الحلقة الخامسة
خلود كانت باردة في ردة فعلها
بل كانت حزينة مكتئبة
قالت لي : وش فيك .. وين وعودك انك بتتركينه ..
قلت لها وكأنني طفلة : لا .. انا .. انا .. (احتارت الكلمات في لساني .. وخجلت من نفسي ) انا قلت لك ذاك الكلام لاني حسيت انه ما راح يرجع للمنتدى ..
قالت : لااااا .. والله انك منتب صاحيه .. انت منتب مها اللي انا اعرفها .. ترى والله اني لأعلم أمي بسوالفك ..
قلت : خلود .. قلبي .. وخيتي .. ما يطلع منك هالشىء .. انا عارفه انك خايفة عليَ .. بس صدقينى غصبا عليَ .. خلود الله يعافيك ساعديني .. ابغى اشوفه ولو مرة ..
قالت : لاااااا .. والله الا انهبلتي .. مها اصحي .. انت وش قاعده تقولين ..
قلت وبإصرار : اقول .. ابغى اشووووووووفه .. ما راح يهدا لي بال الا لما أشوفه ..
قالت : اسمعي عاد .. تراني كتبت الى ( بقايا الامس ) رسالة خاصة ..
لحظة صمت .. تخللها انزعاجي مما سمعت ..
قلت وباستغراب : كيف .. وش تقولين !!!!......... انت يا خلود !!!!..
قالت : لا تفهمينى خطأ .. انا كتبت له وقلت له اني اخت ( احساس القمر .. وكان هذا الاسم الحركي حقي في المنتدى ) وطلبت منه يحاول انه يبعدك .. وفهمته وشرحت له حالتك ومدى تعلقك به .. وانا اعتقد بأن ابتعاده خلال الفترة الماضية كان بسبب هذه الرسالة ..
قلت : حسبى الله عليك ( وكنت متضايقة ومتعصبة ) وضربتها على وجهها ..
في هذه اللحظة كأن الزمن توقف .. وكأن الحياة بلا روح .. وكأننى أتنفس من خرم إبرة ..
هي المرة الاولي التي انفعل فيها على اختي
المرة الاولى التي ارفع فيها يدي على اختي
المرة الاولي التي اقف فيها هذا الموقف
حالة صمت رهيبة ..
خلود تنظر اليَ من هول الصدمة
لم تتوقع ردة فعلي
أرادت ان تسحب نفسها من امامي وتغادر المكان
جذبتها وضممتها لصدري .. وبكيت
قلت لها : سامحيني .. انا اسفه .. ما كان قصدي ..
بكت اختي وبكيت معها ..
في تلك اللحظات دخلت والدتي ( الله يحفظها )
قالت وبنبرة كلها خوف وقلق : سلامات وش فيكم ..
تلعثمت ولم اعرف وش اقول
ردت اختي خلود : اخو زميلة مها توفي اليوم ..
قالت الوالدة : الله يغفر له ويرحمه ويصبر امميمته وابيييه .. الله يغفر له .. الله يغفر له
خرجت امي وهي تردد الله المستعان .. هذي الدنيا ..
ضحكت انا من تصرف اختي خلود وضحكتي معي
وجلسنا نضحك .. ودموعنا على خدودنا
انتهى هذا الموقف وعادت اختي خلود تؤكد على عدم الانسياق وراء الهوى .. وأعطتني محاضرة من قلبها عن إتباع خطوات الشيطان ونتائجها ..
ولكننى كنت لا اسمع الا صوت في داخلي يدفعني الى تلبية رغبتي
ابغى اشوووووفه
ابغى اشوووووفه
دخلت المنتدى
تداخلت معه في موضوعه ( رسالة خاصة )
كتبت :
الحمد لله على السلامة .. من طول الغيبة جاب الغنائم .. بانتظار جديدك ..
انتظرت رده
كان يرد على كل الأعضاء
تجاهل مداخلتي
قفز بالرد للمداخلة التي بعدها ..