يعني اية الناس اللي بتقول الغاء الدوري عادي والكورة مالهاش لازمة ونلغيها دلوقتي احسن
انتوا عارفين ان ناس كتير مش هتلاقي تاكل لو الكورة اتلغت في ملايين بيوتهم مفتوحة من الكورة وبياخدوا مرتبات ضعيفة جدا بس احسن من مفيش وماينفعشي يتلغي في باقي الدرجات ويرجعوا الممتاز بس
وهل حد هنا يرضي نقولك هنخليك تسيب الشغل سنة وتقعد في البيت هل هترضي هل هتلاقي شغل تاني ؟ هتاكل منين هتعيش ازاي؟
فياريت كل واحد يحط نفسه مكان الناس اللي هيتقطع عيشها
وهو علشان الشرطة مش عايزة تشتغل ومش عارفين يأمنوا فا يقولوا نلغي بيريحوا دماغهم يعني لازم قرار حازم من وزير الداخلية ولو مش هيعرف يعمل حاجة يبقي يمشي احسن احنا محتاجين واحد قوي يواجه دلع الشرطة دة
حاجة تجنن يعني اية الأمن المركزي ف متش الزمالك واقفين يتفرجوا ع اللي بيحصل ومش عايزين يعملوا حاجة !!!
ويقولوا خايفين نعمل حاجة فا البرامج تتكلم علينا ويقعدوا يهاجمونا
دة كلام فاضي اشتغل انت وشوف شغلك علي اكمل وجه وسيب اللي يقول يقول وما ينفعشي يبقي يا ابيض يا اسود يا تعمل زي ما كان الأول يا اما تسيب الحكاية خالص !!
طول ما انت ماشي بالقانون محدش يعملك حاجة نتمني يبقي في شرطة بتفهم بقي وعندها عقل
احمد المسلماني النهاردة كان في مصر النهاردة وقال حاجة مهمة جدا والله قال ماينفعشي كلية الشرطة تبقي من 50 % دي لازم تبقي من 90% لازم راجل الشرطة يبقي بيفهم وبيشغل مخه وعنده عقل
اتمني الشرطة تبقي افضل بكتير من الأول يارب
منقول وعجبنى وحبيت انقلة الصراحة
لان صاحب الموضوع بيتكلم بفكرى