رساله حب وشجن من زوجه لزوجها
من شدة حبها كتبت لزوجها عن ما بداخلها
هو من الصعيد,اعتقل...وهذه رسائل بينه وبين زوجته..
لا أعرف من كتبها..لانها اصلا هي لا تعرف تكتب
.................
والآن أترككم مع الرسالة دوزي الغالي وأبو عيالي
والغايب عن عيني ليالي
واللي حاله مشندل
والمسدون بالظلم ف سدن ابو زعبل
عمري ف يوم يا دميل ما انساك
وكيف انساك
وانت مخرشم جلبي هواك
يا للي بطحت دمادم جلبي بالجوبجاب
ياللي الجلب ف حبك داب
تعرف
كل ما ناح ع السدرة غراب
عاجول له يا فجري
عتفكرني بصوت الاحباب
تعرف
لما خدوك م البيت ومشيت
أنا اتغميت
كان نفسي اعمل لك فول بالزيت
دجية عدس بيدي لو حبيت
يوي
ميتا يا غالي ليا تعود......
هو المش عاينفع من غير دود
تردع تاني
ندري ونلعب
زي زمان
يا نبع حنان
يا سبع ...... يا فيل
يا ابو الجردان
يوي
دا انت واحشني يا ابن الناس ميتا عتردع تاني....ونلعب صلح تضربني فوج راسي بالفاس
فاكر....لما كنا نلعب استغماية
وتركب الدحش....وتدري ورايا
كانت ايام
وكنت يوميها تديب لي هدايا
وين هداياك ؟
احدفني يا غالي بوردة
مش عتلاجي احدفني ببصلة
مش عتلاجي ....جايس واحدفني بجالب طوب
ااااآه يا تغوب
حبك خرشم جلبي ودعكه بالمركوب
آه يا منايا
دا انت الروح اللي دوايا
وام جويج
اللي عتحوم على طول ف سمايا
تجولش انا حلة وانت غطايا
بعتالك جفة سلامات
وحفنه بوس علي وش الجفه
خلي بالك فيهم بوستين مسوسين من امك
ومعاها شنفين دوابات من الاهل والاعداء والا ندال
حدفنا لك غلجين عيش
ومعاهم الجبنه الجديمه ومقرتصين لك الدود في قعر الغلج
وأخيرا....
حبك بطحني عالحشيش ... ومن غيرك مأقدرش أعيش ... أحنا
جوز جزم وفردة وحدة
متمشيش
................................
استني ...ملحق الدواب يا المنيل علي عينك نسيت اقولك
انا عارفة انك مبتعرفش تقرا بسرعة عشان كدة خليت درديري بن عمك يكتبلك الجواب ده بالراحة احنا كلاتنا كويسين جوى جوى ابوك اللي هو عمي خلانا نعزل من الدار عشان مش عايز اى حاجة تفكره بالسنين اللى فاتت , انا مش هجدر ابعتلك العنوان لانى معرفوش اصل الناس اللى كانوا ساكنين جبالنا اخدوا اليفط اللى مكتوب عليها اسم الشارع ورقم العمارة ولزجوهاعلى بيتهم الجديد , بس المكان هنا جميل جوى تخيل ممطرش غير مرتين فى السبوع كلاته مرة تلات تيام ومرة اربع تيام .
انا كنت عاوز ابعته عشان لما تخرج بعد المؤبد تيجي علي العنوان
واخوك جاب عربية جديدة بدل اللى وجعت فى الترعة من الحشيش والبانجو والسلاح اللي انت مخبيه ورحنا بيها عند عمتك بس الواد المسطول اخوك خرج وجفل على المفاتيح وفضلنا احنا وابوك محبوسين فى العربية لحد ما جه جدع ابن حلال كسر الجزاز بالفاس واموك كانت راكبه في الشنطة يادوبك جه في راسها الفاس وطلعنا:202:
اختك خلفت النهاردة الصبح بس لسة معرفش واد ولا بت فمعرفش انت بجيت عم ولا عمة
بن عمك عشان مايدخلش الديش خلع عينه ويجولوا عليه اعور
والوقت هو مرمي علي المصطبه اهو :Milit-059:
هية دى كل اخبارنا ارجو تكون بالخير وربنا يديم المعروف
وماتجعوتش مع المسادين بتوع السياسة لاحسن يعتقلوك تاني
وماخبرشي بقي خلاص غورا بقي
انا كنت هبعتلك فلوس فى الجواب بس نسيت وجفلت الظرف جبل ما احطهم يا مجفل دلبي !!!!!!!!!!
الله يرعاك