منتديات بنات مصر - عرض مشاركة واحدة

!Love · منذ /03-26-2011, 10:40 AM

بسم الله الرحمن الرحيم

صباآح /مساآء الخير ..
أكيد طبعا استغربتوا من اسم الموضوع ..
بس أوعى حد يتهور ويقول كلمة كده كلمة كده .. ماثــــي

(ارجع لنا يا ريس)

أجمل نكات الفيس بوك تطالب بعودة مبارك

مصر (طلعت نكت أهي خلاآص)
مصر الجديدة : 22 - 03 - 2011
أنشأ مجموعة من الشباب عدد من الصفحات علي الفيس بوك بعنوان إرجع يا ريس (طبعا بهزاآر ) والتي اشتملت علي العديد من الاسباب التي لا تخلو من الحس (علشاآن يرجع لنا تاآني )الفكاهي المصري وكانت الأسباب التي ذكرت بحسب التقارير الاخبارية كالآتي‏:‏
ارجع ..كنت حامينا من وجع الدماغ و قولة اة و لأ
ارجع .. انا اكتشفت ان ليه صوت
ارجع ..جوزي هتجري في ايدة الفلوس و ممكن يتجوز عليا
ارجع يا ريس.. قبل العيد عشان نعرف نقول عيد مبارك
ارجع يا ريس.. مش لاقيين اسم لمحطه رمسيس في المترو
ارجع يا ريس‏...‏ تقريبا نسيت نور الصالون في القصر مفتوح
ارجع ..لحسن شكلك هيبقي وحش قدام السادات و ناصر لما يسألوك مشيت ازاي؟
ارجع يا ريس‏..‏ وحشنا ابنك جمال
ارجع ..عشان ننزل التحرير تاني وناكل كنتاكي
ارجع‏..‏ بقوا يطبخوا ع الفحم في اسرائيل
طب ارجع يا ريس.. واللي اتفرم يتصلح
ارجع يا ريس‏...‏ شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني‏..‏ أو تامر أمين‏..‏
ارجع يا ريس انا بقيت بتكلم في السياسة براحتي
ارحمنا وارجع بقي‏...‏مين اللي هيغير اسم‏ 620 الف مشروع ومدرسة باسم سعادتك؟
ارجع يا ريس ..شكلنا هنبقي من الدول المتقدمة
ارجع بقي.. ده حتي هالة سرحان رجعت‏، يرضيك كده يعني؟؟
يا ريس ارجع.. انا خايف رغيف العيش يكبر وأنا ناوي اعمل دايت
ارجع بجد‏ دلوقتي لما مبيعجبناش وزير بيتغير‏، المسئولون اتبهدلوا من بعدك‏!‏
ارجع يا ريس‏، الإخوان بقوا بيطلعوا في التليفزيون الحكومي
طب بص‏..‏ بلاش انت ترجع‏..‏ بس جمال وعلاء ضروري يرجعوا قبل رمضان‏..‏ هنعمل الدورة الرمضانية ازاي من غيرهم؟

طبعا احنا مش عايزينو يرجع ..
كلاآم أونطه ..هههههه
يا رب الموضوع يعجبكو وإلي قال كلمة مش ولا بد.. يسحبها ..
دمتم في رعاية الله