[Dr.nour]

السلام عليكم ورحمه الله وبركــآته .. ضيفى وضيفكـــم النهـــآرده شخصيه محترمه ,, عـــآقله ,, تتســم بالآتـــزآن والرزيـــنه ,, هنقدمـــله النهآرده اســــــئله تخص ".... شخصه ... المنتدى ... قضيه عآمه " "جدآل عــآم " هنقدمله مجموعه من الاسئله البسيــطه والجريئه ذآت الطآبع الهآدى ^^ بحيث نصل الى قلب كل قـــآري ... تعـــآلو معآيا نبدآ مع ضيفنـــآ بشمهندس " محمد علآء " مشرف قسم الموبيل ,, بدآيــــه آنآ سمعت عن حضرتك كــــل خيــر ... 1) بس يـــآريت تعرفنـــآ بمحمد علآء !! محمد علاء هو شخص عادى زى اى شخص .. اتولدت وسط فرحة عارمة من عيلتى لانى كنت اول حفيد كنت بلاقى اهتمام كبير ومعاملة خاصة فـ مرحلة طفولتى .. حتى من اشخاص معرفهومش زى المدرسين ف المدرسة مثلا كنت دايما بحس وانا صغير انى اقدر اعمل اى حاجة ... جدى ( الله يرحمة ) كان دايما بيعاملنى على انى شخص كبير ودة أثر بشكل ايجابى على شخصيتى بشوف ان مرحلة طفولتى هى افضل مراحل حياتى ... لما دخلت الاعدادى بدأت افكر فى المظاهر وحسيت انها اهم حاجة عند اى شخص ... بعدها بدات افكر فى المستقبل شوية... لكن مكنتش بخاف منة 2) كـــل وآحد فينـــآ وصل لمرحله الدرآسه بالجآمعه بيكون دخل كليته يآ آمآ بمزآجه يآآمى غصب عنه ... آنت آى وضعك منهم ؟! وآى طموحــــآتك لتحقيق ذآتك ؟؟ انا دخلت كليتى بمزاجى طبعا ودة كان اول حلم ليا... طموحاتى بتكمن فى كلمة واحدة هى النجاح ومنة اقدر احقق ذاتى بالنسبة لتحقيق ذاتى...انا بحاول حاليا استفاد من الدراسة بأكبر قد ممكن لان هى دى الاساس ...بفكر فـ الماجيستير بعد الكلية يعنى بحاول اوفر كل السبل اللى تخلينى شخص ناجح فى حياتى العملية بعد كدة 3)ببآك ومآمتك خرجوا فى آ مشوآر والبيت بقى " فآضى " آى الى ممكن تعمله وقتهــآ بعيــدآ عن ضغوط الاآهل !! والله مفيش اى ضغوط وهما موجودين بس ممكن اعلى صوت الاغانى جامد 4) " الشـــآئعآت " النآس معدتشى حد فيهم بيحط لسآنه جوآ بوقه ويسكت آبدآ .. الكل عمـــىل يجيـــب فى سيـــره فلآن وعلآن يآترى محمد علآء طلع عليه شـــآئعآت قبل كده !! ويا ترى ليه ؟؟ اول سنة ف الكلية طلع عليا اشاعة انى مسيحى هو اكنى حلو يعنى خلاص هههههههههههه كان انتيمى مسيحى اسمة يوسف وهو لغاية دلوقتى من اعز اصدقائى كنا دايما مع بعض والناس طبعا بدأت تألف وتفتى طبعا الناس بدأت تفتى لما شافتنى معاة علطول دة كمان قالو ان اسمى مينا بس اكيد عرفوا بعدها يعنى وانا بالمناسبة معرفتش الكلام دة غير بعدها بسنة 5) "المبــآدى " فى نــــآس فى دونيتهآ بتسيبهآ للمولى وبتمشى كده فى الحيـــآه بدون مبآدى ومع كده ,, هتلآقى فى نـــآس العكس خــآلص .. انت مين فيهم يا محمد !! ويــآترى لو انت رقم 2 من النآس ,, آى هى مبآدئك ؟؟ انا اكيد عندى مبادئ الشخص اللى معندوش مبادئ هو شخص مضلل وهيبقى تاية دايما فـ حياتة يعنى اية مبادئ يعنى ثوابت دايما بنحطها فـ اعتبارنا لازم نلتزم بيها مهما كان الموقف ودى مدى قوتها بيبقى بناء على التربية والنشأة وبعديها مدى ثقافة الشخص ووعية والتزامة بتعاليم الدين المبادئ كتير جدا اهم مبدأ عندى هو ان الغاية لا تبرر الوسيلة لانة دايما بنقابل النقطة دى فـ معظم مواقف حياتنا 6) " الديكتآتوريه " شئ يلزم فى بعض الآمور الدنيويــه ,, وكآن فى موضوع آدآرى خآص بد /طارق قبل كده بعنوان (كيف تصبح ديكتآتورآ !! ) آنت يـــآ محمد .. آمته اتصفت بالديكتآتوريه !! ومش تقول لاء ..لآن فى حيـــآتنآ لازم يكون جزء منهآ كده عشآن نعرف نآخد قرآآت .... الديكتاتورية جزء من شخصية كل واحد فينا بس اللى بيفرق بين واحد والتانى هى النسبة انا بشوف ان نسبة الديكتاتورية فـ شخصيتى مش كبيرة ودة يمكن لان الظروف مدخلتنيش فـ اختبار حقيقى انا دايما افكارى وارائى مرنة يعنى قابلة للتغير ... بحب اسمع وجهات النظر وبستفاد منها كتير مبحبش افرض رأيى على حد يمكن الديكتاتورية مش ظاهرة فـ شخصيتى لان ظروفها مكنتش موجودة ف حياتى لغاية دلوقتى اصل الديكتاتورية دى ليها ظروف لازم تتواجد الاول وبعدها تبدأ تظهر انا بختلف معاكى الديكتاتورية ملهاش علاقة بالقرار القرار بيبقى بناء على ثقة مش ديكتاتورية ــــــــــــــــــــــــــــــــــــــــــــــــــ ــــــــــــــــــــــــ " اسئله خآصه بقضيه الشباب والفكر المعاصر" ......محمد طآلب فى كليـــه الهندسه .. جآمعه المنوفيه تقريبآ ,, بيختلط بينــآس كتيــر .. والنــآس بتختلط بيه ,, وآكيد عآرف صحآبه بيفكروآ آزآى .. جـــآوبنى يا محمد ,, س/ " تفـــآهه الفكر المعآصر " عنـــوآن منــآسب للجيــــل الحــآلى !! اعتقد ان النسبة الاكبر منة مثقفة وواعية والدليل انهم قدروا يكسروا حاجز الخوف ويقوموا بثورة الكل اشاد بيها وان كنت لغاية دلوقتى مش راضى عن السيناريو الاخير لكن بعد كل دة متقدريش تقولى فكر تافة كدة وتعممى المنطق بيعتمد ع الواقع والواقع بيقول العكس س/ "التبعيـــه " آى رآيــك فى الى بيقولوآ آن الشبآب الحآلى بيتمتع بتبعيـــه شديده وتقليد آعمى تجــآه آى جديد ... سوآء " صيحــآت ,, آغآنى ,, تصرفآت ,, آعلآم " كل ده عشــآن يتقآل عليه فى الآخر شــــآب كول ... عاوزه منك تعليق منــآسب انا بكرة الحكم العام...