[♥..pure]

اقتباس ونقوم رايحين هناك ونعقد نهتف بقه مثلا .. يسقط جيمس نظيف .. يسقط عطوة مبارك .. يسقط يسقط يسقط لحد مايجي حد يرد علينا

اقتباس ومش هنقول يا شباب نهتف يسقط المشرفين .. يسقط المشرف فلان ولا حاجة .. هتكون مواحهه لمن اضر من الاعضاء

شوف الكلام !! قمه التناقض .~
منين بتقول مش هنقول يسقط المشرف وفوق بتقول هنقعد نهتف بقا ونقول يسقط فلان وعلان !!!
رتب افكاركـ ..

اقتباس اوعي تقول هناك قسم الشكاوي لا قسم الشكاوي هو بتاع المنتدي الشكوي ممكن يرد عليها او لا يرد او تاخذ وقت

ممكن حضرتكـ تجيب موضوع محدش من الادارهـ رد عليه ؟!
أولا : مش من صلاحيات الاعضاء انهم يشوفوا الشكاوي لانها خاصه
يعني انت مشوفتش ,, ليه بتقول كلام بدون اثبات !!
ولو حد قالكـ ان فيه موضوع عمله والاداره مردتش عليه ,,
هنقول ماشي ونيجي نشوف نلاقي ديسبيرادو او حنون او ميشو همااللي ردوا
كدا الاداره مردتش >> اصل الادارهـ طارق !!
ملحوظه : كل اللي بيشوف الشكاوي له الحق انه يرد عليها ومافيش موضوع فى الشكاوي متردش عليه
وفيه احصائيات بتؤكد ذلكـ ,,

اقتباس ولكن هيكون ميدان نتكلم فيه نقول الرأي بكل وضوح بدون حراسه من المشرفين ولا حذف ولا اغلاق والي من يريد ياتي يكتب ويرد ويكلم مع المضر من الاعضاء

حراسه من المشرفين ايه اللي بتتكلم عليها ؟!
المشرف مش اى شخص دخل وسجل بالمنتدي وزاد مشاركاته وتفاعله يبقي اترقي من مميز ويبقى مشرف
لو تلاحظ ان فيه ناس كتير عدت ال 5000 مشاركه ولسه متميزتش
واللي اتميز لسه ماخدتش الاشراف >>
فيه حاجة اسمها البحث عن الكفاءات,,
الاداره لما بتعين حد اياً كان >> بتكون على درايه بيه من اول ما سجل لحد وقت ما بترشحه للمنصب ,,
كون ان حد من الاعضاء شايف ان الشخص دا مش مناسب وفيه الانسب والاولى
فدا بيرجع للادارهـ ,, انت كــ عضو عادي ممكن تشوف المنتدى من براه
يعني فيه حاجات كتير اوى الاداره لها نظريتها فيها ,,
انا كــ مشرف مش من حقي اني اقول على الادارهـ لازم تعمل ولازم تعين !!
اكيد هي عارفه اكتر مني ,, كل دا عشان تطلع مشرف فعلا يليق بالمسئوليه ,,
عشان تبقى واثقه من امانته على الحاجة اللي ماسكها ,,
يعني الحراسه اللي اتكلمت عليها مش بتيجي من الهوا !!!

اقتباس ثورة بنات مصر في عيد مقاومة المشرفين للمشاغبين .. هما هيحتفلو واحنا هنكد عليهم كلهم

انت اللي قولت اهوهـ >> مشاغبين يعني انت عارف ان المشرفين بيقاموا مشاغب
مشاغب جايه من الشغب يعني الفوضي !!!
أظن واضحه ومش محتاجه تفسير او تعليق ,,
الاعضاء لما يعملوا فوضى اكيد المشرفين هيقاموا ,,, شئ طبيعي جدااا

اقتباس هجوم بشتى انواع الإنذارات والإيقافات على اعضاء بنات مصر مما اسفر عن طفشنا عدد من اعضاء الثورة .. وايقاف العديد منهم وحذف موضوعات وانتساب موضوعات الاعضاء الي المشرفين وكرد فعل اولي قام المتظاهرون بعمل مواضيع كثيره للغاية في في قسم -----الشكاوي .. وما يزالون معتصمون بقسم التحرير

