| 
 اقتباس  المشاركة الأصلية كتبت بواسطة dr.pharma 
شوف الكلام !! قمه التناقض .~
منين بتقول مش هنقول يسقط المشرف وفوق بتقول هنقعد نهتف بقا ونقول يسقط فلان وعلان !!!
رتب افكاركـ ..
ممكن حضرتكـ تجيب موضوع محدش من الادارهـ رد عليه ؟!
أولا : مش من صلاحيات الاعضاء انهم يشوفوا الشكاوي لانها خاصه
يعني انت مشوفتش ,, ليه بتقول كلام بدون اثبات !!
ولو حد قالكـ ان فيه موضوع عمله والاداره مردتش عليه ,,
هنقول ماشي ونيجي نشوف نلاقي ديسبيرادو او حنون او ميشو همااللي ردوا
كدا الاداره مردتش >> اصل الادارهـ طارق !!
ملحوظه : كل اللي بيشوف الشكاوي له الحق انه يرد عليها ومافيش موضوع فى الشكاوي متردش عليه
وفيه احصائيات بتؤكد ذلكـ ,,
حراسه من المشرفين ايه اللي بتتكلم عليها ؟!
المشرف مش اى شخص دخل وسجل بالمنتدي وزاد مشاركاته وتفاعله يبقي اترقي من مميز ويبقى مشرف
لو تلاحظ ان فيه ناس كتير عدت ال 5000 مشاركه ولسه متميزتش
واللي اتميز لسه ماخدتش الاشراف >>
فيه حاجة اسمها البحث عن الكفاءات,,
الاداره لما بتعين حد اياً كان >> بتكون على درايه بيه من اول ما سجل لحد وقت ما بترشحه للمنصب ,,
كون ان حد من الاعضاء شايف ان الشخص دا مش مناسب وفيه الانسب والاولى
فدا بيرجع للادارهـ ,, انت كــ عضو عادي ممكن تشوف المنتدى من براه
يعني فيه حاجات كتير اوى الاداره لها نظريتها فيها ,,
انا كــ مشرف مش من حقي اني اقول على الادارهـ لازم تعمل ولازم تعين !!
اكيد هي عارفه اكتر مني ,, كل دا عشان تطلع مشرف فعلا يليق بالمسئوليه ,,
عشان تبقى واثقه من امانته على الحاجة اللي ماسكها ,,
يعني الحراسه اللي اتكلمت عليها مش بتيجي من الهوا !!!
انت اللي قولت اهوهـ >> مشاغبين يعني انت عارف ان المشرفين بيقاموا مشاغب
مشاغب جايه من الشغب يعني الفوضي !!!
أظن واضحه ومش محتاجه تفسير او تعليق ,,
الاعضاء لما يعملوا فوضى اكيد المشرفين هيقاموا ,,, شئ طبيعي جدااا
انت علقت على كام حاجة نمسكهم واحده واحدهـ ,, 1. الانذارات والايقافات :
الانذار لا يأتي من فراغ ,, بمعنى ان العضو مش هيبقى اعد فى امانه الله وينزل عليه الانذار !
اكيد فيه حاجة استدعت الانذار دا وفيه خيارات للانذار من ضمنهم شتم الاعضاء ,,
واللي حضرتكـ طبقته فى البرنامج اللي ادى انكـ تعمل التوبيكـ دا ,
اسلوب استفزاازي - اهانه بعض الاعضاء فى الموضوع - طردهم من الموضوع !
يعني بالبلدي كدا عشان نفهم !!
انت بتطالب بالديمقراطيه والحريه والتعبير عن الرأي ,.~ تمام !