لازم نعتمد على النسبة ... فى اة ناس بتقلد تقليد اعمى يمكن ف فترة من حياتنا مش بيكون عندنا وعى ودراية كاملة للامور فـ بننقاد ورا اهوائنا بيتهيألى ممكن كلنا نكون قلدنا وخدنا شخصية كدة كقدوة او مثل اعلى لمجرد اننا حبناها لكن بعد كدة تكتشفى ان فى قواعد تانية غير الاهواء تبنى عليها تطلعاتك وتبدأى تتحررى من التقليد والتبعية ممكن الفترة دى تطول مع ناس بصراحة فى نسبة مش صغيرة ينطبق عليهم كلامك س/" شبآب ثوره 25 ينآير " شآيفهم آزآى يا علآء !! شايفهم شباب جرئ لكن اندفاعى انا معاهم فى كل حاجة الا ف الثناريو الاخير السيناريو ** كنت بشوف ان الرئيس يمشى بشكل طبيعى دون تنحى كان هيعمل حاجتين حاجة ايجابية انة مكنتيش هتلاقى دلوقتى كمية سلبيات بالهبل من فوضى و مظاهرات فئوية و عدم استمرار الحياة بشكل طبيعى حاجة سلبية كان هيحصل بس تأجيل لحصد جميع رؤس الفساد اللى بنشوفهم دلوقتى لحين تعيين الرئيس الجديد دى وجهة نظرى طبعا قد يختلف البعض معايا ـــــــــــــــــــــــــــــــــــــــــــ " الجــــــــــــزء الخــــــــآص بالمنتدى " ضع علآمـــــــــه (صح ) او ( خطأ ) مع التعليل الوآضح سوآء على الصح ام الخطأ ^^ : 1) " محمد عـــــــلآء " شخصيه محبوبه ومميـــزه !! (مش عــآرف) مش عارف لآن السؤال دا مش انا الى اجاوب عليه المفروض النآس 2) " محمد عـــــــلآء " يتجنـــب الاختلآط مع النـــآس ! (الى حد مآ ) حكاية الاختلاط بالناس انا معنديش مشكلة بالنسبالها لكن بفضل اكون اقل اختلاطا وقليل لما ببدأ علاقة مع حد لكنى فـ نفس الوقت مش بصد شخص وفـ نفس الوقت مش انطوائى بس بحاول اكون مش اجتماعى اوى انك تكونى اجتماعية دى بيديكى مجال للتكوين كم اكبر من الصداقات يديكى مجال اكبر للشهرة يديكى مجال اكبر للتعرف على شخصيات مختلفة لكنة ف نفس الوقت بيخليكى اكتر عرضة للمشاكل اكتر عرضة للشائعات فـ الموضوع محتاج شوية اتزان يعنى مش اجتماعى اوى وفـ نفس الوقت مش انطوائى انا بشوف ان دة افضل وضع 3) " محمد عـــــــلآء " مش بيرد غيـــر على موآضيـــع معيـــنه خآصه بآصحآبه بس !! (صح ) عشان اكون واقعى فـ كلامى اكتر من 90% من المواضيع اللى برد عليها فعلا خاصة باصحابى لكن فى نسبة بردو برد على مواضيع تانية لو عجبتنى مع التنوية ان ردى على مواضيع الاشخاص اللى عارفهم دة مش مجاملة ولكن دة لانى زى ما قلت قبل كدة مش اجتماعى اوى فلو مردتش على مواضيع ناس اعرفهم مش هرد على مواضيع حد خالص 4) " محمد عـــــــلآء " بيقولوا عليه العضو الجنتل !! (صح ) يعنى اية جنتل...يعنى كلامى مثلا فية شئ من الزوق.. انا فـ كلامى مع الناس الحمد لله قليل اوى لما حد يزعل منى... الحمد لله بحترم اى شخص بتعامل معاة مهما كان سنة او ديانتة او جنسة لكن دة ميمنعش ابدا انى بقع ف اخطاء اكيد مثلا جرحت حد مرة بكرمى بس اكيد بردو من غير قصد بكلامى 5) " محمد عـــــــلآء " الزكى المتســـرع ! (الى حد مــآ ) الذكاء مقدرش احكم حكم دقيق لكن يعنى مستوايا مش