[diskawy]

البدايه

كنت ديما احب امشى لوحدى مش عارف ليه بس بحس بسعاده لما اكون لوحدى

فى حاجات كده الانسان بيحب يعملها مش شرط يكون لها اسباب المهم انه يعملها

وخلاص طبعا الطريق كان فاضى ونا ماشى الغريب انى شوفت على بعد تقريبا
200 متر بنت جميلة ماشية وكان قدمها شاب بيتلفت عليها كل شويه وطبعا
أنا مراقب الموضوع واضح انه بيغلس عليها ايه السبب مش عارف بدأت اقرب
منهم وبقت المسافة تقريبا 100 متر مش عشان انا سريع لاء عشان البنت
مش عارفة تعدى والولد بيقف قدامها . وهى توقف وشويه تحاول
تعدى وشويه تتكلم وكأنها بتقوله سبنى اعدى واضح عليها انها كانت خايفة
جدا وكأن حد هيخطفها ولما الولد شافنى انا قولت اكيد هيمشى .
بس اللى حصل كان غريب انه مسك ايديها وبيشدها .البنت بكت و التشرت
بتعها اتقطع قطع بسيط من الشد طبعا فى اللحظه دى انا جريت عليهم
انا مش عارف ايه اللى هيحصل بس المهم انها متكونش فريسة للولد
ونا واقف بتفرج ولما وصلت قولتله شيل ايدك . لقيت الولد قال كلمة
وبعدها جرى بسرعة عارفين قال ايه ؟ قال هى ناقصة (ارهابيين ) وبعدها
جرى طبعا السبب معروف السبب ان انا ملتحى يعنى ذو لحية وعلامة صلاه .
وطبعا البنت قالت ليا روح لحالك بردو عشان اللحية وان انا ارهابى على كلام
الولد قولتلها انتى بخير مردتش ونظرت ليا نظره كبرياء وخوف ومشيت
انا فى البدايه زعلت مش من النظره ولا من الكلام لاء زعلت انها كانت
لبسه ؟ وتقريبا مش لبسه انا قولت لنفسى تستاهل ايه اللى عملاه فى نفسها ده
ومكياج وتسريحة و الشعر انتو تخيلوا بقى بدون تفاصيل
طبعا انا فوجئت بعدها بربع ساعة بسياره شرطة جايا من خلفى انا قولت
عادى سياره ماشية فوجئت ان البنت فيها وبتشاور عليا هو دا نزلو اتنين
عساكر وأمين شركة وأخدونى بقوه ورمونى فى الصندوق الخلفى
واحد على يمينى وواحد على شمالى وواضح ان اللى كان سايق ضابط شرطة
وبجمبه البنت طبعا انا عرفت بعدها ان الضابط يبقى خطيبها خدونى على
القسم الضابط بدأ الاستجواب انت بتشتغل ايه ياض الجواب حضرتك
انا طالب فى كلية طب اخر سنة .
الضابط ....... اه
وايه اللى مشاك فى الحتة الفاضية دى
احمد ....... حضرتك من المفترض انك تسأل الانسه السؤال دا
الضابط .... رد على قد السؤال ياروح أمك
أحمد ....... مفيش داعى للأ لفاظ دى يا باشا على العموم كنت بتمشى
الضابط .... طيب مش تذاكر احسن .. وبعدين ايه اللحية دى انت اخوان ياض
احمد .... الاخوان مش بيربوا لحية ياباشا . هو انا متهم ياباشا فى حاجة
الضابط ... خده ياعسكرى دلوقتى
أحمد يا باشا انا . أنا .
العسكرى .... قدامى .
ومن هنا كان اول يوم فى السجن ايه السبب مش عارف واللى مزعلنى
ان البنت كانت قاعده فى ايديها السيجاره ولا هيا هنا . ونا اللى كنت
مستنيها تتكلم وتقول دا ملوش اى ذنب فى حاجة حاولت اتصل على
واحد صاحبى رد عليا انت فين ومبتجيش الكليه ليه
أحمد ... انا فى السجن من 3 ايام ممكن تجينى . اوكى انا جاى
العسكرى ..... فتح الباب أحمد عبد المقصود ... نعم .... زياره
وكان صديقى فى انتظارى
ازيك يأحمد ايه اللى حصل ....
أحمد ..... هقولك على كل حاجة . وحكيت لصحبى على التفاصيل
قالى متخفش انا اعرف محامى وان شاء الله هتطلع من السجن انت
معملتش حاجة يا أحمد حسبى الله ونعم الوكيل
وفى اليوم الخامس طلعت وكانت التهمة ؟ مشتبه فيه .
وبكل برود احنا اسفين . خرجت انا وصحبى والمحامى ... المتر على

المتر على .... مبروك على البرأه يا أحمد وبقولك ايه لو شفت بنت
فى الشارع حد بيعاكسها ابقى امشى من الشارع التانى
أحمد ..... انت بتهزر يا متر . يا متر هو دا جزاء الاحسان
المتر على ..... نعمل ايه يا دكتور أحمد الناس بقت بعيد عن
ربنا عشان كده مش عارفين الصح من الغلط
صحبى محمود .... بقولكم ايه تعالوا ناكل فى المطعم اللى هناك دا كويس
المتر على ..... لا انا استأذنكم عشان ورايا مشوار مهم جدا .
محمود ...... اوكى يا متر فى امان الله . تعالا يأحمد احنا نأكل
أحمد ..... انا فعلا واقع من الجوع اتهريت من اكل السجن دا
محمود .... ايه رايك فى المطعم دا فخم جدا دا اصلا بتعاع اجانب سياحه يعنى
أحمد .... فعلا يا حوده فخم جدا . جلسنا فى الدور التانى انا ومحمود فى
الهدوء فى انتظار الاكل خدتنى الذاكره وبفتكر الموقف واللى بيحصلى
معقول اللى بيحصلى دا معقول فى ناس كده انا لقيت دمعة نزلت من عينى
حاولت ان محمود ميشفهاش بس انا لما صعبت عليا نفسى نزلت كل
الدموع ورا بعضها بدون صوت بقول لنفسى نفسى بهمس حسى
اجمد ياحمد هو فى راجل بيبكى وكأن محمود سامع صوت السكوت وقالى.
ابكى يا أحمد كمان خلى الحزن يطلع منك
انا عارف انك مظلوم وعارف ان البكاء هيريحك
أحمد .... محمود انا مش عارف اقولك ايه انت اكتر من أخويا
محمود .... ايه يعم فى ايه .. ؟ متقولش حاجة
عدت سا عات وخرجت ومعايا محمود صحبى وطلعت من الباب
وكانت المفجأه البنت اياه داخلة المطعم لوحدها
أحمد ..... شايف البنت دى ... يا محمود
محمود ......ايه الجمال دا كله دى جميلة قوووووووووى انت تعرفها ياأحمد
أحمد ........ هى دى يا محمود ................ اللى سجنتنى .






وأكمل بكره ان شاء الله القصة