نكمل القصة انا هعتبرها مجموعة حلقات .( الحلقة الثانية ) حصريا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
محمود ..... بس دى جميلة جدا يا أحمد
أحمد ...... ياحوده انا مالى جميلة ولا مش جميلة ياسيدى ربنا يزيدها جمال
لخطيبها .. ويهديها من اللى عملاه فى نفسها دا . ويهديك انت كمان يلا
محمود .... طيب هنعمل ايه دلوقتى
أحمد ..... اول حاجة هنصلى فى المسجد اللى هناك وبعد كده على البيت عشان
انا تعبان وحاسس انى جعان نوم وكمان وريا كلية بكره الصبح....
هــا . جاى معايا تصلى ولا زى كل مره . هههههه .
محمود .....جاى طبعا .
أحمد ..... وفى تانى يوم الصبح ذهبت الى الكلية وكانت الزحمة الشديده وكأنها مظاهره
أحمد ..... يجماعة فى ايه ؟
أحد الطلاب ..... الاخوان يعم عاميلن مظاهره عشان القذف الاسرائيلى على فلسطين
أحمد .... طبعا انا لحد دلوقتى من المشاهدين . وكان بعض الطلاب يحملون بعضهم البعض
ومنهم اللى شايل صوره كبيره وفيها اطفال شهداء واللى مكتوب فيها اين ضمير العالم
انا مكنتش مستغرب عشان الموضوع دا اتعودنا عليه وفى الاخر الشرطة بتيجى تأخد كام
شاب دا غير الضرب من عساكر الامن المركزى
وفعلا بعد شويه جات الشرطة مش من نفسهم لاء طبعا اتصل بيهم العميد
وقامت بالاعتداء على الشباب وكان وسطهم البنات .
طبعا مفيش تفرقة عندهم بنات او ولاد الضرب على كله وخلاص لدرجة
ان فى بنت كانت مسكت رأسها وكان فى نزيف واضح انه تأثير ضربة عصا
هى كانت منقبة واضح عليها انها اخوان خذوها زميلاتها وجرى بيها على كلية طب
أما انا فكان نصيبى انى شفت شاب ماسك رجليه مش قادر يمشى وبيقع جريت عليه تعالا
كان بيتألم . أه .... رجلى انكسرت
أحمد .... متخفش ان شاء الله بسيطة
الطالب .... حسبى الله ونعم الوكيل فيهم .... أحمد .... هما مين ؟؟
الطالب .... الحكومة ..
أحمد .... بقولك حرك صوابع رجليك كده . اتحركت . متخفش مفيش كسر ولا حاجة
ارتاح تعالا هنا اجلس
أحمد .... يعم ريح دماغك الحكومة فى وادى والناس فى وادى تانى
الطالب .... الناس سلبين للاسف والنظام عميل لإسرائيل شفت يا ... اسم حضرتك ايه ؟
أحمد . وحضرتك ؟ عادل . تشرفنا الشرف ليا
عادل ... شكرا على تعبك معايا .
ومن اللحظة دى بقينا اصحاب . وصلته عند موقف سيارات عشان هو مروح
أحمد .... مشيت فى اتجاهى لسياره اجره طبعا كا العاده وبفكر ونا ماشى جت على بالى
الاية اللى بتقول
وَلَوْلا دَفْعُ اللهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ
صدق الله العظيم
شورت لسياره ميكروباص كا العاده الزحمة الفظيعة ركبت فى اخر مقعد
مع تلاته انا الرابع وكان دا اخر مكان مفيش غير الحتة الصغيره اللى فى ظهر السواق
ودى كان فيها التباع اللى بيلم الاجره وبينادى على الزباين
وقف الميروباص الناس فى صوت واحد انت بتقف ليه يا اصطى هو فيه مكان
التباع .... يجماعة بنت وقفة لوحدها هتركب مكانى ونا هقف . عشان الليل وكده
الناس .... اتفضل يا سيدى ركبها .
