[Aya 7ekaya]

الحقيقه ده اول برنامج انزله فى القسم وبقالى مده بتابع المواضيع وعجبتنى جداا الافكار لانها بتقرب الاعضاء اكتر من بعض وده اجمل شىء البرنامج ده انا اخدته من موضوع تانى اسمه سلف لنا ذكريات رمضان بس حبيت ادخل عليه شويه افكار بحيث يكون برنامج طريف وجميل حيقربنا اكتر من حياة ضيفنا فى شهر رمضان المبارك طبعا رمضان ليه طعم خاص كلنا بنستناه علشان اللمه وصلاة التراويح وليله القدر والسحور والزينه اللى بنقف نعلقها مع اصحابنا بجد بيبقى احساس جميل وبنحس انه بيعدى بسرعه وفى الاخر بيفضل ذكرى جميله جداا من واحنا اطفال لحد مانكبر ونحكيها لاولادنا وطبعا نتختلف روحانيات رمضان من جيل لجيل لكن فى حاجات ثابته عمرها ما تتغير فكرة البرنامج اننا حنستضيف عضو/ة وفى الاول حنسأله اسأله خفيفه كده وانا حنزل الاسئله والاجابات هنا فى التوبيك بحيث تكون جاهزة ع طول مده الاستضافه حتكون 3 ايام حسيب فيهم الضيف يحكى لينا عن حياته فى رمضان عامله ازاى وكمان يحكى لينا المواقف اللى حصلت معاه فى الشهر ده يعنى بمعنى أصح كل ذكرياته فى رمضان فى المنتدى خارج المنتدى وياارب يكون كله شهر طاعه وعوده لربنا بعيد عن اى حاجة ممكن تشغلنا زى المسلسلات الغير هادفه بالمرة واللى هدفها الوحيد انها تلهينا عن ذكر ربنا او الصلاة او اى حاجة ممكن تضيع مننا الفوز بالشهر ده وياارب الفكرة تعجبكم وان لو الفكرة نالت اعجبكم حنشوف اول ضيف /ة معانا وحينورنا