عرض مشاركة واحدة
قديم منذ /08-01-2011, 02:26 PM   #1

βзήŦ ℓǻẑĨήǻ

عضوة مميز

 

 رقم العضوية : 31007
 تاريخ التسجيل : Sep 2009
 العمر : 29
 الجنس : ~ بنوتة
 المكان : أخرآلشآرع يمين
 المشاركات : 3,584
 الحكمة المفضلة : ليس كل سقوط نهآيهـ ,, فسقوط آلمطر أجمل بدآيهـ
 النقاط : βзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to behold
 درجة التقييم : 812
 قوة التقييم : 1

βзήŦ ℓǻẑĨήǻ غير متواجد حالياً

أوسمة العضو
الحلقة الاولي من كش ملك ومعانا ؟

بسم الله الرحمن الرحيم
قال تعالي
{شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ }

اهلا بيكوا اعزائي الاعضاء
كل سنة وانتم طيبين
ويارب يكون رمضان مبارك عليكوا

اخيرا وبعد طول انتظار
معانا
حصريا علي تليفزيون بنات مصر
نعرض لكم علي شاشة اليوميات
برنامج
كش ملك


معانا في اول حلقه النهاردة
عضو مميز جدا ومحبوب جدا جدا
بيتمتع بحضوره الرائع
اثبت وجوده في المنتدي في خلال فترة قصيرة اوي
ليه بصمة واضحه في المنتدي والكل يشهدله بكده
اعلامي قوي جدا ومحاور ذكي جدا جدا
قدر انه يخطف انظار الجميع في الفترة اللي فاتت
بصوا انا موش هطول عليكوا اكتر من كده
معانا النهارده
مشرف اليوميات
اللذيذ الرايق
مورشو
اهلا بيك يااحمد ورمضان كريم .
ندخل في الموضوع
بس بعدماتعرف الاعضاء مين هو مورشو؟


طبعا سعيد جدا بوجودى معاكى وكل سنة وانتو طيبين ويشرفنى اكيد انى فى البرنامج الجميل دا

morshooo شاب عادى زى اى شاب مصرى ليا طموحات واحلام

اتمنى تحقيقها وبسعى لتحقيقها ان شاء الله دا باختصار طبعا ^_^

ودلوقتي نبدء فقراتنا
واللي بتكون عبارة عن 3فقرات
اول فقرة وهي ع الموبايل
وتاني فقرة وهي بالمستندات
اما تالت فقرة بأه فهي
كش ملك
جاهز
ع الموبايل :

قولي ياعم
موبايلك نوعه ايه ونوع الشريحه كمان؟


n95

فودافون

مين الحد اللي لازم احمد يكلمه كل يوم ؟

اخواتى

بمناسبة رمضان ايه اجمد رسالة جتلك لحد دلوقتي ؟

كلها أيام وليالي
وأمنعك من الأكل يالغالي
المرسل:
(رمــضــان)

وايه اخر رسالة انت بعتها ولمين ؟

انا لسة بصراحة مبعتش لحد دلوقتى لانى لسة راجع طاظا

رساله مابتتمسحش من علي موبايلك خالص؟

لا مفيش رسالة معينة لان موبيلى ضاااااااااع وانا مسافر :Sh_075:

مين اللي مسموحله انه يمسك موبايل مورشو ويقلب فيه ؟

ابن اختى الصغير الاستاذ يحيى لان محدش بيقدر علية اصلا ^_^

انتهت الفقرة ويارب تكون خفيفه عليكوا
فاصل ونرجع بالمستندات



ورجعنالكم تاني
ولسه منورنا قمر المنتدي
مورشو
حاسس بأيه دلوقتي يامورشو؟

كلة عنب وتمام التمام

واول فقرة كانت زى الفل عقبال الباقى :vb29:

طب ايه رأيك ندخل ع المستندات

اوكيك



*(صفحات مورشو عاشق الحياة)
(ركن صفحات مكشوفه)
تفتكر انت فعلا بتعشق الحياة ؟

الحمد لله انا دائما بشوف الحياة جميلة وفعلا بحب الحياة جدا جدا

واكيد كان دا سبب انى اخترت اسم ( عاشق الحياة )

