ألسلام عليكم
موقع فى الكورة هو سبب من اسباب فتنة مباراة المصرى والاهلى وهو من اشعل فتنة الاهلى والاسماعيلي
يوم الخميس الماضى قبل مباراة الاهلى والمصرى بيوم الموقع طلع خبر بيقول جمهور الاهلى يستعد لعمل شغب ببورسعيد
وهذا هو الرابط
ثم هى من انفردت بخبر تحطيم محطة اسماعيلية رغم ان ناس كتير من الاسماعيلية نفسها قالو الكلام دة كدب
وهذا هو الرابط
الغريب ان الموقع نفسو مش اكتفى بفتنة اسماعيلية
دة منزل خبر جامد اوي بيقولك فى نهايتة ان جمهور الاهلى نازل بورسعيد اول مانزل ضربهم بالسنج والمطاوي والاسلحة البيضاء ولكن الامن تدخل وانقذ الموقف ؟ ودة الرابط
لحد كدة باين اوي ان ال3 اخبار تدل علي ان الموقع ضد جمهور الاهلى بكل شىء والان مع خبر تحقيق مع جماهير المشاغبين مفترض ان يكون الجمهور من كلا الناحيتين وعادي ولكنو لن يذكر جمهور المصرى ويقول
مع 13 واحد اغلبهم من رابطة الاهلى بعد ادانتهم باحداث شغب ودة الرابط
يعنى جمهور الاهلى هو اللى راح التحقيق ومدان بالشغب والخ وجمهور المصرى متذكرش اسمو ومعملش مشاكل . تمام انا مش بتحامل علي جمهور المصرى ولكن المفترض موقع عادل يكتب من الناحيتين
ووالان مع المفاجاة الاخيرة
ماتش الاسماعيلي والزمالك بكرة
بردو مطلع خبر من قبل المباراة بيوم ان بيقول ان جمهور الاهلى هايعمل شغب فى مباراة الزمالك والاسماعيلي وهايقعد مع جمهور الناديين عشان يعملو شغب وفتنة بين جمهور الاهلى والاسماعلي؟
http://www.filkooora.com/new/?CatID=1&ID=23540
سبحان الله لماذا كل هذا النفاق واصلا جمهور الاهلى مش عندة نقص عشان نروح نعمل كدة + جمهور الزمالك والاسماعيلي اتخانقو السنة اللى فاتت فيها اية لو اتخانقو بكرة ولكنك تنفرد بالخبر دة من دلوقتى عشان بكرة لو حصل حاجة لقدر الله تقول جمهور الاهلى هو من دخل بين الجمهورين !!
رغم ان اخبارفى مواقع كبيرة النهاردة بتقول ان هايحصل شغب فعلا ودة من خلال جبهة المعارضة لمجلس ادارة الاسماعيلي ولكنك انت الوحيد اللى بتقول جمهور الاهلى هايدخل سبحان الله
كدة كدة مش مستبعد انهم يعملو شغب ودة من نفسهم مش من جمهور الاهلى
لانهم اتخانقو المرة اللى فاتت ؟ وبردو هما من رفعو لافتة ولاد الغم ؟
وهما اللى دلوقتى عالفيس بوك عمالين يشتمو في الزمالك ويقول هانعلم عليكو والمشاحنات دي
يعنى بعد انتهاء الموضوع
واضح ان الموقع كل مباراة سواء للاهلى او للمنافسين يقول من قبلها ان جمهور الاهلى هايعمل شغب رغم اننا ملناش دعوة بماتش الزمالك وماتش المصرى مححدش كان رايح يعمل شغب ؟!! ولكنو الموقع مفتكس من دماغو احنا هانعمل شغب
سبحان الله
وواضح خبر شاعه محطة القطر بتاعت الاسماعلية وباقى الاخبار تحامل على جمهور الاهلى بطريقة غير عادية
والموقع بتاع طارق رضوان الاعلامى بقناة النيل للرياضة وكلنا نعلم انه زملكاوي ولكن مفترض ان موقع عام زي دة ميكونش فية انتماء ويكون عادل مش كل حاجة يقول جمهور الاهلى مشاغب من قبل ماتبدء المباريات ويسخن الدنيا ويهيج الدنيا عشان بعد المباراة ماتحصل يقولك كما حذرنا من قبل من جمهور الاهلى
زي ماعملها بعد مباراة المصرى قال حذرنا امس من جمهور الاهلى ؟
دة بقى بخلاف الاخبار الكادبة اللى بيقولها على لاعبى الاهلى
اخرها يقولك عفروتو اتخانق فى النادي مع لاعب اخر عشان فتاة ؟