[SiLver Spectra]

دا موضوعي في قسم المشرفين بتاريخ يوم 28/11/2010

اقتباس السلام عليكم و رحمة الله كل عام و انتم جميعا بخير إن شاء الله بدون مقدمات طويلة الموضوع بخصوص تلوين المواضيع لو سألتم ليه التلوين مش متاح للأعضاء ؟ ليه التلوين متاح للمشرفين فقط؟ لو قدرت تفكر في السؤال عمرك ما هتفرط في استخدام التلوين لاحظت إن في أكثر من مشرف افرطوا في استخدام خاصية التلوين بمعنى إنه اي موضوع ينزله في النقاش أو في الأقلام أو أي موضوع كان على طول يقوم ملونه!! طيب انت كدا بتخلي المنتدى مبني على التمييز العنصري!! بمعنى إن المشرف بيلون و العضو لأ طب اشمعنا موضوعك يتلون و موضوع العضو ما يتلونش لو خليت العضو كمان يلون يبقى المنتدى هيبقى كوسه و الالوان كلها ضاربه فيه إلي يستاهل و الي مايستاهلش كلوا متلون!! يبقى احنا لازم نفهم خاصية تلوين الموضوع ايه غرضها عشان ما نفرطش في استخدامها خاصية التلوين اتعملت في الأساس لجذب انتباه الزائر لموضوع هام في الغالب بيكون قوانين يعني انت عملت قوانين أو اضفت ملاحظه هامه للقسم فتستخدم لون للموضوع ممكن موضوع استضافة هام تلونه مافيش مشاكل لفترة محدودة لكن الافراط في التلوين بيفقد اللون أهميته يعني لما تخش و تلاقي كل المثبت ملون يبقى ايه لزمته اللون!! انت المفروض بتلون تنبيه هام للقسم قوانين القسم موضوع جديد فيه استضافات مثلا ممكن يتلون لفترة محدودة بحيث يكون ملفت للنظر و بعدين تشيل اللون بعد فتره و تلون غيره..و هكذا الحرص دايما على تلوين المميز فقط لكن مش تلوين الكل عشان ما تفقدش ميزة التلوين عندك في القسم ياريت يكون معنى الموضوع واضح أنا بصراحة لما ركبته من جديد كنت مفكركم هتفهموا الغرض منه و قولت مافيش داعي أكتب الموضوع ..بس لما لاقيت الظاهرة بتتكرر مع كذا مشرف اضطريت أنزل الموضوع للتنبيه كان ممكن ألغي الخاصية من المشرفين و أخليها فقط للمراقبين لكن الخاصية متاحه للمشرف لإكمال صلاحياته على قسمه تم تقليل الألوان إلى 4 ألوان فقط (أزرق بثلاث درجات و برتقالي)الأحمر شيلته لأن كلمة مثبت بتكون حمرا اصلا الهاك تمت ازالته و وضعه من جديد لإلغاء كل التلوينات السابقة كنت عامل حسابي للموضوع دا و حصلت مشاكل مع الهاك و علق و ما اشتغلش و النهارده اشتغل و على طول لاقيت العناوين اتلونت من تاني و إن شاء الله تكون آخر مره نشيل فيه الهاك و التلوين يكون شامل فقط ماهو مميز و بدون افراط و دا مثال لقسم الأعضاء المميزين http://forums.msryat.org/forumdisplay.php?f=67 مافيش غير موضوع واحد فقط ملون بيدي للموضوع أهميته عن طريق اللون اي استفسار أنا جاهز احترامي للجميع

هي المشكلة ان في ناس بتعمل موضوع و بيغريها اللون
فعلى طول يكتب موضوع مثلا في الاقلام يقوم ملون
و كمان بيشوف غيره بيلون فيقولك ألون أنا كمان

الخاصية في الأصل أنا شايفها حلوة
لكن الافراط فيها هو المشكلة .. و طبعا ما اقدرش أخليها للكل لأن القسم شكله هيتبهدل

فمش عارف هل مثلا الحل اننا نشيل الهاك!!
لأن التنبيه أنا كتبته و قبله كنت بعت لمشرفين كانت بتلون و نبهتهم
بس واضح انه ماجاش بفايدة