طب هوايه مفهوم الحياة من وجهة نظرك ؟

بصى انا مقتنع بأن الحياة متقلبة يعنى انا شايف جمال الحياة مش فى حلوها بس ولكن فى ظروفها عموما الى بنمر بيها يعنى اكيد لو الحياة كلها سعيدة فقط مش هيبقى ليها شكل والا طعم ولكن لازم نمر بظروف تانية عشان احنا كاشخاص نسعى للسعادة ونحققها

مورشو شوف كده
اما مورشوا
شكرا للموضوع
نفسي اتخانق مع حد عشان اكون ضيفتك :showoff:
ده كان رد لsilver flower
في حلقات اجمد عضو
اكيد موش هتكلم في موضوع انه بيعمل مشاكل
لاننا اتكلمنا في الموضوع ده كتير ومتهيألي بأه واضح للكل
بس
تفتكر ليه الاعضاء نفسها تكون في اجمد عضو ؟

هو فعلا انا اكلمت كتير جدا فى الموضوع دا ووضحت وجهة نظرى كتير جدااا لكن اعتقد ان الحمد لله الاعضاء عرفو كويس اية هو برنامج اجمد عضو واعتقد ان دلوقتى اول لما بتنزل حلقة اغلب الاعضاء بيدخولو يشوفو فى اية حتى لو بيدخل مش بيرد وعلى فكرة انا بعد كل حلقة بيجيلى رسائل خاصة اكتر من ردود الاعضاء على التوبيك ودا بيبسطنى جدا على فكرة

واحساسك بيكون ايه لما بتشوف كلام زي ده واعجاب بالبرنامج؟

اكيد بكون مبسوط جدا واكيد انا لو بعمل التوبيك بعملة عشان يعجب الاعضاء ويحسو ان فى حاجا جديدة بتتقدملهم مش توبيك تقليدى ودا الحمد لله موجود فى اجمد عضو واكيد موجود فى توبيكات تانية فى اليوميات ولكن كل توبيك ولية شكلة وطريقة تقديمة ودا الى بيميز توبيك عن التانى

و لما بعض الاعضاء بيهاجموا البرنامج
او موش عاجبهم او بينتقدوه

اكيد بهتم بأرائهم ولكن المهم الى يهاجم يهاجم وهو على حق لكن مايدخلش يقول التوبيك بيعمل مشاكل ويسكت مع انى لما بستضيف حد بستضيف صاحب المشكلة مش بستضيف حد خارج المشكلة واخد رائية


تفتكر ان ده بيأكد ان البرنامج ناجح وشاغل اهتمام الجميع
ولا احساسك بيكون ازاي؟

البرنامج الحمد لله اعتقد انة ناجح والدليل الوسام الى اخدة بسبب البرنامج ويكفينى انى لما ببعت لحد دعوة الحمد لله بيقبلها ويمكن انا عملت تقريبا بتاع 50 حلقة يمكن الى رفضو التواجد فى اجمد عضو اعتقد افتكر انهم اقلل من 4 اعضاء فقط وكان ليهم ظروف وقت ما بعتلهم الدعوة

توبيك اجمد عضو لما استضافوك طارق وعكاشه
كنت حاسس بصعوبة او تردد في الاجابات
وخصوصا علي اسئلة عكاشة؟

لا مكنش فى صعوبة والا حاجا ولكن الحوار كان طويل جدا واسئلة عكاشة انا كنت متوقعها او متاكد منها انة هيبعتهالى بالشكل الى بعتهولى لان الخلاف الى بينا هو بسبب الثورة لكن عكاشة يمكن بنكلم على الميل اوقات كتير ويمكن احنا اصحاب الحمد لله وزى ما قولتلك الخلاف الى بينا هو الثورة فقط

وبكده بتنتهي فقرتنا
بس احنا لسه مكملين مع اللذيذ الرايق
في كش ملك
ولكن بعد الفاصل خليكوا معانا




اهلا بيكوا مرة تانيه او نقول مرة تالته
واكيد مكملين مع المتألق مورشو
مورشو انت كويس يعني كل شئ تومام والحمدلله

ايووووووووون الحمد لله :تسبيله:

