منذ /04-26-2011, 01:22 AM
|
#1 |
مدير عام ومؤسس العصر الذهبي للمنتدي
| حلقات برنامج ( المنتدى نور ) مقدمة عن البرنامج برنامج بسيط و خفيف ان شاء الله يعجبكم فكرته هي استضافة أعضاء جدد في المنتدى ,,كنوع من محاولة الاهتمام بهم و دمجهم و هي سياسة جديدة هتتبع ان شاء الله في الفترة القادمة و هتفعل في الصيف Love Paradise ضيفتنا في أول حلقة هي عضوة مسجلة يوم 21 إبريل لفت نظري سرعة تفاعلها و اندماجها و أسلوبها في الرد ,, فطبعا كانت مناسبة لإفتتاح البرنامج تعالوا نتعرف عليها تاريخ تسجيلك 21 ابريل و النهارده 25 يعني ما كملتيش اسبوع و ليكي 133 مشاركة ,,شكلك بتبلطجي في الفراغ الأمني ,,سارقاهم و لا ايه ؟ انتوا لسة شفتوا حاجة ..؟؟ ده انا مقضياها بس مجهود صغير اليومين عشان الامتحانات وعليكوا خير ههههههههههههه طيب عرفينا بإسمك؟ آلاء نورالدين << 15 سنة خبرة في الحياة منين ؟ طنطا ها اينعم طونيطا <<حيث لاوجود للأونطة ههههههههه عارفة نظام التجسس بتاعك ده يا دكتور واضح انك خبرة ,,أسلوب مشاركاتك و تنسيقك و هزارك و توقيعك ,,كان ليكي منتدى سابق بتشاركي فيه ,,أليس كذلك؟ (و لو عايزه تقولي اسمه مافيش مشاكل) منتديات كتييير هههههههههه ،، بس انا ملقتش فيهم الارتياح اللي انا حسيته هنا،،بصراحة انا براقبكم من شهر تقريباً بدرس أخلاق الاعضاء وطاقم الاشراف والادارة ،، ماشاء الله عليكم ماشاء الله ،، أنتم بالفعل صفوة المنتديات ،، وشخصياتكم كلها شدتني بإحترامها لنفسها ولغيرها ،، عشان كدة قررت أخيراً اني اشاركـ ،،وانا واثقة اني مهما عملت مش هابقي ربعكم .. عرفتي المنتدى ازاي و أول موضوع فتحتيه؟ زي ماقولتلك يا دوك انا اول ما عرفته من شهر ،، كنت قررت اني اشترك بس خفت اخد مقلب واطلع منه زي اللي قبله واللي قبله ،،بس قلت الاول اشوف نظامه واسلوب الاعضاء عامل ازاي .. انما اول موضوع همممم كان الخاص بحضرتكـ يا دكتور ^ مسابقة SKULL ^ بصراحة حضرتكـ دماغ ولما بتحب تعمل حاجة بتعملها بمزاج ،، طبعا كل شخص في المنتدي ليه ميزات جميلة ،، بس ميزتك انك بتستمتع باللي تعمله حتي ولو كان مرهق بالنسبالكـ .. أكتر حاجة شدتك في المنتدى؟ كل حاجة فيه بجد ماشاء الله عليه ،،التنسيق الرآآآئع والمواضيع المميزة ،، وكمان أكتر حاجة عحبتني فيه الابداعات الفريدة اللي كنت بأشوفها ،، يعني عارف اديتوا فرصة للي عايز يعبر عن نفسه وآراؤه ومشكلاته وكل حاجة بتشغل تقكيره ،، كمان المسابقات اللي بتطلع الذكاء الدفين وبتشغل الدماغ اللي الواحد مابقاش يشغلها خالص دي .. شايفه مستوى الأعضاء الإشراف و الإدارة ازاي في المنتدى؟ هممممم بخبرتي في عالم النت والنتيتة ،، أقدر أقولكـ ان مستواهم ممتاآآآز ماشاء الله ،، الاعضاء في تزايد مستمر والحمدلله ،، والمشرفين عارفين مهامهم صح ،،والادارة طبعا مفيش كلام يتقال ،، ماشاء الله أكيد كل التقدم الجميل ده مش هيحصل الا في ظل ادارة حازمة وقاطعة "" ولكن ليست قاسية "" .. وده طبعا من خلال سيادتكـ والبشمهندس أحمد تيكنكال والاستاذة ميشو العسولة .. حاسه إنك هتستمري كتير في المنتدى؟ و لا بس فترة مؤقته أسبوعين تلاته؟ لأ أكيد بإذن الله هأستمر..بس اليومين دول بأستخبي شوية من ماما واقفل عليا الباب عشان اضيع وقتي الثمين :Sport-086:<< ههههههههههه إيه القسم الي شادك في المنتدى؟ مممم كل الاقسام ممتازة طبعا ،، بس اللي شدني قسم بقلم الاعضاء وركن الصفحات المكشوفة .. إيه إلي حساه ناقص في المنتدى و ايه العيوب من وجهة نظرك ؟ لأ كل حاجة كاملة ماشاء الله عليكوا ،، بس يمكن الخناقات اللي لاحظتها الفترة اللي فاتت هي اللي خلتني أتردد شوية اني أشترك ،، بس مادام كل ده في اطار الهزار طبعا مفيش أي عيب او مشكلة .. طبعاً انا بأشكرك جداآآآ يا دكتور طارق علي برنامج الاستضافة الكميل،،وطبعا ليا الشرف اني اكون عضوة جديدة ويتم استدعائها للإستجواب في زنزانة المنتدي .. ميغسي بكو .. أريجاتو :vb18:
|
| |