انت علقت على كام حاجة نمسكهم واحده واحدهـ ,,
1. الانذارات والايقافات :
الانذار لا يأتي من فراغ ,, بمعنى ان العضو مش هيبقى اعد فى امانه الله وينزل عليه الانذار !
اكيد فيه حاجة استدعت الانذار دا وفيه خيارات للانذار من ضمنهم شتم الاعضاء ,,
واللي حضرتكـ طبقته فى البرنامج اللي ادى انكـ تعمل التوبيكـ دا ,
اسلوب استفزاازي - اهانه بعض الاعضاء فى الموضوع - طردهم من الموضوع !
يعني بالبلدي كدا عشان نفهم !!
انت بتطالب بالديمقراطيه والحريه والتعبير عن الرأي ,.~ تمام !
اقرب تشبيه الي فكري دلوقتي انكـ عملت زى الشرطه في مصر ,,
لما بتقبض على متهم .. بتمسكه تديله العلقه المتينه ... كام قضيه كدا وتلبسهاله
+ اهانه وتهزيق مع العلقه - تبريق نفسها الي ابعد الحدود ,,
وهو اصلا برئ ,,
ويقولك انا بطالب بالديمقراطيه وحريه الرأي !!

في حين انكـ تشوف المتهم برا مصر ... معزز مكرم
بيقولوله انت برئ حتى تثبت ادانتكـ ,, محدش بيلمسه ولا بيمد ايديه عليه ,,
وبيجبوله المحامي كمان عشان يدافع عنه !!

شوفت الفرق يا استاذ جلال ,,
انت عملت بقا زي الشرطه في مصر ,,
جبت الاتهامات من وحي خيالكـ .. وكمان مبتستناش ان الضيف يجاوب
دا انت زي ما يكون بتقوله انا هعجزكـ ومش هتعرف تجاوب
.~
وكل دا ومش عاوز تاخد مخالفه ؟!!

2. انتساب موضوعات الاعضاء الى المشرفين ,,
اولا : أنا منسبتش الموضوع ليا >>
ممكن تروح الموضوع تاني هتلاقيني كاتبه
طبعا الموضوع دا مش بتاعي وهو بتاع شاعر واسير الحب ,,
يعني اتهامك اصلا باطل !!
هنعتبرهـ صح يا سيدي ونقول كمان ,,
انا بعتلك امبارح كرد على رسالتلك وقولتلك انا مستعده اوريك اسلوب الحوار المفروض يكون اازاى
واني اعمل اعاده للحلقه بس باسلوبي انا ...
وحضرتكـ وافقت ومكنشي فيه مشكله ,,
يعني انا عملت الواجب واستأذنت >> شوفت معامله المشرفين اللي بتتكلم عليهم !!
مع العلم : اني ممكن اجيب الرسايل كلها هنا ونشوف مع بعض اسلوب الحوار ,,
معنديش اى مشكله ,,

اقتباس وعمر ما قام مشرف باستخدامالايقاف والحذف الانذارات ولا الايقافات ولا اى عقوبه فى الدنيا الناس الى انتو ماشين وراهم دول والاعضاء الي موجودين هنا في قسم التحرير واخدين تدريبات فى منتديات معاديه عشان يبوظو منتدانا الحبيب لكن احنا بنحزرهم لن تنفع مكائدكم فى زعزعه امننا واستقرارنا

هقولكـ على حاجة !
إذا وجد الخطأ ... وجد العقاب .~
يعني مش هشوف واحد بيغلط واطبطب عليه ,,
اكيد كل واحد لازم يتحاسب ... ولو كان الانذارات والايقافات مكنتش زمان
يبقى اكيد عشان كل واحد عارف واجباته كويس وبينفذها على اكمل وجه .~
أنا بقا هنزل معاكو التحرير ,, بس عشان اوجه العقول صح ,,
مش اى حد يقول اى كلام وخلاص ,,
لازم يكون عندنا مبدأ نمشي عليه وقبل كدا يكون المبدأ دا صح
عشان فعلا يكون ليه اساس متين واقف عليه
!!!