التباع ..... اتفضلى يا استاذه دخلت البنت جلست وسط الزحمة وفى مكان صغير جدا
خلف كرسى السواق . والتباع واقف بجوار البنت وراسه فى سقف السياره
إيده اليمين مسنوده على كرسى السواق خلف البنت والشمال على شباك السياره
التباع ...... الاجره ياجماعة . كله دفع الاجره وبعد عشر دقائق تقريبا
انا لحظت ان البنت مضياقة من الكرسى والتباع مش على بعضة بيتلفت يمين وشمال
او فى حاجة ايه هى مش عارف ؟
البنت بتبكى راجل عجوز بيسألها فى ايه يا بنتى . بكت اكتر سمعت شاب بجوار الراجل
العجوز بصوت عالى . قوليلى هو عمل ايه التباع الحيوان انا مراقبة من بدرى بدأ الاشتباك
بين الراجل والتباع اول ضربة فى انف التباع رأسه اتخبطت فى سقف السياره وقف السواق
التباع .... معملتش حاجة . ست سألت البنت معرفش ايه السؤال . وكانت الاجابة ان البنت
هزت رأسها وهى بتبكى بمعنى ان التباع فعلا عمل حاجة لا اخلاقية
بدأ الشباب بالضرب فى التباع بعمق حتى النيف وكلام كتير . وسب و لو اختك
وكلام من هذا القبيل .
الشباب لازم نوديه القسم
السواق ..... يجماعة هو انضرب خلاص
راجل عجوز ...... قلة ادب . الست بتسأل البنت انتى ساكنه فين تعالا يا بنتى متاخفيش
أحمد ..... خلاص يجماعة لو عشان التباع هو انضرب بما فيه الكفاية واحنا تعبانين
ولو روحنا القسم طبعا لازم الانسه تكون موجوده وبهدلة وكده .
البنت ..... لا خلاص نمشى احسن .
ركبا السياره ...... والناس اصروا ان التباع ميركبش
السواق ..... خلاص خليك على الطريق ونا راجع
فات اليوم اللى كله ضرب * ضرب
وبعد اسبوع ونا فى الكلية قابلنى عادل . ازيك يا احمد ليك وحشة وكان معايا محمود صحبى
كويس انى شوفتك النهرضة
احمد .... اعرفك بمحمود صديقى محمود دا عادل اللى كلمتك عنه بتاع المظاهره
عادل .... هههههه انت بتتكلم عليا من ورايا يأحمد بس دى تبقى نميمة ههههه
احمد .... بس انا مقولتلوش اهم حاجة . انك اخوان
عادل .... دا يشرفنى انى اكون اخوان انا اطول ابقى اخوان
محمود .... ياسلام . دا ايه التواضع دا كلة . دا حتى اسمهم المحظوره . ههههه
عادل ..... ماشى يعم مقبوله منك . على فكرى بكره صيام متنسوش بقولك
ايه يا أحمد فى شخص انا اعرفة كويس عاوزه يأخد ثواب كم واحد صايم كده
على الفطار بكره ياريت تشرفونا وأى حد تتوسم فيه الخير جيبة معاك .
الا بقى ان كنت عاوز تفطر لوحدك .
أحمد .... لاء عادى ان شاء الله
عادل.... طيب انا هفوت عليك قبل المغرب بحولى ساعة بكره نروح مع بعض
احمد ... ايه رايك يا حوده تيجى تدى للراجل ثواب صيامك ولا تديه لحد تانى
محمود .... جاى يعم احنا خسارنين ايه اهو اكل ببلاش .
وفعلا فات عادل علينا روحنا معاه دخلنا الصاله وكانت المفجأ اكل مما تشتهى الانفس
قمنا للصلاه فى نفس المكان وبعدين توجهنا للاكل وكنا عباره عن صفين جالسين بطول
تقريبا 20 متر على جانبى فرش الطعام . وهناك فى اخر الطعام شوفت اشاره اتفضل
بتقديم نفسك كل واحد بيقول اسمه للتعارف الاغلبية معرفش حد فيهم انا لحظت كواليس غريبه
اكتشفت بعدها انهم كلهم اخوان ما عدا انا ومحمود .
بعد الطعام سمعت من يقول كلمة الاخ فلان . اتكلم شوية فى الدين وبعدين خرجت انا ومحمود
ومعانا عادل .
أحمد ...... من المفروض يا عادل انك كنت تفهمنا احنا رايحين فين ولو عاوزين تضموا حد للجماعة
مش بالطريقة دى وشكرا على الخدعة .
عادل ...... لا اوعى تزعل مش قصدى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
ونكمل بكره ان شاء الله **** بكيبوردى
|