفه
طبعا اصحابي قالوالي انتا مش هينفعك غير اني تجيب الواد طارق ابن جيرانا اللي سكنين تحت مننا بالقطط بتوعه
اصلا طارق ده واد صغير عنده 11 سنه وعنده 4 قطط بتوعه صغيرين وانا كل صبح اشوفه بيلعب بالقطط علي السلالم
الصبح اروح اضربه قلمين اقواله يا مقرف بطل قرف وروح مدرستك وفي الظهر انا وراجع من الشغل برضوه القيه بيلعب
بيهم علي السلالم واروح اضربه كمان قلمين الواد طارق ده كرهني مووت بقي كل ما يشوفني طالع او نازل علي السلالم
يسيب القطط ويجري يدخل بيتهم الواد كرهني كره الموت طبعا قوالت لااصحابي يا جماعه ده طارق بيكرهني من كتر الاقلام
اللي بياخدها مني كل صبح وكل ظهر
ههههههههههههههههههه اصلا مسميه طارق قطط
قالوالي مفيش قدامك غير حل واحد انك تجيب طارق بقططه وتخليه يلعب بيهم في غرفتك وهما هيشمو ريحه الفار ويموتوه
انتظروني بكرا الجزء التاني وهوه الجزء الاخير
وبكرا هنشوف طارق قطط هينجح في موت الفار والا لا
بس علي فكره الفار مش هيموت علي ايدين طارق قطط
يارب القصه تعجبكم
انتظروني بكرا في الجزء التاني
منورين يا قططط
ههههههههههههههه