[SiLver Spectra]

عادل طه ,,اجاباتك حلوة و رائعة تنمي عن ثقافة و وعي
عندي تعليقين
اولهم عن ثورة ليبيا

اقتباس ماذا تتوقع مستقبل ليبيا بعده ؟ اتوقع مستقبل ليبيا هيكون احسن مننا لان الوضع يختلف عننا نحن فى مصر فى ليبيا الثوار مازالوا فى حرب مع المرتزقه الافارقه يعنى مصيرهم اما الهزيمه او الاستسلام وكل واحد سوف يعود لبلده بعد ذلك اما نحن مازلنا فى خطر وهنفضل فى خطر من فلول النظام الا اذا اخلصنا لله جميعا وتدخلت العنايه الالهيه لانقاذ البلد منهم ويعم الهدوء والاسقرار ان شاء الله

فعلا ممكن مستقبلهم يكون افضل لسببين
اولهم هو قلة عدد سكانهم و وجود البيترول
ثانيهم انهم اسقطوا نظام بالكامل و سيقيمون نظام جديد كليا
و هو الهدف الحقيقي للثورة الفعلية ,,مش مجرد اسماء بتتغير و النظام كما هو عليه
لأ تغيير شامل لمفهوم الدولة حتى ,,ممكن طبعا ليها اسباب لان القذافي كان مشقلب كل حاجه في البلد

أما السبب الي ممكن يخلي مستقبلهم اسوء مننا
هو انتشار الاسلحة بكثرة ,,لدرجة ان الدول المحيطة باقيت بتتضرر منهم
كل شوية شحنات بتتمسك عالحدود و شحنات اسلحة تانية بتتهرب
و طبعا لسه ليبيا ادامها المشوار طويل جدا ,,اسقاط النظام بيقولك هو اسهل خطوة في الثورة
الاصعب هو البناء
ممكن تحصل خلافات حاده و ممكن تظهر فتن لا قدر الله ,,الله اعلم
لكن عامة نتمنالهم المستقبل المثالي باذن الله

أما ثانيهم فهي الثورة السوريا

اقتباس ما موقفك الشخصي من ثورة سوريا مع أم ضد ولماذا ؟ فى الحقيقه اخى الكريم انا كنت ضد ثوره سوريا وكنت متعاطف مع بشار الاسد لانه عدو اسرائيل اللدود وكان بيعجبنى كرجل شجاع لا يهاب اسرائيل او امريكا بس عندما قامت الثوره واستمرت انخدعت فيه وفى طغيانه وتزكرت ما فعله ابوه حافظ الاسد فى احدى السنين لا اتذكر التاريخ معلش عندما ارتكب مجزره فى حق شعبه عندما طالبوا بالتغيير فعلى بشار الاسد الرحيل الان وترك شعبه فى امان بدل من كل هذه المجازر

أنا بصراحة استغربت من وعيك السياسي العالي في انحيازك للاسد في بداية الثورة
حتى من قبل الثورة كان معروف ان نظام الاسد نظام قمعي تعتيمي من الدرجة الاولى
يمكن من اشد الانظمة العربية قسوة
بس الثورة عرت النظام و اظهرت حقيقته

معاداة امريكا و اسرائيل بالكلام هو مجرد ذريعة لنيل رضى الشارع
يعني ما اقدرش اقول انه نظام ممانع و راجل غير لما احس انه قوي فعلا و مثال للمبادئ و بياثر على الدول الي بيعاديها ,,مش طيارات اسرائيلية تعدي فوق القصر بتاعه و مره تقصف موقع في ارضه على انه منشأة نووية و ما يعملش حاجه و يقولي مقاوم ,,داهو دا اسوء من المتخاذل الي على الاقل مش بيتلطش على افاه )

استضافة رائعة يا استاذ خالد,,