[راما السعوديه]

هذا الموقف صار لي انا واختي وبنات خالتي فالعطله الصيفيه في ابها , كنا متمشين مع اهلنا فالسوده وكانت الساعه 9 صباحا والجوو روووعه وخيييالي فقمنا انا والبنات عددنا 4 ( انا واختي و2 من بنات خالتي) نمشي شافونا الرجال قالو وين بتروحون مامدانا نوصل اجلسو شوي قالت بنت خالتي بنروح دورات المياه ههههه عليها تصريفات قالو روحو لاتتاخرون عشان الفطور , قلنا طيب ومشينا ونطالع فالعالم والناس ونسولف وبعدين انتبهت وقلت يابنات تعرفون الطريق اللي جينا منه .....؟؟؟؟ محد رد علي قلت : عز الله رحنا فيه وجلسنا نلف وندور لما جات الساعه 11 يعني ساعتين والبنات ضايعين ونبغى مووويه فمرينا من عند جلسة حريم (قويات عين) وقلنا تعرفون احد يبيع مويه قالت وحده منهم ايه احنا نبيع(تنكت هي ووجهها ماتدري انا ضايعين) قلت بكم تبيعون ؟ قالت الكوب بريالين , واحنا ماجبنا معنا فلوس وش درانا انا بنضيع فقلت معليش معي 500 بنصرفها ونرجع(اتريق عليها طبعا) اااااه ميتين من العطش هذاك اليوم لاينسى وبعد فتره من الف والدوران الانشوف الناس يصلووون واحنا بصوت واااحد :هذولا وش يصلون انتبهنا للساعه لقينا انه خلاص صلاة الظهر والمشكله ماكان معنا جوال هذاك الوقت عشان ندق قلنا اكيييييييييد اهلنا اللحين يدورون علينا , وتابعنا السير فلقينا وحده باسطه بسطتها وتبيع قلنا احنا ضايعين ومانعرف الطريق , قالت :المكان اللي اهلكم فيه عنده معلم شيء قلت ايه دورات مياه قالت كل مكان فيه دورة مياه , قلت بس خربانه قالت :اها فيه2 وحده منا وال2 من هنا واحترنا من وين نمشي قالت توكلو على الله وامشو منا وشكرناها ومشينا وطلع صح ,ولقينا اهلنا , والله توووقعنا بنجي نلقاهم يدووورون علينا، لقينا ماي فاذر وعمي يفصفصون وطايحين سوالف وبس شافونا ماتوا ضحك وماقالوا وينكم وحشتونا خخخخخخخ لا والله ، قالوا فاتكم نص عمركم طبخنا الفطور بيدينا مستحيل تكونوا ذقتوا احلى منه وللاسف خلص الفطووور
بس ماعليه خيرها فغيرها ، احنا هذيك الساعه واااااااااااااااااااصله معنا دخلنا ع امهاتنا اخذنا لنا زفه محترمه وجلسنا نحتري الغداء فاتنا الفطور (مقهوره عليه بلاكم ماتعرفون وش هو.. خخخخ
والله هذا الموقف اللي مو قادره انساه سالفة الضياع مو سهله ، وفيه مواقف كثير بس الستر زين يكفي فضايح هههههه
مشكوره ياعسل