بس قبل مانبدء
احب اقول لكل الاعضاء ان الزعل ممنوع بتاتا اوك
يلا بينا علي كش ملك

والفقرة دي باختصار هسألك فيها 10اسئلة
ولكل سؤال 3اختيارات واجابة اخري
لكن من حقك انك تستخدم اجابة اخري مرتين بس
اوك




*اول سؤال :
ايه هي افضل حلقة من اجمد عضو بالنسبة لمورشو
1-حلقة الاسلامبولي
2-اول حلقه وهي حلقة نودي
3- حلقة طارق وعكاشة
4-اجابة اخري

عشان كانت بداية انطلاق اجمد عضو


*تاني سؤال:
لو مورشو موش مشرف اليوميات
كنت تحب تكون مشرف ايه
1-القسم العام
2-عالم الرجل
3-النقاش والحوار الجاد
4- اجابة اخري

يمكن القسم العام هختارة لان القسم دا مظلوم جداا فى المواضيع


*السؤال التالت :
المنتدي بالنسبة لك ايه

1-بيتك التاني
2- زيه زي غيره
3- بتفيد وتستفيد بس
4-اجابة اخري

عشان بقضى فية وقت كبير جدا

*رابع سؤال:
ايه هي افضل ثورة قامت بشكل صحيح لحد دلوقتي
1-مصر
2- ليبيا
3-تونس
4-اجابة اخري

المفروض بعد قيام اى ثورة الشعب يتفق على مطالب ثابتة ودا محصلش فى مصر والا تونس وليبيا لسة طبعا


*وخامس سؤال:
انت شايف مين افضل مشرف ع اليوميات :
1-morshooo
2-CraZyNona
3-dr.pharma
4-اجابة اخري

طبعا رفيف بقالها فترة مش بتدخل الا قليل جدا ودا بسبب ظروف عندها وطبعا انا هستبعد نفسى ولكن فعلا من بعد عودة نونا وهى عاملة نشاط واضح فى القسم


*السؤال السادس:
ايه هو انشط قسم في المنتدي
1-الاسلاميات والقرأن الكريم

2-قسم يوميات الاعضاء
3-مصر بينا احلي
4- اجابة اخري


يمكن الفترة الجاية هنشوف الاسلاميات نشيط ايضا ولكن اليوميات سوف يظهر بشكل اكثر من رائع ولكن اليوميات طوال السنة اعتقد انة نشيط


*السؤال السابع:
تقول ايه علي ماتركس
1-ذكي جدا
2-غامض جدا
3-اللي في قلبه علي لسانه
4-اجابة اخري

ايون غامض انا عارفة ^_^

*السؤال التامن:
مورشو انسان مجامل
1- ايون
2- لا خالص
3- في حالات معينة
4- اجابة اخري

يمكن فى الحياة العادية ساعات فى أمور بتخلينى اجامل حد ودا طبيعى فى حياتنا لكن فى المنتدى معتقدش انى مجامل خالص

*السؤال التاسع
مين صاحب/ة افضل قلم
1-رحيق الجنة
2- أ/محمد الشريف
3-دمعه حائرة
4-اجابة اخري

انا هختار اجابة اخرى لان انتى اخترتى افضل 3 اعضاء فى المنتدى وفعلا كلهم محترمين واصحاب قلم قوى ومميز

*السؤال العاشر
لمين بتقول اسف
1- لوالدك
2-لوالدتك
3- لعضو من المنتدي هنا
4- اجابة اخري

اتمنى انى لو كنت زعلتها فى اى حاجا تسامحينى ولكن الحمد لله انا معتقدش انى زعلتها فى حاجا وكنت اتمنى وجودها معايا الفترة الحاليا وخاصة فى شهر رمضان

ودي كانت اخر فقرة معانا في البرنامج
وبجد انا اد ايه استمتعت بوجود مورشو معايا
في الحلقة النهاردة
ويارب الضيف ميكونش بيشتم من جواها^_^
سوري الحلقه كانت طويلة شويتين
بس يارب تكون خفيفة عليكوا
ويعجبكوا البرنامج
اشوفكوا علي خير في حلقة جديدة من
كش ملك
هتوحشوني
في امان الله