[خارج عن القانون]

السلام عليكم ورحمة الله وبركاته

بصو يا جدعان انا هنا هقولكم ع شويه اساليب

لو اتبعتموها مع اولادكم هتخليهم اذكياء جداااا

والاساليب ديه انا لحظت انها هى كانت العامل الاساسى فى تنمية ذكاء ناس كتيــــر

بس طبعا العوامل ديه لازم تتطبق ع الشخص ده وهو صغير

يعنى لو انت شحط وعندك 20 سنه يبقا انسااا

هى ممكن تفيدك بس مش هتنمى ذكائك بالشكل المطلوب

ممكن لو عندك 12 او 15 تجيب نتيجه بس كل ما تبقا صغير يبقا احسن

هنبدا من البداية وهو الطفل لسه صغير

طبعا شويه العاب الاطفال ديه اللى زى البازل حلوه

ولما يكبر هاتله عربيه من ام زمبلك ^^

اى عربيه وخلاص

المهم انك تدهاله وتديله معاها مفك

هو هيحاول يفتحها ويشوف بتمشى ازاى

وهو ده المطلوب انه ياخد معلومات وخبرة

عن اى حاجه وكل حاجه

ولو باظت ما تزعقلوش وسيبه يجرب معاه

ولما يكبر شويه ويخش المدرسه

اديله كتب يقراها ابدا من ميكى وبطوط

وبعديها روايات بوليسيه

وبعديها كتب عامه

وبعديها سياسه وادب ورحلات

وهكذا

وخلي ليه شخصيته المستقله

قالك عايز اعمل كذا اتنقاش معاه

طيب عايز تعمله كده ليه وهتستفاد بايه

مش لازما تقوله ع كل حاجه ماشى ومش لازما تقوله ع كل حاجه لا

حاول تاخده وتفسحه فى اماكن كتير علشان يفهم حاجات اكتر

فى كل مكان بيروحه اكيد بيبقا عايز يسئل ده ليه وازاى؟؟

ياريت تكون عارف الاجابه مش تبقا زيك زيه

وطبعا مش عايز اقولكم ان الدلع الزائد بيضر اكتر ما بينفع

وسيبه يجرب كل اللى عايز يعمله

علشان لما يجرب بنفسه غير لما يسمع منك

وفيه حاجه تانيه احب انبهكم عليها

الا وهى الذكاء الوراثى

لو الاب او الام دماغهم حلوه

بيبقا الاحتمال اكبر فى ان الولاد يطلعو اذكياء

اما لو دماغهم فاضيه زيهم زى القذافى يبقا عليه العوض

حتى لو اتبعتم معاهم طريقة نشاة نيوتن او اينشتين ذات نفسه