بطال... متسرع اة بس مش فـ كل حاجة بكون متسرع فى الحاجة اللى بسببلى ضغط نفسى ببقى عايز اخلص منها الامور العادية اللى اقدر اخد فيها قرارات بدون ضغط اعتقد انى بتانى فيها جدا لكنى مشكلتى ف الضغط النفس 6) " محمد عـــــــلآء " سقط فى دآئره الحب من قبل !! (خطــأ ) لا مش سقطت يمكن كل حاجة فـ حياتى اتعودت ارتبلها واخططلها الا حياتى العاطفية دايما سايبها للظروف الظروف محكمتش منكرش ان من جوايا كان عندى مشاعر زيادة مكبوتة عايزة تخرج لكنى فـ نفس الوقت كنت عقلانى بردو وكنت ببص لقدام دايما صوت العقل بيكسب عندى عموما وموضوع الحب اصبح عندى بيرتبط بالجواز ودا التفكير الغالب عليــآ حاليــآ ......... س/ أيــــه رآيك فى الآستآيل الجديد يا محمد !! الاستايل الجديد جااااااااامد الوانة عاجبانى والتصميم بتاع طارق تحفة س/ هل آنت رآضى عن كل الترقيـــآت الى تمت فى التغيــرآت الآخيره ؟؟ و شآيف ان فى اعترآض على بعض الشخصيـــآت التى لآ تستحق !! ولــو ادينآك كآرت الاآدآره .. كنت هتمل أيـــه أيـــه مختـــلف التغيـــرآت الى شفنآهآ !! راضى عن معظم الترقيات لكن دة بيبقى موضوع تقديرى بيختلف من شخص للتانى بصى انا حكمى على اساس انى مشرف بس اكيد بيختلف عن حكم طارق بصفتة المدير مثلا لانة قاعد متابع كل دة اكيد نظرتة هتختلف عن نظرتى مقدرش اقول فى ناس لا تستحق لكنى بس اقدر اقول رأيى كدة بينى وبينك ومش لازم يكون صح لو اديتونى كارت الادارة هحاول باى شكل اغير سيرفر المنتدى لانة بجد جابلى الضغط والمنتدى بيفصل عندى كتير مفيش قرار بصراحة معين فـ دماغى س/ آى رآيك فى قسمك !! هل يآترى رآضى عن شغلك فيه ؟؟ قسمى كويس وانا بحبة وبرتاح فية يعنى اللى هو مش مدفون اوى وفـ الفترة الاخيرة بقى من اعلى الاقسام فى عدد الزوار مش صعب اوى فـ التعامل معاة والحمد لله راضى عن شغلى فية وطبعا باستند للتقييم وهو دة الاساس ـــــــــــــــــــــــــــــــــــــــــــــــ " جدآل عآم " نور: ازيك يا هندسه ؟ محمد : الحمد لله تمام نور: خلينى ادخل فى الكلام معاك على طــول يا محمد مانا فاكره ان اول تعاملى معاك بدآ بخنآقه من زمان جدآ زز شفتك قاعد ع المنتدى وقت الصلاه وبعتلك رساله انت وغيرك قولتلك فيها قوم صلى يا اخى وانت ردك كــآن مضمونه انتى مالك دا شئ مش يخصك مش شايف ان دآ اسلوب سئ فى التعامل؟ محمد: اولا هى كانت صلاة التراويح فـ رمضان ثانيا اسلوبى كان نتيجة لاسلوبك فـ الرسالة مضمون الرسالة كان فى صيغة أمر كدة واستفزنى ساعتها وانا فـ طبعى مبحبش اخد نصائح من حد مليش علاقة بية نور: فرضــآ ان اسلوب الرســآله كان وحش .. ودآ مش حقيقى لآن مفيش حد هينصح بطريقه وحش فهل لانت بتعامل وحش مع الى بيعاملك وحش؟ مش رسولك الى هو قدوتك كان بيعامل الى بيسئ ليه بالحسنى ؟ محمد: لا اسلوب الرسالة كان مش وحش بالنسبالك لكن كان وحش بالنسبالى انا فـ تعاملى مع الناس اللى بلاقى منة تعامل وحش مش بعاملة وحش لا بقطع العلاقة خالص بس الرسالة دى مش تعامل دة مجرد موقف نور: وانت شايف ان الهروب من التعامل مع الناس يا محمد دآ شئ كويس؟؟ يعنى لما الانسانى بيلاقى ف شخصيته شئ سلبى بيحاول يصلحه ولا آآى ؟ محمد: لا متسميش دة هروب سمية رد فعل طبيعى زى المثل اللى بيقولك ابعد عن الشر وغنيلة بعدين انا حياتى مش هقعد اتعامل مع ناس بتعاملنى وحش وارد التعامل بشكل حسن .. ماهو انا بشر بردو مش ملاك وعلفكرة ساعات بيكونا لهروب هو الحل الوحيد ... لكن الموقف اللى بتتكلمى علية مش هروب نور : انت بتقول انك مش ملآك .. معنى كده ان محمد شخص عصبى ؟ محمد: هى عصبى عكس ملاك ؟ نور: انت قولت فى كلامك انك مش هتتحمل الناس الى بيعاملوك وحش .. معنى كده ان خلقك ضيق .. والخلق الضيق بيدفع للعصبيه؟ محمد: دة اية اللفة دى كلها بصى خلينا واقعيين هاتى اى حد وخلى حد يعاملة وحش وحد يعاملة كويس... شئ طبيعى جدا مع الوقت هيلاقى نفسة غصب عنة بينجذب للى بيعاملة كويس ويبعد عن اللى بيعاملة وحش تدريجيا لغاية ما هيلاقى نفسة قطع علاقتة بية تماما نور: من الطبيعى اى ولد فى سنك يكون عاش قصه حب .. ليه محمد بينكر الموضوع ده ؟؟ محمد: هو فعلا من الطبيعى لكن مش من المستحيل لو فى حاجة مريت بيها سواء كانت حلوة او وحشة ف نهايتها كنت هقول دى حاجة لا هتذزود منى ولا هتنقص لكن فعلا مفيش حاجة مريت بيها وعادى بقايل ناس كدة بردوبقابل يمكن بحوش نصيبى بقى عشان يبقى كبير بعد كدة ههههههه نور: انت قولت بتقابل نــآس كده يعنى .. دى مفهومها الدآرج انك بتظبط بنــآت .. ياريت توضحلنا اكتر ؟ محمد: ههههههههههههههههههههه لالا يبنتى انتى فهمتى غلط بقابل اشخاص زيى بردو معندهمش قصة حب نور: شــآيفآك بتضحك ومفرفش يا محمد .. يا ترى امته ممكن نشوف محمد بيخيم على وجهه العبوس والحزن ؟؟ محمد : اكتر حاجة بتخوفنى فـ حياتى هى الفشل والفشل لية مستويات لكن بتعدد مستوياتة هو احساس بخاف حتى اجربة نور: يا ترى يا محمد فشلت فى حياتك فى اى حاجه قبل كده؟؟ محمد: زى ما قلتلك الفشل مستويات لكن انا بشوف حياتى الحمد لله مكنش فيها فشل واضح او ظاهر او مستواة عالى لغاية دلوقتى نور: معنى كده ان علاء شايف نفسه ناجح؟ محمد: هو لسة حياتى مش كبيرة بدرجة تخلينى اقد احكم بالنجاح انتى ممكن تسألينى السؤال دة وانا عندى 60 سنة لو عيشت يعنى مــآشى يا محمد يــآ علآء آكيــد تعبت من كتر الاسئله ,, وانا مش هتقل عليــك زيــآده .. استمتعنا مع محمد كتير باجاباته المميــزه يآرب يكون الحــوآر عجبكم ..