هلا يالغلا انهاردة جايبة سبق
صحفى مع شخص كل العالم
بيحكو عنو سيلفر اسبيكترا
هنعرف اكتر عنة لانى بعتبرة من
الشخصيات الغامضة
هكذا دار الحوار
ساحرة الليل:الناس بتقول سيلفر اسبيكتر مغرور دة صح ولا غلط طب لو غلط تفتكر اية خلاهم يقولو كدة؟؟؟؟!
سيلفر اسبيكتر:و الله دا حكم يرجع لصاحبه ,,بس خليه يجيب أدلة غروري
اما لو غلط فدا ناتج من ان لوني احمر و صاحب المسؤولية ,, أي حاجه بتحصل بلبسها أنا و بيكون مطلوب مني اني اخد فيها موقف و قرار
ساحرة الليل:شايف ان منتدى بنات مصرخالى من العيوب ؟؟
سيلفر اسبيكتر:مافيش حاجه في الدنيا دي خالية من العيوب ,, أهم عيب في المنتدى هو بطئ سيرفره و عدم قدرته على استيعاب زواره و دي مشكلة مش مسؤول عنها لأني اداري داخلي مش صاحب الموقع
ساحرة الليل:الناس بتقول سيلفر اسبيكتر شخصية خالية من العيوب صح ولا غلط!!
سيلفر اسبيكتر:مافيش انسان خالي من العيوب
ساحرة الليل:عندنا اخبريات ان عصبيتك جامدة جدا ومالها حدود هل دة صح!!
سيلفر اسبيكتر:اي انسان بيعصب ,,بس المهم انك مش تعصب غير لما يكون عندك حق ,,بمعنى انك توظف عصبيتك صح ,,لما حد مثلا يغلط فيك بدون داعي ,وقتها برد عليه بقوة ,,و دا مالوش علاقة بالنقد ,,بالعكس انا بحب النقد زي ما بقول دايما لكن النقد البناء ,,مش نقد عشان فلان مش داخل مزاجي
ساحرة الليل:انتا اية رائيك فى حياتك ؟؟؟
سيلفر اسبيكتر:زي الفل
ساحرة الليل:الناس بتقول سيلفر اسبيكتر شخصية غامضة طبعها حاد ومتسلطة اية رائيك فى الكلام دة!!
سيلفر اسبيكتر:ناس ما تعرفنيش ,,نظرة سطحية ممكن تقولها على اي شخص صاحب مسؤولية ,,عمر ما كان فرض القانون تسلط ,,النظام عمره ماكان تسلط ,,لما بيجيلك واحد مثلا و بيشتكي من عضو سبه في الخاص و بتحقق في الموضوع و بتعرف الطرف الي غلط في حق التاني ,,لما بتاخد اجراءك ضد العضو المخالف العضو المخالف طبيعي بيشوفك متسلط ,,ماحدش بيشوف نفسه غلطان حتى و لو قتل ابوه!!
بالعكس انت لو سكت و تجاهلت فرض القانون هتكون متسيب
و عامة تقدري تلفي في الاقسام و تشوفي حرية التعبير و النقد سواء في حق الادارة او في الحياة العامة ,,و احكمي في النهاية اذا كنت متسلط أو لأ
ساحرة الليل:لو فى يوم حبيت وحبيبتك بتحب صاحبك وصاحبك بيحبها هتنساها عشان بيحبة بعض ولاتحاول تفرقهم وتتقرب منها!!
سيلفر اسبيكتر:مش هحاول افرقهم ,,أنا مش بفرق حد ,,بس الحب ما بيتقسمش على اتنين ,,يعني لو هي بتحب غيري تبقى هي مش بتحبني ,,سميها اي حاجه تانيه بس مش هترتقى لمستوى الحب الي اهم عنصر فيه هو الاخلاص ,,وقتها أنسب حل انك تسيبها
ساحرة الليل:هل سيلفر اسبيكتر عندما كان طفل كان مشاغب طب قلنا موقف عملتوكان مشاغب؟؟
سيلفر اسبيكتر:يوووه هحكيلك ايه و لا ايه ,,بس كنت بحب اغلس عالبنات و اضربهم ,,و اي واد بيدلع كدا و لا بيقول مامي و لا بابي كان بيضرب برضو ,,يا تبقى راجل كدا يا تشرب ضرب
ساحرة الليل: اية رائيك فى التعليم؟؟
سيلفر اسبيكتر:التعليم مشاكله ثقافية اكتر منها ادارية ,,طبعا في مشاكل ادارية و مشاكل مالية ,,لكن اهم حاجه هي المشاكل الثقافية ,,العيال بتتربى هنا على الاستهزاء بالمدرس ,,و بيتفاخروا بكدا
ساحرة الليل: عضوتكرة بشدة ولاتطيق دخول المنتدى من اجلة؟؟
سيلفر اسبيكتر:ما بكرهش حد
ساحرة الليل:عضو تحبة بشدة ومعجب بمشاركاتة؟؟
سيلفر اسبيكتر:ناس كتير شغلها يفتح النفس هنا في المنتدى و بون ذكر اسماء لان استحالة هقدر احصيهم
ساحرة الليل:من اكتر شخص لاتحبة اومن وجهة نظرك ليس جدير بالادارة؟؟
سيلفر اسبيكتر:مافيش
واخيرا بعد التاخيرا مارائيك بصراحة وبدون مجمالات فى الاسئلة
متواضع شوية في اسئلة بتعيد نفسها و في اسئلة بتدعوا للكره ,,عضو مش طايقه و عضو بتكره يعني محتاجه تعمق شوية في طرح الاسئلة دا بصراحة أهو 
شكرا ليكي على الاستضافة