السلام عليكم ورحمه الله وبركاته
1 .. التقل صنعه ... يعنى لو زعلك ... اتقلى عليه .. عاتبيه و حسسيه انك
زعلانه اوى بس فى نفس الوقت خليه يحس ان فيه امل تسامحيه ..... و صدقينى مش هايبطل يعتذر و هيقولك احلى كلام هاتسمعيه فى حياتك علشان تسامحيه
2 .. زى ما المفروض انك تخليه يحس انك محتاجه ليه .. لازم كمان يحس انه محتاج ليكى .. بس مع الفرق
يعنى انتى تقوليله انك محتاجه ليه .. كده بطريقه مباشره . دا بيرضى غروره
انما هو ... كفايه انك تخليه يحس انه محتاج ليكى حتى من غير مايقولها
3 .... اوعى تحاولى تفرقى بينه و بين اصحابه القريبين خصوصا فى بدايه العلاقه بينكم .. لأن فى البدايه الأصدقاء دول ممكن يكون تأثيرهم اكبر من تأثيرك عليه
4 ... اوعى تخليه يحس انك بتغيرى من علاقته القويه بأصحابه .... بالعكس لازم يحس انك مبسوطه ان له اصحاب قريبين خصوصا لو كانوا محتلرمين و مافيهومش حد كده و لا كده
5 .... كل ما خلتيه يحس انه حر ... كل ما ده كان احسن ليكى ... اديله الحب و الحنان و بعدين اديله الحريه ......... و صدقينى كل ماييجى يختار بينك و بين اى حد تانى .. الأختار هايبقى فى مصلحتك انتى
6 ... الغلطه الكبيره اوى ..........
انك تقارنيه بحد تانى يكون اوسم منه او اشيك منه .. دا بيجرحه جدا جدا و مش هاينسى الموقف دا ابدا
ممكن تلفتى نظره بطريقه كويسه بس من غير ماتجرحيه .... مثلا تقولى
( شايف البدله اللى لابسها فلان .. ؟ شيك اوى بس مش لايقه عليه اوى .. دى كأنها معموله علشانك انت )
7 ... دايما خليه يحس انك راضيه بيه و مبسوطه و انتى معاه ... و اوعى تقارنى حياتك بحياة حد من معارفك او اصحابك
8 ... خليه دايما يحس انك مقدره كل اللى بيعمله علشانك .. و صدقينى كل ما لقى منك تقدير و حب كل ما هيعمل المستحيل علشانك و علشان يوفرلك احسن حاجه فى الدنيا .....
بأختصار ... بلاش تبقى زى القطط
9 ... فيها ايه لو خدتيه على قد عقله لما يبقى عصبى .؟
الدنيا هتولع ؟
مش لازم يعنى تقفى فى وشه الساعه دى
خديه على قد عقله ... بعد 5 دقايق هايهدى وممكن تكلميه تانى بالراحه
انما بقى لو وقفتى فى و شه و عاندتيه .. اكيد هاتبقى مشكله كبيره و ممكن يكون اصلا السبب تافه و مش مستاهل
10 .... دى بقى نصيحه علشان
شغل الراجل من اهم الحاجات فى حياته لأنه مش بيحس بالأمان الا لو كان ناجح فى شغله ...
اوعى اوعى اوعى تحسسيه انك بتكرهى شغله او تقوليله انه بيفضله عليكى
بالعكس ....
اتكلمى معاه عن شغله و حسسيه انك مهتمه و عاوزه تعرفى طبيعه الشغل دا ايه .... طبعا من غير اسلوب الأستجواب او اسلوب ( وكيل النيابه) بتاع البنات ده
مثلا لو هو محاسب ممكن تقوليله
( انا طول عمرى بكره الأرقام و الحسابات .. بس اليومين دول كده مش عارفه ليه فجأه بقيت بحبهم و اساليه عن الشغل )
و كل واحد حسب شغله .....
كده هو هيحس انك مهتمه بيه و بمستقبله .. فالأول هايتكلم معاكى و يحكيلك بس بعد شويه هو اللى هايقوللك ( هو احنا جايين نتكلم فى الشغل ؟ خلينا نبعد شويه عن الدوشه )
و بكد تبقى عملتى ايه ؟
اولا ... خلتيه يحس انك بتحبيه اوى و مستعده تسمعى كلام فى حاجه انتى مش بتحبيها علشان خاطره
ثانيا ... خلتيه هو اللى يبطل كلام عن شغله بأرادته
ثالثا ... هايحس انك مهتمه بيه اوى بس هايحس انه مقصر معاكى و اكيد هايعمل حاجات كتير اوى هاتفرحك
بجد لو البنات عرفت النصايح دى كويس مسار حياتها هيتيغر 180 درجه