اقرب تشبيه الي فكري دلوقتي انكـ عملت زى الشرطه في مصر ,,
لما بتقبض على متهم .. بتمسكه تديله العلقه المتينه ... كام قضيه كدا وتلبسهاله
+ اهانه وتهزيق مع العلقه - تبريق نفسها الي ابعد الحدود ,,
وهو اصلا برئ ,,
ويقولك انا بطالب بالديمقراطيه وحريه الرأي !! في حين انكـ تشوف المتهم برا مصر ... معزز مكرم
بيقولوله انت برئ حتى تثبت ادانتكـ ,, محدش بيلمسه ولا بيمد ايديه عليه ,,
وبيجبوله المحامي كمان عشان يدافع عنه !! شوفت الفرق يا استاذ جلال ,,
انت عملت بقا زي الشرطه في مصر ,,
جبت الاتهامات من وحي خيالكـ .. وكمان مبتستناش ان الضيف يجاوب
دا انت زي ما يكون بتقوله انا هعجزكـ ومش هتعرف تجاوب
.~
وكل دا ومش عاوز تاخد مخالفه ؟!! 2. انتساب موضوعات الاعضاء الى المشرفين ,,
اولا : أنا منسبتش الموضوع ليا >>
ممكن تروح الموضوع تاني هتلاقيني كاتبه
طبعا الموضوع دا مش بتاعي وهو بتاع شاعر واسير الحب ,,
يعني اتهامك اصلا باطل !!
هنعتبرهـ صح يا سيدي ونقول كمان ,,
انا بعتلك امبارح كرد على رسالتلك وقولتلك انا مستعده اوريك اسلوب الحوار المفروض يكون اازاى
واني اعمل اعاده للحلقه بس باسلوبي انا ...
وحضرتكـ وافقت ومكنشي فيه مشكله ,,
يعني انا عملت الواجب واستأذنت >> شوفت معامله المشرفين اللي بتتكلم عليهم !!
مع العلم : اني ممكن اجيب الرسايل كلها هنا ونشوف مع بعض اسلوب الحوار ,,
معنديش اى مشكله ,,
هقولكـ على حاجة !
إذا وجد الخطأ ... وجد العقاب .~
يعني مش هشوف واحد بيغلط واطبطب عليه ,,
اكيد كل واحد لازم يتحاسب ... ولو كان الانذارات والايقافات مكنتش زمان
يبقى اكيد عشان كل واحد عارف واجباته كويس وبينفذها على اكمل وجه .~
أنا بقا هنزل معاكو التحرير ,, بس عشان اوجه العقول صح ,,
مش اى حد يقول اى كلام وخلاص ,,
لازم يكون عندنا مبدأ نمشي عليه وقبل كدا يكون المبدأ دا صح
عشان فعلا يكون ليه اساس متين واقف عليه
  اشكرك علي المرور
بس اقول حاجه الموضوع بنقول نعمل قسم وبعد اذن الادارة ويكون فيه كذا وكذا زي ماشهدنا ومارائناة
انا هنا لم اتكلم عن اي موضوع ولا اتهمت احد ولكن موضوعي انا بقول ان انشاء قسم
يكون فيه كلمه
يعني لا نكتب في المنتدي اسئلتنا هنوجها لمين الا لغير المشرفين والادارة هل تتصوري هنخاطب الحكومه ولا اجنا في منتدي كل بيعبر عن رايه
اما الموضوع انا لحداوقت اشاهد اللي بيحصل
صح قلت نعيد الموضوع بس ماتصورتش ان الموضوع يكون انت اللي مقدماه وقلت لك شوفي ردود الاعضاء ايه ومش علق علي حاجة
انا لم اتهم احد ولكن كانت مجرد اسئله والضيف يقول ماهو صح يبرأ نفسه
الرد علي الموضوع مش في مكانه اصلا
موضوعنا هنا اقتراح
بعدين هو لو اتعمل قسم التحرير هيزعل حد -- احنا بنقول ونوصف ماحدث في ميدان التحرير
ايه دخل الموضوع الاخر هنا
تناقض ايه وباطل ايه الحاجات دي كانت موجودة فعلا في ميدان التحرير بنوصف الي موجود يعتي قسم يتكلم فيه كل الاعضاء
انتم ليه بتاخذوا الامور كدا وتصعدوها وتكبرها
خلاص بلاش نفكر بلاش نكتب موضوعات بلاش نرد عشان الناس بتزعل مننا ومش هنطالب لا بالحريه ولا الديمقرطيه
سنقف مهللين رافعين القبعه لكل الناس صامتين لا نتكلم نرد مادحين والا سيكون هناك عقاب
علي فكرة ا/ طارق رد في موضوع حنون بكل ثقه علي السؤال الادارة ولا اتنرفز ولا غضب ولا لوح بالانذرات وولكن كان رده مفيد وجاء من الادارة ارجعي لرد ا/ طارق وردي عليه كان ايه وعرفنا منه ازاي الاختيار
اشكرك علي كل ماجاء في ردك من اتهامات
|