[MoNa LeZa]

الســـــلام عليكـــــــم ورحمه الله وبركـاته اخباركم ايه يا أحلى فوريم يــ،،،ــارب تكـونوا بخــير انهــارده اول حلــقه (مشكله ) من برنـــــــــامج حكــ،،،ــاوى القهـــ،،،ـاوى وطبعا كلنا فاكرين فكرة البرنامج ولو فى حد مش عرف الفكرة يدخل هنــــا http://forums.msryat.org/msryat244527/ وان شاء الله بعد ماالاعضاء يطلعوا ع المشكله هيقولوا رأيهم وحلولهم و هنشوف اكتر حل مناسب وهنعرضه وهنقول ان دا افضل وانسب حل ودلوقتى هنبدأ حلقتنا على هيئه قصه و أول حلقه معـانــــــا بعـنوان (( وداع العقــل ))

والان مع تعريف الشخصيات احمد:شاب في تالته اعدادي شاطر بس عنده مشكله وهي انه بيحب يكون الافضل وسط اصحابه والمسيطر ونفسه يصاحب ناس اكبر منه ويبقى برضه الافضل وسطهم ويبقى هو محور الكلام والاهتمام وللاسف تفكيره هداه لفكره هنعرفها في القصه مريم:اخت احمد شابه جميله في اولى ثانوي ليها اصحاب كتير جدا من سنها بسبب روحها المرحه وخفه دمها وكده انتهى عرض للشخصيات المهمه في القصه احمد وهو مروح بيتهم من المدرسه قعد يفكر ازاي يقدر يكون واحد مهم في شله شباب اكبر منه بس المشكله انه مش عارف هيدخلهم ازاي وازاي هيتقبلوه وهو اصغر منهم ولمعت في راسه فكره خطيره وقرر تنفيذها. لما رجع البيت سأل والدته..... احمد:ماما هي مريم فين الام:مريم بتذاكر في اوضتها يا احمد فذهب احمد على الفور الى اخته مريم وقال لها ان هو عايز يعمل مكالمه من تليفونها علشان مش معاه رصيد وانطلت الخدعه على مريم المسكينه و اخد احمد التليفون ودخل اوضته وفتح الاسماء اللي في القايمه وقعد يسجل ارقام لاصحاب مريم وبعد دقيقتين من نقل الارقام اعطى التليفون لاخته تاني وابتسم ابتسامه خبيثه وخد الورقه اللي فيها الارقام وفورا راح لمكان شله في اولى ثانوي وهما خارجين من الدرس بتاعهم وقعد يقول لهم انه معاه ارقام تليفونات لبنات في اولى ثانوي طبعا الشباب ما صدقوا وقعدوا يسألوه عن اسماء البنات وارقامهم وبكده هما اعتبروه عضو مهم معاهم لانه بيجيب لهم ارقام تليفونات لبنات محترمه جدا مكانوش عارفين يكلموهم حتى وبدأ الشباب بكلامهم المعسول للبنات الغلابه اللي مجربوش حب ومجربوش كلمه حلوه تتقال ليهم حتى منهم من سقط ومنهم من ثبتها الله على ايمانها ودي مكالمه انا سامعها من واحد كان مسجلها ونصها التالي وللعلم البنت اللي كان بيكلمها مكنتش بتسيب فرض دلوقتي بتصلي الجمعه بالعافيه ياترى قالوا ايه تعالوا نشوف الشاب:ازيك يا يورا عامله ايه يا حياتي يارا :كويسه يا فري يا حبيب قلبي فريد:مش هشوفك بقى يا يورا وحشتيني اوي يارا:اعمل ايه يعني يا فريد انت عارف اهلي بقوا بيسألوني رايحه فين وجايه منين وكده في الاجازه هنعرف نتقابل فريد:لسه هستنى الاجازه خلاص يا يارا براحتك سلا... يارا:لا استنى يا فريد متقفلش استنى فريد(بابتسامه خبيثه):نعم يارا:انا ممكن مروحش بكره درس الفيزياء ونتقابل فريد:وامتى الدرس ده يارا:بكره الساعه اربعه فريد:ماشي يا يورا يا حبيبتي يارا:اهم حاجه متزعلش يا حبيبي فريد:لا مش زعلان ابدا يارا:طيب يا حبيبي انا يهمني رضاك وشويه كلام حلو من الطرفين بس الفرق ان يارا بتتكلم بصدق وفريد بيتكلم بخبث وناوي على نيه سوده (افتكر حضراتكم فاهمين هي ايه) دي مجرد مكالمه من مكالمات كتير بتحمل نفس الطابع واكتر وبتتطور لحاجات مش كويسه وبتنصب كلها في الاخر فوق راس البنت وبتدمر مستقبلها عالاخر ياترى ايه حل المشكله دي؟ وازاي نقدر نصلح حال احمد؟ وياترى ازاي هنقدر نعالج عقده النقص اللي عنده وازاي هنقدر نرجع العقل لمكانه بعد ما قال للجسم ودااااااااااااااااااااع؟ ومحتاجين منكم نصيحه او كلمه للشباب والبنات ألي بيقعوا في الغلط ده --------------------------------- نرجو منكم المتابعه وايجاد طريقه لحل المشكله دي كان معكم( MoNa LeZa& ماتركـس) في الحلقه الاولى من (حكــ،،ــاوى القـهــ،،ــاوى) لكم منا افضل التمنيات بحياه سعيده والسلام عليكم ورحمه الله وبركاته