جميل البرنامج فعلا
تحس فيه نسمةمن نسمات الحرية كدة
بس علي فكرة العضو مش سري ولا حاجة :vb12:
المهم
ندخل في المضمون بقي
انا هعلق علي كام حاجة وهوضح للضيف شوية حاجات
و طبعا زي ما اصحاب البرنامج قالوا اختلاف الراي لا يفسد للود قضية
بص يا عم الضيف
نتكلم في الجزء بتاع الادارة الاول
الادارة من غير طارق هتخسر كتير جدا جدا
دة شئ الكل عارفه طبعا و محدش ينكره و انا اول واحدة بأكد عليه
انت حكمت ان اختصاصاتي انا وحنون محددة وملهاش اهمية
و ممكن اي حد يعملها عادي يعني
سؤال هو انت تعرف اصلا ايه هي اختصاصاتنا ؟؟
طبعا في ناس ممكن تكون ادارية في يوم من الايام من الاعضاء عادي
لكن .... في صفات معينة لازم تتوافر في الاداري عشان يوصل لكدة
و دة كان سبب اختيار طارق ليا ولحنون
يعني مجهودي انا وحنون مش لازم يكون واضح لحضرتك
عشان حد يقرر مين يستاهل ومين لا طبعا
و كمان موضوع تعيين المشرفين والمراقبين و التميز كمان
من يوم ما الادارة بقت اكتر من شخص والقرار جماعي بيننا
محدش بيقرر لوحده و لو حد فينا شايف حد مناسب لاي قسم
بيقترح فورا علي الباقيين ونشوف الصح
دة حتي المشرفيين بيتاخد رايهم في التمييز
و اظن الكل عارف كدة من التكريم الاخير
و حرام اني مذكرش دور احمد تكنيكال في الادارة
دة ظلم ليه ولمجهوده وعلي فكرة مش معني ان اداري مش بيشارك كتير مثلا او بيرد
انه غير متواجد او مش قايم بواجبه بالعكس دة ممكن يكون بيفيد الاعضاء اكتر من اي حد
بس مش لازم نقدم تقرير باللي بيتعمل :Sport-007:
و نقطة ان لواداري قال حاجة كل الادارة تقول آمين بعده
دة مش صح خالص ليه هو كلام قرآن
احنا ممكن نختلف لكن بنعرف نتفاهم و نتناقش بتحضر وبعقل
ونوصل لحل لاي حاجة واتفاق ومش بنظهر الا بقرار معين باسم الادارة كلها
يبقي بلاش كلام من غير أدلة وهات الحاجات الغلط اللي كل الادارة وافقت عليها
من غير أدلة ملهاش لزمة
ندخل بقي علي موضوع ان الاختيار بالاقدمية
مش هتكلم كتير فيه لانه حاجة تضحك بصراحة
ازاي هجيب حد مثلا معانا من زمان و مش بيشارك واقوله انت هتكون مراقب !!!
عمرها ما حصلت دي مع الاخد في الاعتبار ان فيه ظروف بتحصل لينا كلنا ممكن نغيب ليها فترة
احنا بشر يعني
يبقي تقول اسامي من غير التعميم دة لانك مش هتلاقي
و نقطة القوانين كمان
طبعا القوانين علي الكل و لازم تتنفذ
لكن في حاجة اسمها شكاوي انا مش براقب الرسايل عشان اعرف مين بيبعت ايه
لو حد اشتكي يبقي فيه مشكلة وبتتحل حتي لو كان اللي غلط المشرف هيتعاقب
و أظن ان فيه امثلة كتير جدا لمشرفين غلطوا واتعاقبوا
و لا الكلام هيكون علي حالات وحالات لا :shiny01:
مش هتكلم بقي في نقطة البرنسيسة لانها ردت
و كمان لان الرد بتاع الضيف برضه ضحكني
ابقي اتكلمي بضمير مستتر يا سارة بعد كدة
:cv25:
ــــــــــــــــــــــــــــــــــــــــــــــــ
انتوا قلتوا من غير زعل والرأي الاخر والكلام الجميل دة
بس رأيي ان معظم الاجابات
كلام من غير ادلة
كله كلام عــــــام
بقولك ايه يا عم الضيف ما تدينا امثلة كدة لادارة جديدة ومراقبين وبالمرة مشرفين
خلينا نشوف الاختيارت هتكون ازاي
طبعا انا مش مستنية رد لانه مش هيعرف حد هو مين :Ts_011:
تحياتي للضيف ولمقدمي البرنامج